কোবিদ-১৯গী হৌজিক ওইরিবা ফিভম অসিগী মতুংইন্না অমসুং জে.ই.ই. (মেন) ২০২০গী পরিক্ষা থাগদৌরিবা মহৈরোইশিংনা মায়োক্নরিবা অৱাবশিং অদুগী য়েংলগা কেন্দ্রগী ঐচ.আর.দি. মন্ত্রীগী শ্রী রমেশ পোখ্রিয়াল নিশাঙ্কনা নেস্নেল তেস্তিং এজেন্সীদা মহৈরোইশিংনা সেন্তরগীদমক্তা অপাম্বা শহরশিং খনবগী অয়াবা য়াওহন্দুনা এপ্লিকেসন ফোর্মদা শেমদোকপগী স্কোপ অদু হেন্না শাংদোক্নবগী পাউতাক পীখ্রে। হায়রিবা অসিগী মতুং ইন্না, জে.ই.ই. (মেন) ২০২০গীদমক্তা ওনলাইন এপ্লিকেসন ফোর্মদা শেমদোকপগী খুদোংচাবা অদুগী মতাংদা নেস্নেল তেস্তিং এজেন্সীনা তাং ০১.০৪.২০২০দা থোকখিবা পব্লিক নোতিস অদুগী মখা চৎথবা ওইনা এপ্লিকেসন ফোর্মশিংদা শেমদোকপগী স্কোপ অদু ঙসি এন.তি.এ. মখা তানা শাংদোকপদা সেন্তরগীদমক্তা অপাম্বা শহরশিং খন্নবগীসু য়াওহল্লগনি।

করিগুম্বা কেন্দিদেৎনা অপাম্বা শহরদুদা লৈরিবা কেপাসিতী অদুগী মতুং ইন্না, এপ্লিকেসন ফোর্মদা খনখিবা শহরদা পরিক্ষা থাহন্নবগীদমক এন.তি.এ.না হোৎনগনি। অদুবু, এদমিনিস্ত্রেতিবকী মরমনা ওইরগা, অতোপ্পা শহর অমদসু তাবা য়াই অদুগা সেন্তর পীবগী মতাংদা এন.তি.এ.না লৌবা ৱারেপতুনা অরোইবা ওইগনি।

তাং ১৪/০৪/২০২০* ফাওবা https://jeemain.nta.nic/ ৱেবসাইৎতা ওনলাইন এপ্লিকেসনদা অপাম্বা সেন্তরগী শহর খনবগা য়াওনা অকুপ্পা মরোল, শেমদোক্নবগী খুদোংচাবা পীরি হায়না, জে.ই.ই. (মেন)-২০২০গী কেন্দিদেৎশিংদা খঙহনজরি। কেন্দিদেৎশিংদা ৱেবসাইৎ অসিদা চংদুনা মখোয়গী অকুপ্পা মরোলশিং অদু চুম্ব্রা হায়না য়েংবীনবা অমসুং মথৌ তাবা মফমদা তৌদবা য়াদ্রবা শেমদোক-শেমজিন তৌনবা খঙহনজরি।

‘*’ ওনলাইনদা মেনবা ফোর্মশিংগী অকুপ্পা মরোলশিং অদু নুংথিল পুং ৫.০০ ফাওবদা শেমদোকপা য়াগনি অমসুং ফীনা নুমিদাং পুং ১১.৫০ ফাওবা লৌগনি।

করিগুম্বা, মথৌতাবা (অহেনবা) শেল চংলবদি, ক্রেদিৎ/দেবিৎ কার্দ/নেত বেংকিং/ য়ু.পি.আই. অমসুং পে.তি.এম.না থিবা য়াগনি।

করিগুম্বা ফোর্মদা শেমদোক-শেমজিন তৌবগী মতুং ইন্না ফী থিবগী তঙাইফদবা লৈরবদি, শেল থিবা লোইরগা অরোইবা অপদেৎ উবা ফংগনি।

অমুক হন্না শেমদোকপগী খুদোংচাবা লৈরোইদবগী মরম ওইবনা কেন্দিদেৎশিংদা শেমদোক-শেমজিন তৌবদা মতমদা য়াম্না চেকশিন্না তৌনবা খঙহনজরি।

খ্বাইদগী অনৌবা পাউ ফংনবগীদমক্তা কেন্দিদেৎ অমসুং মখোয়গী মমা-মপাশিংনা jeemain.nta.nic.in অমসুং www.nta.ac.in তো‌ইনা-তোইনা য়েংনবা পাউজেল পীজরি/খঙহনজরি। মখা তাবা খঙনীংবা লৈরগদি 8287471852, 8178359845, 9650173668, 9599676953, 8882356803দা পাউ ফাওনবীয়ু।