কোবিদ-১৯না মরম ওইরগা তৌখিবা লোকদাউনগী মতুংদগী ভারতকী রেলৱেজনা তৌফম থোকপা মথৌনি হায়না উত্তুনা মী্য়ামগীদমক্তা মখোয়গী ওইনা লাইরবা তোল্ল-তারবা মীওইশিংগীদমক্তা অথোংবা চাকলুক কয়া অমা পীবা হৌখিবা অদু, মখা তানা অদুমক অথোংবা চাকলুক কয়া অমা পুন্না আই.আর.সি.তি.সিগী চাকখুমশিংগী খুথাংদা অয়ুক্কী চাক্লেনগীদমক্তা চেগী প্লেৎকা লোইননা অমসুং নুংদাংগী চাক্লেনগীদমক্তা পেকেৎ ওইনা, আর.পি.এফ.কী লৈজরিবা আদুদগী অমসুং এন.জি.ও.শিংনা পুথোরক্তুনা ফংহল্লি। অচা অথকশিং অদু লাইরবা, উপাই লৈত্রবা, চাক্নিবশিং, অঙাংশিং, কুলীশিং, মফম অতোপ্পদগী লাকপা শিন্মীশিং, পন্দুনা লৈরবা মীওইশিং অমসুং রেলৱে স্তেসনদা নত্ত্রগা স্তেসনগী মনাক্তা চানবা থিবা লাকপশিং অমসুং রেলৱে স্তেসনদগী খরা লাপ্পা মফমদা ফাওবা য়েন্থোকপগী থবক তৌই। 

মসিগী শিন্থা অসি, রেলৱেজগা লোইননা কোমর্স অমসুং ইদসত্রিজগী মন্ত্রী শ্রী পীয়ুশ গোয়লগী পাউতাক মখাদা পাংথোকখিবনি। মহাক্না হায়খি মদুদি লাইরবা তোল্ল-তারবা মীওইশিংদা চান-থক্নবা অমসুং অতৈ অতোপ্পা মতেং পীনবগীদমক্তা হোৎনরিবা আসি রেলৱে স্তেসনগী মনাক নকপা মফমশিংদা নত্তনা থাপতোক্না লৈবা মফমশিংদসু মিৎয়েং চংবা অমসুং মসিগীদমক্তা জিলাগী ওথোরিতীশিং অমসুং এন.জি.ও.শিংগা তানবগী মথৌ তাই।

চান-থক্নবা য়েন্থোকপগী থবক অসি আর.পি.এফ., জি.আর.পি., জোনশিংগী কমর্সিয়েল দিপার্তমেন্তশিং, রাজ্য সরকারশিং অমসুং এন.জি.ও.শিংনা তৌই। লাইরবা তোল্ল-তারবশিংদা চান-থক্নবগী পোৎলমশিং অসি য়ৌহনবা মতমদা, সোসিয়েল দিস্তেন্সিং অমসুং হাইজিন অসি নীংথিনা ঙাক্তুনা চৎলি। মরি লৈনবা জোন অমসুং দিবিজনগী জি.এম./দি.আর.এম.শিংনা দিস্ত্রিক এদমিনিস্ত্রেশন অমসুং এন.জি.ও.শিংগী মতেংদগী স্তেসনগী অনকপদা লৈবা মফমশিংদগী থাপতোক্না লৈবা লাইরবা তোল্ল-তারবা মীওইশিংদা চান-থক্নবা য়ৌহনখিনবগীদমক্তা হোৎনরিবা অসিবু হেন্না মাইপাক্নবগীদমক আই.আর.সি.তি.সি.গী কর্মচারিশিংগা ইতৎ তত্তনা পাউ-ই ফাওনৈ।

ভারতকী রেলৱেনা, মার্চ ২৮, ২০২০দগী হৌজিক ফাওবদা, ন্যু দিল্লী, বেঙ্গলুরু, হুব্লী, মুম্বাই সেন্ত্রেল, অহমেদাবাদ, ভুসাৱল, হাওরা, পতনা, গয়া, রাঞ্চী, কতিহার, দীন দয়াল উপধ্যায় নাগর, বালাসোর, ৱিজ্যৱাদা, খুর্দা, কাতপাদী, তিরুচিরাপল্লী, ধনবাদ, গুৱাহাতী, সমস্তিপুর, প্রয়াগরাজ, ইতার্সী, ৱিশাখাপত্নম, চেংগলপত্তু, পুনে, হাজিপুর, রায়পুর, অমসুং তাতা নাগরদা লৈবা, নোর্দন, ৱেস্তর্ন, ইস্তর্ন, সাউদর্ন অমসুং সাউথ সেন্ত্রেল অসিগুম্লবা জোন কয়াদা শন্দোক্তুনা লৈরিবা আই.আর.সি.তি.সি.গী চাকখুমশিংনা থৌনা লৈনা মতেং পাংবদগী অমসুং আর.পি.এফকী মতেংদগী, লোইননা অতৈ অতোপ্পা সরকারগী দিপার্তমেন্তশিং অমসুং এন.জি.ও.শিংগী তেংবাংদগী লাইরবা অমসুং তোল্ল-তারবশিংদা চান-থক্নবগী পেকেৎ লাখ ৮.৫গী মথক্তা য়েন্থোকখি।

আই.আর.সি.তি.সি.না লাখ ৬কী মথক্তা থোংলবা চাকলুক কয়া ফংহনখি অমসুং লাখ ২দি আর.পি.এফ.না মখোয়গী লৈরিবা অদুদগী ফংহনখি। রেলৱে ওর্গনাইজেশনশিংগা খুৎশম্নদুনা এন.জি.ও.শিংনা অয়ুক্কী চাক্লেন লাখ ১.৫কী ময়া নক্না কৎখি। রেলৱে প্রোতেক্সন ফোর্সনা আই.আর.সি.তি.সি., এন.জি.ও.শিং অমসুং মখোয়গী চাকখুমদা শেমখিবা চান-থক্নবশিং অদু লাইরবা তোল্ল-তারবশিংদা য়েনথোকপদা য়াম্না চাউরবা থৌদাং লৌখি। মার্চ ২৮, ২০২০দা মফম ৭৪গী মথক্তা লাইরবা তোল্ল-তারবা মীওই ৫৪১৯দা য়েন্থোকপা হৌখিবদুনা নোংম-নোংমগী মশিং য়াম্বা অসুম হেনগৎলকখি। এপ্রিল ৮, ২০২০ ফাওবদা আর.পি.এফ.কী মায়কৈদগী মফম ৩১৩দা চাউরাক্না লাইরবা তোল্ল-তারবা মীওই লাখ ৬তা চান-থক্নবা য়েন্থোকখ্রে। ভারতকী রেলৱেজকী চান-থক্নবা য়েন্থোকপগী থবক অসি ঙসিসু মীওই লাখ ১গী ময়া নক্না অদুমক খুমাং চাউশিল্লি।

আই.আর.সি.তি.সি.না পি.এম. কেয়র্স ফন্দদা লুপা কোতি ২০সু হাপচিনখি। মসিদগী লুপা কোতি ১.৫০দি ২০১৯-২০গী সি.এস.আর. ফন্দদগীনি, লুপা কোতি ৬.৫না ২০২ও-২১গী সি.এস.আর. ফন্দদগীনি অমসুং লুপা কোতি ১২ অমনা দোনেসন ওইনা পীখি।

কোবিদ-১৯ শন্দোকপা অসি থিংনবগীদমক্তা ভারতকী রেলৱেজনা লোকদাউনগী মনুংদা তোল্ল-তারবাশিংদা চান-থক্নবা ফংহন্নবগীদমক্তা মপুং ফানা নীংথিনা শেম-শাদুনা লৈ। মসিগীদমক্তা হৱাই-চেংৱাই অমসুং অতৈ অতোপ্পা চংগদবা পোৎলমশিং মরাং কাইনা পৈশিন্দুনা নীংথিনা থম্লি।