লৈবাক অসিদা কোবিদ-১৯ ঙাকথোক্নবা অমসুং মেনেজমেন্তকীদমক ভারত সরকারনা রাজ্যশিং/য়ুনিয়ন তেরিতোরীশিংগা লোয়ননা তোঙান-তোঙানবা খোংথাং কয়া পায়খৎলি। মসিবু চাং নাইনা অৱাংবা থাক্তা মোনিতর তৌরি।

হকশেল অমসুং য়াইফ-য়ুম্বালগী য়ুনিয়ন মিনিস্তর দা. হর্শ বর্ধন্না ঙসি হকশেল অমসুং য়াইফ-য়ুম্বালগী রাজ্য মন্ত্রী শ্রী অশ্বিনি কুমার চৌবেগা লোয়ননা ভিদিও কনফরেন্সকী থোংদা রাজ্য অমদি য়ুনিয়ন তেরিতোরী পুম্নমক্কী হেল্থ মিনিস্তরশিং, চিফ সেক্রেতরীশিং/হেল্থ সেক্রেতরীশিংগা লোয়ননা কোবিদ-১৯ থেংননবা লৌখৎলিবা খোংথাংশিং অমসুং শেম শারিবশিং য়েংশিন্নবা ভিদিও কনফরেন্স অমা পাংথোকখ্রে

দা. হর্শ বর্ধন্না ফোংদোকখি মদুদি লৈবাক অসিগী জিলা খুদিংমক্তা কত্থো্লবা কোবিদ-১৯ হোস্পিতাল শেমগৎপা মথৌ তাই অমদি অথুবা মতমদা মীয়ামদা মদুগী মতাংদা খংহনবা তাই। মহাক্না হায়খি মদুদি করম্বা কেতেগোরীগী হেল্থৱার্কর/প্রোফেস্নেলনা করম্বা কেতেগোরীগী পি.পি.ই. শিজিন্নগদগে হায়বগী অকুপ্পা গাইদলাইনশিং মিনিস্ত্রীগী ৱেবসাইত্তা (www.mohfw.gov.in) ফংগনি অমদি রাজ্যশিংনা মদু শিজিন্নবগী মতাংদসু এৱারনেস পীবা মথৌ তাই। হোস্পিতালশিংগী তোঙান-তোঙানবা লমশিংদা পি.পি.ই. মফম চানা শিজিন্নবা উৎপা ভিদিও অমা অপলোদ তৌখ্রে মদু মখাগী অসিদা য়েংবা য়াগনি https://www.youtube.com/watch?v=LzB5krucZoQ&feature=youtu.be

ভারত সরকারনা ‘ইন্দিয়া কোবিদ-১৯ ইমর্জেন্সী রেস্পোন্স এন্দ হেল্থ সিস্তেম প্রিপ্যার্দনেস পেকেজ’গীদমক লুপা কোতি ১৫,০০০গী সেঙ্কসন অমা লাউথোকখ্রে। ফন্দ অসি কোবিদ-১৯গী অনাবশিং লাইয়েংবা অমদি কোবিদ-১৯দা মরুওইবা মিৎয়েং থম্বগা লোয়ননা লৈবাক অসিগী মেদিকেল ইনফ্রাস্ত্রকচর চেৎশিলহনবদা শিজিন্নবা ঙমগনি। মসিনা কোবিদ-১৯ তেস্ত তৌবগী খুদোংচাবা হেঙ্গৎহল্লগনি অমদি পি.পি.ই. লৈবা, আইসোলেসন বেদশিং, আই.সি.য়ু. বেদশিং, ভেন্তিলেতরশিং অমসুং অতোপ্পা চংদবা য়াদবা মেদিকেল ইক্বিপমেন্ত অমদি মেদিকেল অমসুং পেরামেদিকেল মেনপাৱরগী ত্রেনিং ফংহনবদা শিজিন্নবা ঙমগনি।

পি.পি.ই.গীদমক দোমেস্তিক মেনুফেকচরর ৩৯ দিবেলপ তৌরে অমদি রাজ্য পুম্নমক্তা ঐখোয়গী ফ্রন্তলাইন ৱার্করশিংগীদমক পি.পি.ই. মতিংক চানা ফংহন্নবা ভারত সরকারনা দরকার ওইবা খোংথাং পুম্নমক লৌখৎলে। রাজ্যশিংদা N-95 মাস্ক চাউরাক্না লাখ ২০.৪ সপ্লাই তৌখ্রে অমদি মখা তানা দরকার ওইবশিং ফংহন্নবগীদমক লৈশিনবগী থবক চত্থরি। ভেন্তিলেতর ৪৯০০০গী ওর্দরসু তৌখ্রে অমদি মখা তাবা দরকার ওইবশিংগীদমক স্তোক থম্লি। হকশেল অমসুং য়াইফ-য়ুম্বাল মন্ত্রালয়না ব্লদ ত্রান্সফ্যুজনদা গাইদলাইনসু ইসু তৌখ্রে। গাইদলাইনশিং অদু https://www.mohfw.gov.in/pdf/NBTCGUIDANCEFORCOVID19.pdfদা ফংবীগনি।

মসিদসু নত্তনা হাইদ্রোক্সীক্লোরোক্বিন (ঐচ.সি.ক্যু.)গী পান্নরিবা দরকারগী মতুং ইন্না তেব্লেৎ কোতি ১ (কোবিদ-১৯ অনাবশিং দিল তৌরিবা হেল্থ ৱার্করশিং, আই.সি.য়ু. কেসশিং অমসুং হায় রিস্ক কন্তেক্তশিং য়াওনা) মথৌ তারি। হৌজিক ফাওবগী ওইনা তেব্লেৎ কোতি ৩.২৮ লৈরি, মদু লৈবাক অসিদা দোমেস্তিক য়ুজকীদমক দরকার ওইরিবা অদুগী শরুক অহুম হেল্লি।

এইম্সনা মখোয়গী ৱেবিনারগী শরুক ওইনা প্রেগনেন্সী অমসুং লেবর মেনেজমেন্তদা ওনলাইন ত্রেনিং পায়খৎলি অমদি মদু মখাগী অসিদা ফংলি https://www.youtube.com/watch?v=MJwgi1LCu8o&feature=youtu.be

হৌজিক ফাওবগী ওইনা তেস্ত তৌবগী কেপাসিতী অসি হেঙ্গৎহন্দুনা সরকারগী লেবোরেতরী ১৪৬, প্রাইবেৎ লেবোরেতরী ৬৭ অমদি কলেক্সন সেন্তর ১৬০০০ হেন্না থম্লে। ২০২০গী এপ্রিল ৯দা চাউরাক্না তেস্ত ১৬০০২ পাংথোকখি, মদুগী মনুংদা ৩২০ (চাউরাক্না চাদা ২) পাজিতিব ওইবা থেংনখি।

হৌজিক ফাওবগী ওইনা কেস ৬৪১২ কনফার্ম তৌরে অমদি ১৯৯ লৈখিদবগী রিপোর্ত লৈরে। মীওই ৫০৩ ফিভম ফগৎলক্লবা মতুং দিজচার্জ তৌখ্রে।

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ঔথেন্তিক অমসুং অপদেত ওইবা ইনফোর্মেশন পুম্নমক্কীদমক চানবীদুনা চাং নাইনা ভিজিৎ তৌবীয়ু  https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা অমসুং অতোপ্পা ৱাহংশিং ncov2019[at]gov[dot]inদা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর +91-11-23978046 নত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি - https://www.mohfw.gov.in/pdf/coronvavirushelplinenumber.pdf