কোবিদ-১৯ শন্দোকপা অসি থিংনবগীদমক্তা পাইখৎলিবা থবক থৌরম কয়া অমগী মখা চৎথবা ওইনা, ভারতকী রেৱেজনা ভারত সরকারগী ওইবা হকশেলগীদমক্তা লৌখৎলকপা চেকশিন থৌরাংগী থবক মতেং পাংনবা অঙম্বা চাংদা হোৎনরি। মসিগী মাইকৈদা খোং থাংজিন্দুনা ভারতকী রেলৱেজনা মখোয়গী জোনেল রেলৱেজশিংদা, প্রোদক্সন য়ুনিৎশিং অমসুং পি.এস.য়ু.শিংদা রিয়ুজেবল ফেসমাস্কশিং অমসুং হেন্দ সেনিতাইজরশিংসু মশানা পুথোকচরি।

ভারতকী রেলৱেজনা এপ্রিল ৭, ২০২০দগী মখোয়গী জোনেল রেলৱেশিং, প্রোদক্সন য়ুনিৎশিং অমসুং পি.এস.য়ু.শিংদা পুন্না ৫১২৩১৭ রিয়ুজেবল ফেসমাস্কশিং অমসুং হেন্দ সেনিতাইজর৪১৮৮২সু মশানা পুথোকচরি। ভারতকী রেলৱেজকী জোন খরদি মসিগী মতংদা মাংজিল থাদুনা থবক পাংথোক্লি পনবা য়াবদি ৱেস্তর্ন রেলৱে (দবল্যু.আর.)না রিয়ুজেবল ফেসমাস্ক ৮১০০৮ অমসুং হেন্দ সেনিতাইজর লিতর ২৫৬৯, নোর্থ সেন্ত্রেল রেলৱে (এন.সি.আর.)না রিয়ুজেবল ফেসমাস্ক ৭৭৯৯৫ অমসুং হেন্দ সেনিতাইজর লিতর ৩৬২২, নোর্থ ৱেস্তর্ন রেলৱে (এন.দবল্যু. আর)না রিয়ুজেবল ফেসমাস্ক ৫১৯৬১ অমসুং হেন্দ সেনিতাইজর লিতর ৩০২৭, সেন্ত্রেল রেলৱে (সি.আর.)না রিয়ুজেবল ফেসমাস্ক ৩৮৯০৪ অমসুং হেন্দ সেনিতাইজর লিতর ৩০১৫, ইস্ত সেন্ত্রেল রেলৱে (ই.সি.আর.)না রিয়ুজেবল ফেসমাস্ক ৩৩৪৭৩ অমসুং হেন্দ সেনিতাইজর লিতর ৪১০০ অমসুং ৱেস্ত সেন্ত্রেল রেলৱে (দবল্যু.সি.আর.)না রিয়ুজেবল ফেসমাস্ক ৩৬৩৪২ অমসুং হেন্দ সেনিতাইজর লিতর ৩৭৫৬ পুথোকখি।

মরু ওইবা পোৎলমশিং অমসুং পোৎচৈশিংগী সপ্প্লাই নীংথিনা চলাইদুনা থম্নবা পোৎচৈ হোন্দোক হোঞ্জিনগী থবক অসি ২৪x৭ লেপ্তনা তৌবা ওইবনা, ওপরেশন অমসুং মেন্তিনেন্স স্তাফশিং পুং ২৪ লেপ্তনা থবক সুরি।স্তাফশিং অসিবু অসোই-অঙাম য়াওদনবা অমসুং থৌনা লিংজেল হাপকৎনবা, থবক মফম খুদিংমক্তা মখাদা পীরিবশিং অসি নীংথিনা পাংথোকহল্লি:

(i) রিমুবেবল ফেসকবর অমসুং হেন্দ সেনিতাইজরশিং, দ্যুতি তৌবা লাক্লিবা স্তাফ খুদিংমক্তা ফংহল্লি। হায়রিবশিং অসি মতম খরগী ওইনা থবক সুরিবা শিন্মীশিংদসু ফংহল্লি। রেলৱে ৱর্কশোপশিং, কোচিং দীপোতশিং অমসুং হোসপিতালশিংনসু মসিগী মতাংদা থোরক্তুনা মশা-মশাগী ওইবা মওংদা মশানা সেনিতাইজর অমসুং মাস্কশিং শাদুনা ওইরক্লিবা ফিভম অসিদা খরদা ওইরবসু তেংবাং ওইনবা শরুক য়ারি।

(ii) পর্সোনেল খুদিংমক্তা অফবা হাইজিন নীংথিনা থম্নবগীদমক্তা রিয়ুজেবল ফেস কবর শিজিন্ননবা থৌগৎলি। রিয়ুজেবল ফেস কবরগী সেত অনি কর্মচারিশিংদা ফংহনগদবনি। কর্মচারি খুদিংমক নুমিৎ খুদিংগী ফেস কবর শিং অদু সাপোন্না নীংথিনা চামধোক্কদবনি হায়নসু পাওতাক পীখি। হকশেল অমসুং য়াইফয়ুম্বালগী মন্ত্রালয়নসু মসিগী মতাংদা অকুপ্পা চেরোল অমা থাদোক্তুনা মীয়ামদসু শন্দোকহনখ্রে।

(iii) সাপোন, ঈশিং অমসুং ৱাশিং ফেসিলিতীসু থবক মফম শিংদা ফংহনখ্রে। মশাগী লমদম অদুগী ওইবা নৌনা পুথোকচবা হেন্দস ফ্রী ৱাশিং ফেসিলিতীশিংসু ফংহনখি।

(iv) সোসিয়েল দিস্তেন্সিং অসি নীংথিনা তৌহল্লি। মসিগী মতাংদা ত্রেকমেন অমসুং লোকোমোতিভ পাইলোৎকুম্বা কর্মচারিশিংগী মরক্তসু তোইনা এৱ্যর্নেস অসি পী।