সি.এস.আই.আর.-নেসনেল কেমিকেল লেবোরেতরী, পুনেগী প্রোপ্রাইতরী তেক্নোলোজীদা য়ুম্ফম ওইবা লোঙথোরকপা কম্পনী জেনরিচ মেম্ব্রেন্সতা দিপার্তমেন্ত ওফ সাইন্স এন্দ তেক্নোলোজী (দি.এসি.তি.)না মখোয়না কোভিদ-১৯ নারবা মীওইশিং লায়েংবদা শীজিন্ননবা পুথোকপা মেম্ব্রেন ওক্সিজেনেতর ইকুইপমেন্ত (এম.ও.ই.)মশিং হেনগৎহন্নবা শেন থাদরি‍। অনৌবা লমদমসিদা শেমগৎচবা অহোংবা ফাইবর তেক্নোলোজীদা য়ুম্ফম ওইবা এম.ও.ই. অসিনা নুংশিৎতা য়াওবা ওক্সিজেনগী চাং চাদা ৩৫ (বার ৪-৭, থাউ য়াওদবা কম্প্রেসর শীজিন্নদুনা) হেনগৎহল্লি‍।

মেম্ব্রেন কার্ত্রিদ্জ, ওইল-ফ্রী কম্প্রেসর, আউতপুৎ ফ্লোমিতর, হ্যুমিদিফাইয়র বোত্তল, নসল-কেনুলা, অমসুং ত্যুবিং অমদি ফিত্তিং ময়ামনা পুল্লগা খুৎলায় অসি শেম্বনি‍। কম্প্রেসরদগী থোরকপা নমশিল্লবা অমদি চুমথোক্লবা নুংশিৎ অদু মেম্ব্রেন কার্ত্রিদ্জতা থাজিন্দুনা নাইত্রোজেনগী মহুত্তা ওক্সিজেন হেন্না থাদোক্তুনা থাজিল্লিবা নুংশিত্তা ওক্সিজেন মরাং কায়না য়াওবা নুংশিৎ পীবনি‍। ওক্সিজেন অমদি নাইত্রোজেন খন্দোকপা ঙমবা মেম্ব্রেন কার্তিজ অসিনা ভাইরস, বেক্তিরিয়া অমসুং পার্তিকুলেৎ মেত্তর ফাওদুনা চৎপা থিংই‍। পুথোক্লক্লিবা নুংশিৎ অসি মেদিকেল গ্রেদনি‍।

খুৎলায় অসি খুদোংথিনীংঙাই ওইদে, শীজিন্নবদা ত্রেন তৌরবা মী চঙদে, তোয়না য়েংশিনবা চঙদে, থাংদোক থাংজিন লায়, পীকই, অমসুং প্লিগ-এন্দ-প্লেগী থৌরাং অসিনা শীজিন্নগদবা মফমদা থুনা থাগত্তুনা ওক্সিজেন মরাং কায়না য়াওরবা নুংশিৎ পী।

“মালেমগী ওইনা চাদা ১৪গী চাংদা নিংশা হোনবগী সপ্পোর্ত অম নৎত্রগা অমা চঙলিবা অদুগা চাদা ৪না আই.সি.য়ু. বেজ ভেন্তিলেতর মথৌ তারিবা কোভিদ-১৯ য়াওনা তোঙান তোঙানবা অনা লায়েংদা ওক্সিজেন হেন্না য়াওবা মেদিকেল গ্রেদ নুংশিৎ মথৌ তাই‍। হায়রিবা মীওইশিং অসি অমসুং অরিবা নিংশা হোনবগী লায়নানচিংবা লৈবা মীওইশিংদা অনৌবা পোত্থোক অসিনা য়াম্না কান্নবা অমা পীরগনি”, হায়না দি.এস.তি. সেক্রেতরী প্রোঃ অশুতোস শর্ম্মনা হায়খি।

কোভিদ-১৯গী শাথিবা লায়ওংশিংগী মরক্তা অমা ওইরিবা নিংশা হোনবা নুংঙাইতবগী ফীভম লায়েংবদা তোঙানবা মতেং অমা য়াম্না থুনা চঙবা মরমনা খুৎলায় অসি ইন্তেন্সিভ ক্যের য়ুনিৎ (আই.সি.য়ু.) দগী থাদোরক্লবা অনাবশিং লায়েংবদা শীজিন্নবা য়াগনি‍। খুৎলায় অসিনা ক্রোনিক ওব্সত্রক্তিভ পল্মোনরী দিজিজ (সি.ঙও.পি.দি.), অস্থমা, ইন্তরস্তিতিএল লং দিজিজ (আই.এল.দি.), থা শুদনা পোকপা অঙাঙ, লিন্না চীকপা অমদি অতৈ নিংশা হোনবগা মরী লৈনবা লায়না নারবা মীওইশিংদশু কান্নবা পীগনি‍।

প্রোতোতাইপ অসি চাংয়েং তৌবা অমসুং য়ারে তাকপগী থৌওং মরী লৈনবা মফমদা পাঙথোকখ্রে অমসুং দি.এস.তি.-নেসনেল সাইন্স এন্দ তেক্নোলোজী ইন্ত্রিপ্রিন্যুরশিপ দেভেলপমেন্ত বোর্দ (এন.এস.তি.ই.দি.বি.) সিদ সপ্পোর্ত সিস্তেমনা মতেং তৌরিবা অমদি ইন্ত্রিপ্রিন্যুরসিপ দেভেলপমেন্ত সেন্তর (ভেঞ্চর সেন্তর) পুনেনা য়োকখৎপা স্তের্ত-অপ জেনরিচনা মাঙজৌননা লিংখত্তুনা লৈরবা মেদিকেল খুৎলায় শাবা কম্পেনীশিংগা খুৎশম্নদুনা এম.ও.ই. পাক্তক্ননা পুথোক্তুনা থা অহুমগী মনুংদা খুৎলায়শিং অসি মতিক চানা থম্নবা পান্দম থম্লি‍।

(মখা তাবা অকুপ্পা ৱারোলগীদমক পাউ ফাওবিয়ু: দাঃ রাজেন্দ্র কে খরুল, rk.kharul@genrichmembranes.com, মোবাইলঃ ৮৩০৮৮২২২১৬