ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆ ಅನುದಾನಿತ ಸಂಸ್ಥೆಯಿಂದ COVID-19 ರೋಗಿಗಳ ಚಿಕಿತ್ಸೆಗಾಗಿ ಗಾಳಿಯಲ್ಲಿ ಆಮ್ಲಜನಕದ ಪೂರೈಕೆಯನ್ನು ಹೆಚ್ಚಿಸುವ ಸಾಧನ

"ಈ ಆವಿಷ್ಕಾರವು ಅತ್ಯುತ್ತಮ ಮೌಲ್ಯದಭರವಸೆ ನೀಡುತ್ತದೆ":  ಡಿ ಎಸ್ ಟಿ ಕಾರ್ಯದರ್ಶಿ ಪ್ರೊ. ಅಶುತೋಷ್ ಶರ್ಮಾ

ಸಿಎಸ್ಐಆರ್-ನ್ಯಾಷನಲ್ ಕೆಮಿಕಲ್ ಲ್ಯಾಬೊರೇಟರಿಯಿಂದ ಪರವಾನಗಿ ಪಡೆದ ತಂತ್ರಜ್ಞಾನವನ್ನು ಆಧರಿಸಿ, ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆಯಿಂದ ಅನುದಾನ ಪಡೆದ ಸ್ಪಿನ್-ಆಫ್ ಕಂಪನಿಯಾದ ಜೆನ್ರಿಕ್ ಮೆಂಬ್ರೇನ್ಸ್, COVID-19 ರೋಗಿಗಳ ಚಿಕಿತ್ಸೆಗಾಗಿ ಅಭಿವೃದ್ಧಿಪಡಿಸಿದ ಮೆಂಬರೇನ್ ಆಕ್ಸಿಜನೇಟರ್ ಉಪಕರಣಗಳ (ಎಂಒಇ) ಉತ್ಪಾದನೆಯನ್ನು ಹೆಚ್ಚಿಸಲಿದೆ. ನಾವೀನ್ಯತೆಯ, ದೇಶೀಯ, ಟೊಳ್ಳಾದ-ಫೈಬರ್ ಮೆಂಬರೇನ್ ತಂತ್ರಜ್ಞಾನದ ಆಧಾರದಲ್ಲಿ, MOE ಗಾಳಿಯಲ್ಲಿ ಆಮ್ಲಜನಕವನ್ನು (4-7 ಬಾರ್, ತೈಲ ಮುಕ್ತ ಸಂಕೋಚಕವನ್ನು ಬಳಸಿ) ಶೇ.35 ರವರೆಗೆ ಉತ್ಕೃಷ್ಟಗೊಳಿಸುತ್ತದೆ.

ಈ ಉಪಕರಣವು ಮೆಂಬರೇನ್ ಕಾರ್ಟ್ರಿಡ್ಜ್, ತೈಲ ಮುಕ್ತ ಸಂಕೋಚಕ, ಔಟ್‌ಪುಟ್ ಫ್ಲೋಮೀಟರ್, ಆರ್ದ್ರಕ ಬಾಟಲ್, ಮೂಗಿನ-ತೂರುನಳಿಗೆ ಮತ್ತು ಕೊಳವೆಗಳು ಮತ್ತು ಫಿಟ್ಟಿಂಗ್‌ಗಳನ್ನು ಒಳಗೊಂಡಿದೆ. ಸಂಕೋಚಕದಿಂದ ಸಂಕುಚಿತ, ಫಿಲ್ಟರ್ ಮಾಡಿದ ಗಾಳಿಯನ್ನು ಮೆಂಬರೇನ್ ಕಾರ್ಟ್ರಿಡ್ಜ್‌ಗೆ ನೀಡಲಾಗುತ್ತದೆ, ಇದು ಆಮ್ಲಜನಕವನ್ನು ಸಾರಜನಕದಿಂದ ಬೇರ್ಪಡಿಸುತ್ತದೆ. ಆಮ್ಲಜನಕ-ಪುಷ್ಟೀಕರಿಸಿದ ಗಾಳಿಯನ್ನು ಸುತ್ತುವರಿದ ಒತ್ತಡದಲ್ಲಿ ಉತ್ಪನ್ನವಾಗಿ ನೀಡುತ್ತದೆ. ಆಮ್ಲಜನಕ ಮತ್ತು ಸಾರಜನಕವನ್ನು ಪ್ರತ್ಯೇಕಿಸುವ ಸಾಮರ್ಥ್ಯವಿರುವ ಮೆಂಬರೇನ್ ಕಾರ್ಟ್ರಿಡ್ಜ್ ವೈರಸ್, ಬ್ಯಾಕ್ಟೀರಿಯಾಗಳ ಪ್ರವೇಶವನ್ನು ನಿರ್ಬಂಧಿಸುತ್ತದೆ. ಹೀಗೆ ಉತ್ಪತ್ತಿಯಾದ ಗಾಳಿಯು ವೈದ್ಯಕೀಯ ದರ್ಜೆಯದ್ದಾಗಿದೆ.

ಈ ಉಪಕರಣವು ಸುರಕ್ಷಿತವಾಗಿದ್ದು, ಇದರ ಬಳಕೆಗೆ ತರಬೇತಿ ಪಡೆದ ಮಾನವಶಕ್ತಿಯ ಅಗತ್ಯವಿರುವುದಿಲ್ಲ. ನಿರ್ವಹಣೆ ಸುಲಭವಾಗಿದ್ದು, ಪೋರ್ಟಬಲ್ ಆಗಿದೆ ಮತ್ತು ಪ್ಲಗ್-ಅಂಡ್-ಪ್ಲೇ ಸೌಲಭ್ಯವು ಆನ್-ಸೈಟ್, ತ್ವರಿತವಾಗಿ ಆಮ್ಲಜನಕ-ಪುಷ್ಟೀಕರಿಸಿದ ಗಾಳಿಯನ್ನು ಒದಗಿಸುತ್ತದೆ.

"ವೈದ್ಯಕೀಯ ದರ್ಜೆಯ ಆಮ್ಲಜನಕ-ಪುಷ್ಟೀಕರಿಸಿದ ಗಾಳಿಯು ಜಾಗತಿಕ ಅನುಭವದ ಪ್ರಕಾರ ಸುಮಾರು 14% ಸೋಂಕುಗಳಿಗೆ ಕೆಲವು ರೀತಿಯ ಉಸಿರಾಟದ ಬೆಂಬಲ ಬೇಕಾಗುವ, ಆದರೆ ಕೇವಲ 4% ಜನರಿಗೆ ಮಾತ್ರ ಐಸಿಯು ಆಧಾರಿತ ವೆಂಟಿಲೇಟರ್‌ಗಳು ಅವಶ್ಯಕತೆಯಿರುವ COVID-19 ಸೇರಿದಂತೆ ವಿವಿಧ ರೋಗಿಗಳ ಆರೈಕೆಗಳಲ್ಲಿ ಅಗತ್ಯವಿದೆ. ಉಳಿದಂತೆ ದೀರ್ಘಕಾಲದ ಉಸಿರಾಟದ ಸಮಸ್ಯೆಗಳನ್ನು ಒಳಗೊಂಡ ಅನೇಕ ಪರಿಸ್ಥಿತಿಗಳಲ್ಲೂ ಈ ಆವಿಷ್ಕಾರವು ಅತ್ಯುತ್ತಮ ಮೌಲ್ಯದ ಭರವಸೆ ನೀಡುತ್ತದೆ "ಎಂದು ಡಿಎಸ್ಟಿ ಕಾರ್ಯದರ್ಶಿ ಪ್ರೊ. ಅಶುತೋಷ್ ಶರ್ಮಾ ಹೇಳಿದರು.

COVID-19 ತೀವ್ರ ಲಕ್ಷಣಗಳಲ್ಲಿ ಒಂದಾದ ಉಸಿರಾಟದ ತೊಂದರೆಗೆ ಚಿಕಿತ್ಸೆ ನೀಡಲು ಉಸಿರಾಟದ ಮಧ್ಯಸ್ಥಿಕೆಗಳ ತುರ್ತು ಅವಶ್ಯಕತೆಯೊಂದಿಗೆ, ತೀವ್ರ ನಿಗಾ ಘಟಕಗಳಿಂದ (ಐಸಿಯು) ಬಿಡುಗಡೆಯಾದ ರೋಗಿಗಳಿಗೆ ಚಿಕಿತ್ಸೆ ನೀಡಲು ಈ ಉಪಕರಣಗಳನ್ನು ಬಳಸಬಹುದು. ದೀರ್ಘಕಾಲದ ಉಸಿರಾಟದ ಸಮಸ್ಯೆಯಿಂದ ಬಳಲುತ್ತಿರುವ ರೋಗಿಗಳಿಗೆ ದೀರ್ಘಕಾಲದ ಅಬ್ಸ್ಟ್ರಕ್ಟಿವ್ ಪಲ್ಮನರಿ ಡಿಸೀಸ್ (ಸಿಒಪಿಡಿ), ಆಸ್ತಮಾ, ಇಂಟರ್ಸ್ಟಿಷಿಯಲ್ ಶ್ವಾಸಕೋಶ ಕಾಯಿಲೆ (ಐಎಲ್‌ಡಿ), -ಅವಧಿ ಪೂರ್ವ ಶಿಶುಗಳು, ಹಾವು ಕಡಿತ ಮತ್ತು ಮುಂತಾದವುಗಳಿಗೆ ಈ ಸಾಧನವು ಸಹಕಾರಿಯಾಗಿದೆ.

ಮೂಲಮಾದರಿಯ ಪರೀಕ್ಷೆ ಮತ್ತು ಅನುಮೋದನೆಯನ್ನು ಸಂಬಂಧಿತ ಪರಿಸರದಲ್ಲಿ ನಡೆಸಲಾಗಿದೆ. ಡಿಎಸ್ಟಿ- ರಾಷ್ಟ್ರೀಯ ವಿಜ್ಞಾನ ಮತ್ತು ತಂತ್ರಜ್ಞಾನ ಉದ್ಯಮಶೀಲತೆ ಅಭಿವೃದ್ಧಿ ಮಂಡಳಿ (ಎನ್‌ಎಸ್‌ಟಿಇಡಿಬಿ) ಯಿಂದ ಬೆಂಬಲಿತವಾಗಿರುವ ಸ್ಟಾರ್ಟ್ ಅಪ್ ಗೆ ಸೀಡ್ ಸಪೋರ್ಟ್ ಸಿಸ್ಟಂ ನೀಡಿರುವ ಪುಣೆಯ ಉದ್ಯಮಶೀಲತೆ ಅಭಿವೃದ್ಧಿ ಕೇಂದ್ರವು. (ವೆಂಚರ್ ಸೆಂಟರ್) ಮೂರು ತಿಂಗಳೊಳಗೆ ಈ MOE ಸಾಧನವನ್ನು ಸಿದ್ಧಪಡಿಸುವಂತಹ ಸಾಮೂಹಿಕ ಉತ್ಪಾದನಾ ವೈದ್ಯಕೀಯ ಸಾಧನ ಕಂಪನಿಗಳೊಂದಿಗೆ ಕೈಜೋಡಿಸಲು ಯೋಜಿಸುತ್ತಿದೆ.

ಹೆಚ್ಚಿನ ವಿವರಗಳಿಗಾಗಿ ಸಂಪರ್ಕಿಸಿ: ಡಾ. ರಾಜೇಂದ್ರ ಕೆ ಖರೂಲ್, rk.kharul@genrichmembranes.com, ಮೊಬೈಲ್: 8308822216)

***