মীদিয়াগী শরুক কয়া অমনা পি.সি. অমসুং পি.এন.দি.তি. (প্রি কন্সেপ্সন এন্দ প্রি নেতেল দাইগ্নোস্তিক তেক্নিক্স (প্রোহিবিশন ওফ সেক্স সেলেক্সন) এক্ত ১৯৯৪ অসি হকশেল অমসুং য়াইফ-য়ুম্বালগী মন্ত্রালয়ৱনা লোথোকখ্রে হায়না শেমজিন-শাজিন্দুনা ঙাংবা নত্ত্রগা ইবা লৈখ্রে হায়রি।

মসিগী ৱাফম অসি হকশেল অমসুং য়াইফ য়ুম্বালগীমন্ত্রালয়নামীরোন্দ্রিঙৈ মমাং নত্ত্রগা মীরোল্লবা মতুংদা নুপা-নুপী খঙদোকপগী অথিংবা থম্লিবা পি.সি. অমসুং পি.এন.দি.তি. এক্ত অসি লৌথোকপা লৈত্রি হায়না ময়েক শেংনা ফোংদোকথ্রে।

হৌজিক হৌজিক কোবিদ-১৯গী লাইচৎ অসিনা মরম ওইরগা তৌরিবা লোকদাউন অসি য়েংলগা, হকশেল মন্ত্রালয়না পি.সি. অমসুং পি.এন.দি.তি., ১৯৯৬কী নীয়মগী মখাদা লৈবা অখন্নবা প্রোভিজনশিং শেমদোক্নবা/লৌথোক্নবা এপ্রিল ৪, ২০২০দা নোতিফিকেশন অমা থোকখ্রে। মসিগী নীয়মশিং অসি নৌহৌননা রেজিস্ত্রেশন অমুক তৌনবগীদমক্তা থাজিল্লকপা অদুগী মখা পোল্লি করিগুম্বা মতম অসিদা তাবা থোক্লবদি লাক্কদৌরিবা থা অদুগী ৫শুবা নুমিৎ অদুদা দাইগ্নোসতিক্স সেন্তরশিংনা রিপোর্তশিং থাজিনগনি অমসুং রাজ্য/য়ু.তি.শিংনা ক্বাতর্লী রিপোর্ত (ক্যু.পি.আর.) থাজিনগনি।

মসিগী ৱাফমশিং অসি হঞ্জিন হঞ্জিন্না ফোংদোকথ্রে মদুদি অলত্রাসাউন্দ ক্লিনিক, জেনেতিক কাউন্সেল্লিং সেন্তর, জেনেতিক লেবোরেত্রী, জেনেতিক ক্লিনিক অমসুং ইমেজিং সেন্তর খুদিংমক্না চৎনা পথাপতা ইরম্লিবা অদুগী মতুং ইন্না নোংমা নোংমগী ওইনা তঙাইফদনা মথৌ তারবা রেকোর্দশিং অসি নীংথিনা থমগদবনি। মসি মরি লৈনবা ওথোরিতীশিং খক্তগী ওইনা জুন ৩০, ২০২০ ফাওবা সবমিসন তৌবগী অকক্নবা মতম অসি শাংদোকপনি। পি.সি. অমসুং পি.এন.দি.তি. এক্ত আমসুং নীয়মশিংদা পীরিবা প্রোভিজনশিংগী মতুং ইন্না (দাইগ্নোস্তিক্স সেন্তরশিংদা) কোমথোকপা লৈতে।

রেকোর্দ খুদিংমক তঙাইফদবা ঙাক্তনি অমসুং মসি নীয়মগী মতুং ইন্না নিংথিনা থমগদবনি অমসুং  হায়রিবা নোতিফিকেশন অসিনা করিগুম্বা অমত্তদা পি.সি. অমসুং পি.এন.দি.তি. এক্ত অমসুং নীয়মশিং অসি চেকশিন্না চলাইবদা মথৌ তারিবশিং অদুদা অকাইবা পীবা লৈতে।