কেমিকেল্স অমসুং ফর্তিলাইজর মন্ত্রালয়
সরকারনা লৈবাক অসিদা হারশিং শোইদনা মরাং কাইনা কোন্ননবা ফংহনগনি: গৌরা
Posted On:
09 APR 2020 5:14PM by PIB Imphal
কেন্দ্রিয়গী কেমিকেল অমসুং ফর্তিলাইজরগী মন্ত্রী শ্রী দি.ভি. সদানন্দ গৌরানা হায়খ্রে মদুদি মহাক্কী মন্ত্রালয়গী দিপার্তমেন্ত ওফ ফর্তিলাইজরনা খারিফ পান্থাগীদমক্তা হারশিং মরাং কাইনা কোন্ননবা ফংহন্নবগীদমক্তা কন্না হোৎনরি। শ্রী গৌরানা ত্বীৎ অমদা হায় মদুদি লৈবাক অসিদা হৌজিক্কী ওইনদি হার ফংবগী ফীভম অসি মীপাইনীংঙাই ওইদে হায়না হায়খ্রে।
শ্রীগৌরানা হায় মদুদি সরকার অসিনা মতম চানা লৌমীশিংগী কোন্ননবা চাংদা হার মরাং কাইনা ফংহন্নবা কন্না হোৎনরি। মসিগীদমক্তা দিপার্তমেন্ত ওফ ফর্তিলাইজরনা হারগী পোৎথোক, পুথোক-পুশিন অমসুং ফংবগী চাং অসিদা কুপ্না মিৎয়েং থম্লি হায়খ্রে অমসুং মরম অসিগীদমক্তা রাজ্য সরকার অমসুং রেল মন্ত্রালয়গসু তোইনা পাউ-ই ফাওনরি।
অতোপ্পা ত্বীত অমদসু কর্নাতকাবু পল্লদুনা কেন্দ্রগী মন্ত্রীনা হায়, “কর্নাতকাগী মতাংদা ওইরগদি, রাজ্য অসিদা মরুগী, হারগী অমসুং তিল হিদাক্কী অৱাৎপা লৈতে। ঐখোয়না মসিগী মতাংদা কর্নাতকাগী সরকারগা য়াম্না নক্ননা খুৎশম্নদুনা থবক তৌরি। হৌজিক্কী ওইনদি রাজ্য অসিদা থা অমগী মথৌ তাবা তন লাখ ২.৫৭তগী হেন্দুনা অপুনবা তন লাখ ৭.৩গী স্তোক লৈরি।”
দিপার্তমেন্ত ওফ ফর্তিলাইজর্সকী মখাদা লৈবা পি.এস.এউ., নেস্নেল ফর্তিলাইজর্স লিমিতেদ- এন.এফ.এল.না ত্বীৎ অমদা হায়খি মদুদি নাঙ্গল, বাথিন্দা, পানিপত অমসুং বিজয়পুরদা লৈরিবা প্লান্তশিং অসিদা অরৈবা কেপাসিতীদা মথৌ পাংথোক্লি। লৌমীশিংগী য়াইফনবগীদমক্তা কৈথেলদা চাং নাইনা তোইনা য়ুরিয়াশিং অসি থাদোক্লি।
1NAP.jpeg)
(Release ID: 1613206)
Visitor Counter : 148
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada