প্রধানমন্ত্রীগী লোইশঙ

প্রধান মন্ত্রী অমসুং নেপালগী প্রধান মন্ত্রীগী মরক্তা তেলিফোন্দা ৱারী শানখ্রে

Posted On: 10 APR 2020 3:24PM by PIB Imphal

প্রধান মন্ত্রী শ্রী নরেন্দ্র মোদীনা নেপালগী প্রধান মন্ত্রী হিজ এক্সিলেন্সী শ্রী কে.পি. শর্ম ওলীগা ঙসি তেলিফোন্দা ৱারী শানখ্রে।

লুচিংবা অনিনা হৌজিক চত্থরিবা কোবিদ ক্রাইসিস অমসুং লৈবাক অনিমক্কী অমদি রিজন অসিগী নাগরিকশিংগী হকশেল অমসুং সেফতীদা মসিনা থোকহল্লিবা শিংনবশিংদা মিৎয়েং শেয়র তৌনখি। মখোয়না লাইচৎ অসি থেংননবা মখোয়-মখোয়গী মরী লৈনবা লৈবাকশিংদা লৌখৎলিবা খোংথাংশিংদা খন্ন-নৈনখি।

প্রধান মন্ত্রী মোদীনা প্রধান মন্ত্রী ওলীগী লুচিং মখাদা নেপাল সরকারনা লৌখৎলিবা রেস্পোন্স অমসুং মেনেজমেন্ত অমদি শিংনবা অসি থেংনবদা নেপালগী প্রজাশিংগী অচেৎপা ৱরেপ্পু থাগৎপা ফোংদোকখি।

প্রধান মন্ত্রী ওলীনা সার্ক লৈবাকশিংগী মরক্তা লাইচৎ থেংননবা পুন্না চৎমিন্ননবা প্রধান মন্ত্রীগী অনৌবা খোংথাংগীদমক মহাক্কী থাগৎ ৱাহৈ অমুক হন্না ফোংদোকখি। মহাক্না ভারতনা নেপালদা পীরিবা নাকল অনিগী ওইবা তেংবাংগীদমকসু থাগৎপা ফোংদোকখি।

প্রধান মন্ত্রী শ্রী মোদীনা মালেমগী লাইচৎ অসি থেংনবদা নেপালনা হোৎনরিবশিংগীদমক পাংবা য়াবা তেংবাং পুম্নমক পাংনবা ভারতকী ৱাফম অদু অমুক হন্না ফোংদোকখি।

লুচিংবা অনিমক্না তঙাই ফদবা পোৎলমশিংগী ক্রোস-বোর্দর সপ্লাইশিং লাইথোকহনবা য়াওনা কোবিদ-১৯গী ফিভমনা ওইহল্লক্লিবা ইশু পুম্নমক্তা মখোয়-মখোয়গী এক্সপর্তশিং অমসুং ওফিসিয়েলশিংনা মখা তানা নকশিন্নবা তৌথোক-তাশিন তৌবদা য়ানখি।

প্রধান মন্ত্রীনা প্রধান মন্ত্রী ওলী অমসুং নেপালগী প্রজাশিংগী হকশেল অমসুং য়াইফনবগীদমক য়াইফ-পাউজেল পীখি।

 



(Release ID: 1613001) Visitor Counter : 115