লৌউ-শিংউ অমসুং লৌমীশিংগী য়াইফ-থৌরাং, খুঙ্গং চাউখৎ-থৌরাং অমদি পঞ্চায়তি রাজকী কেন্দ্রগী মন্ত্রী শ্রী নরেন্দ্র সিংহ তোমরনা লোকদাউন মনুংদা লৌউ-শিংউবগী থবক থৌরমশিং পাংথোকপা ঙমহন্নবগীদমক খোংথাংশিং য়েংশিন্নবা মকোকথোংবা ওফিসরশিংগা ভিদিও কনফরেন্স পাংথোকখ্রে। মহাক্না হায়খি মদুদি সরকারনা প্রধান মন্ত্রী শ্রী নরেন্দ্র মোদীগী য়াথং ইন্দুনা অনৌবা খোংথাং কয়া অমা লৌখৎলে মদুদি লৌউ-শিংউ অমদি মরী লৈনবা সেক্তরশিংদা থবক তৌরিবা ফার্মরশিং অমসুং ৱার্করশিংনা অৱাবা য়াওদনা থবক তৌবা য়ারগনি। শ্রী তোমরনা লৌউ-শিংউ অমদি মরী লৈনবা সেক্তরশিংদা পীরিবা কোমথোকপা অদু চেকশিন্না ঙাক্তুনা চৎনবা হায়খি অমদি তোঙান তোঙানবা কোমথোক্লিবশিং চাং নাইনা মোনিতর তৌনবগীদমক কন্ত্রোল রুমশিং শেমগৎনবা পাউতাক পীখি।

কোবিদ-১৯ শন্দোরকপা চেক তৌনবা নুমিৎ ২১নিগী লোকদাউন মতুংদা লৌমীশিংনা অহৌবদা অৱাবা কয়া মায়োক্নরি। শ্রী তোমরনা প্রধান মন্ত্রীগী লমজিং মখাদা কেন্দ্রগী হোম অমসুং ফাইনান্স মন্ত্রালয়গী মকোকথোংবা ওফিসরশিংগা খন্ন-নৈনখি অমদি লৌমীশিংগীদমক রিলিফকী খোংথাংগী উপায় কয়া খুদক্তগী পায়খৎলে। লৌউ-শিংউ অমসুং লৌমীশিংগী য়াইফ-থৌরাংগী রাজ্য মন্ত্রীশিং শ্রী পর্শোত্তম রুপালা অমসুং শ্রী কাইলাস চাউধরিগা লোয়ননা শ্রী তোমরনা কেন্দ্র সরকারগা মরী লৈনবা গাইদলাইন অমসুং দাইরেক্সন ইম্প্লিমেন্ত তৌবা য়েংশিন্নবা ঙসি মকোকথোংবা ওফিসিয়েলশিংগা ভিদিও কনফরেন্স অমা ময়াই তাংবল লৌখি।

শ্রী তোমরনা হায়খি মদুদি লৌউ-শিংউ অমদি মরী লৈনবা সেক্তরশিংদা পীরিবা কোমথোকপা অদু চৎনহনবা মতমদা ওফিসিয়েলশিংনা সোসিয়েল দিস্তেন্সিংগা মরী লৈনবা চৎন-কাংলোনশিং চেকশিন্না ঙাক্তুনা চৎনহন্নবা হোৎনগদবনি। লৌমীশিংনা মহৈ-মরোংশিং লোকপদা কুদোংচাদবা মায়োক্নহল্লোইদবনি হায়না মন্ত্রীনা হায়খি। মন্ত্রীনা হায়খি মদুদি অথুবা মতমদা মহৈ মরেং হুনবা হৌরক্লগনি অদুনা মরু-মরাং অমসুং ফর্তিলাইজরশিংগী অৱাৎপা লৈহল্লোইদবনি। সরকারনা এম.এস.পি ওপরেসনশিং; লৌউ-শিংউ প্রদ্যুস মার্কেৎ কম্মিতী নত্ত্রগা রাজ্য সরকারনা শকখংলবশিংনা ওপরেৎ তৌবা মন্দশিং; লৌবুক্তা লৌমীশিং অমসুং ফার্ম ৱার্করশিংগী ফার্মিং ওপরেসন; ফার্ম মেছিনরীগা মরী লৈনবা কস্তম হাইরিং সেন্তর্স (সি.ঐচ.সি.); ফর্তিলাইজর, পেস্তিসাইদ অমসুং মরু-মরাংগী মেনুফেকচরিং অমসুং পেকেজিং য়ুনিৎশিং; অমদি লৌ লোকপা অমসুং মরু মরাং হুনবগা মরী লৈনবা মেছিনশিগী ইন্ত্রা অমদি ইন্তর-স্তেত মুবমেন্ত য়াওনা লৌউ-শিংউ প্রদক্তশিং লৈবদা শিজিন্নরিবা এজেন্সীশিংগী ওপরেসনশিং লোকদাউন অসিদগী কোমথোক্লি। লৌউ-শিংউ অমসুং হোর্তিকলচরগা মরী লৈনবা সপ্লাই তৌরিবশিংসু কোমথোক্লিবশিংগী মনুং চল্লি। মসিগী মথক্তা এগ্রিকলচরেল মেছিনরীগী দুকান, মসিগী স্পেয়র পার্তশিং (মসিগী সপ্লাই চেন য়াওনা) অমদি ফার্মগী পোত্থোকশিং পুথোক পুশিন তৌবা ঙমহন্নবা হায়ৱেশিংদা ত্রক রিপ্যারিংগী দুকানশিং মখা তানা হাংবা য়ারে। মসিগা মাননা চাগী ইন্দস্ত্রী, প্লান্তেসন য়াওনা ৱার্কর য়াম্লবদা চাদা ৫০গা লোয়ননা মথৌ তৌবা য়াই। লৌমীশিংগী লৌউ-শিংউ মার্কেতিং মপাঙ্গল কনখৎহন্নবা নেস্নেল লৌউ-শিংউ মার্কেৎ (ই-নাম) প্লেৎফোর্মদা অনৌবা ফিচরশিং হাপচিল্লে। সরকারনা ২০২০গী মার্চ ১দগী ২০২০গী মে ৩১ ফাওবগী মনুংদা দ্যু লৈবা লুপা লাখ ৩ ফাওবগী শোর্ত তর্ম ক্রোপ লোনশিংদা ইন্সতোলমেন্ত রিপেমেন্তশিংসু ২০২০গী মে ৩১ ফাওবা শাংদোক্লে। লৌমীশিংনা পেনাল্তী য়াওদনা শাংদোক্লিবা মতম অসি ফাওবদা চহিদা চাদা ৪গী শেন্দোয়দা অসিগুম্লবা লোনশিং রিপে তৌবা য়াগনি।