কমর্স অমসুং ইন্দস্ত্রী মন্ত্রালয়
শ্রী পীয়ুশ গোয়লনা এক্সপোর্তরশিংদা খঙহনখ্রে মদুদি পোস্ত-কোবিদ ইরাদা তৌবা ঙম্বশিং শিজিন্ননবগীদমক চাউনা খনগদবনি অমসুং শেম-শাদুনা লৈগদবনি; হায়খ্রে, ঐখোয় পুম্নমক থৌদাং লৈবা নাগরিক ঙাক্তনি
Posted On:
08 APR 2020 7:46PM by PIB Imphal
কমর্স অমসুং ইন্দস্ত্রী মন্ত্রালয়না কোবিদ-১৯ অমসুং মসিগী মতুংদা ওইরক্লিবা লোকদাউনগী ফিভম অসিদা মিৎয়েং থম্লদুনা হৌরকপগী ফিভম অমসুং সমস্যাশিং য়েংশিন্নবা লৈবাক অসিগী তোঙান তোঙানবা এক্সপোর্ত প্রমোসন কাউন্সিলশিংগা লোইননা ভিদিও কনফরেন্সকী থোংদা ঙসি ৱারী শনখ্রে। লৈবাক অসিদা লোকদাউন তৌখ্রবা মতুং মসি অহুমশুবা মীফমনি। মীফম অদুদা কেন্দ্রগী কমর্স অমসুং ইন্দস্ত্রী অমসুং রেল মন্ত্রী শ্রী পীয়ুশ গোয়ল, রাজ্য মন্ত্রী শ্রী হরদীপ সিংহ পুরী, কমর্স সেক্রেতরী দা. অনুপ বধাবন, দি.জি.এফ.তি. অমসুং কমর্স বিভাগকী অতৈ ওফিসরশিংসু শরুক য়াখি।
এক্সপোর্তরশিংদা চাউনা খনবীনবা অমসুং কোবিদকী মতুংগী ইরাদা তাঞ্জাগী খুদোংচাবা লৌহৌনবা শেম-শাদুনা লৈননবা খঙহল্লদুনা, শ্রী পীয়ুশ গোয়লনা হায়খি মদুদি করিগুম্বা ঐখোয় ঐখোয়গী ক্বালিতী ফগৎহল্লবা, কেপাসিতী শেমগৎলবা, শেনমিৎনোলগী থাক ৱাংহল্লবা, মমলগী অথোই অহেন তান্নবদা ফগৎহল্লবদি, ঐখোয় মাংদা চখৎপা ঙমগনি অমসুং কোবিদকী মতুংগী ইরাদা ঐখোয়গী তৌব-ঙম্বশিং অদু শিজিন্নবা ঙমগনি। মহাক্না হায়খি, “ঐগী লনাইগী ওইবা ৱাখল্লোন্দি করিগুম্বা লৈবাক অমনা করিগুম্বা অচৌবা অমা তৌগে নীংলবদি কৈথেলগী ফিভম য়েংই – অদুনা মশানা অদুম্মক ক্বালিতীদা মিৎয়েং চংবা তাবনি, পোৎ পুথোকপদা চংবা মমল হন্থরকই, পোৎ পুথোকপা হেনগৎলকই, হৈ-শিংবা হেনগৎলকই।” এল.ই.দি. ব্লব শিজিন্নবা, লৈবাক অপুনবদা অমাংশঙ ফংহনবা, পুম্নমক্তা মৈ ফংহনবা অমসুং য়ুনিভর্সেল হেল্থ স্কিমগী খুদম পল্লদুনা, শ্রী গোয়লনা হায়খি মদুদি সরকার অসি চাউনা খল্লি অমসুং ৱাখল্লোনশিং অদুদা থবক পাইখৎলি।
শ্রী গোয়লনা হায়খি মদুদি শিংনবতনা থল্লবা মতম অসিদসু, ঐখোয় এক্সপোর্ত হাংদোক্তুনা থম্বা অসি ঐখোয়গী অহানবা পান্দম ওইগদবনি, মরমদি ঐখোয়না ঐখোয়গী এক্সপোর্তকী কৈথেলগী লেংদ্রবা মশক অদু মাংহল্লোইদবনি। শ্রী গোয়লনা হায়, “মখোয়গী ৱাখল্লোন্দা অহোংবা পুরক্নবগীদমক্তা এক্সপোর্ত অমসুং মেন্যুফেকচরিং বিজিনেসকীদমক খ্বাইদগী ফবা মতম লৈবা ঙম্লোই। অদোম্না ইশাগী কোর কম্পিতেন্সীদা পুক্নিং চংগদবনি। ঐখোয়গী অচেৎপা ওইরিবা মফম অদুসু ঐখোয় য়েংগদবনি অদুবু ঐখোয়গী মালেমগী ওইবা শরুক অদু য়াম্না পীকই। ঐখোয়না অদুগুম্বা লমশিং অদুদা মখা ফগৎহনবগী থবক মখা তানা চৎথবা য়াই।”
মন্ত্রীনা হায়খি মদুদি ঐখোয় মীয়ামগী হকশেলগা য়ানবা পুরকপা তৌদনা শেনমিৎলোন অসি লম্বীদা পুরকপা তাই। অরোইবা ৱারেপতি হকশেলগী মখা পোনগনি। মহাক্না এক্সপোর্তরশিংদা হায়খি মদুদি মখোয়গী মোবাইলশিংদা অরোগ্য সেতু এপ ইন্সতোল তৌবীয়ু অমসুং অতোপ্পশিংদসু মসিবু পাম্নবা হোৎনবীয়ু, মরমদি মসিনা ঐখোয়বু তেক্নিক, আর্তিফিসিএল ইন্তিলিজেন্স অমসুং হোৎস্পোৎশিং খঙদোক্তুনা কোবিদকা মায়োক্নবদা মতেং পাংগনি। মন্ত্রীনা পি.এম. কেয়র্স ফন্দদা থমোইশেংনা মতেং পাংবীনবসু ফোংদোকখি।
মীফম অদুদা এফ.আই.ই.ও.গী ওফিস বীয়রর্শিং, জেম & জ্বেলরী, শাউন, ইলেক্ত্রোনিক্স & সোফৱেয়র, সিন্থেতিক্স & রেয়োন, হেন্দিক্রাফ, প্রোজেক্ত এক্সপোর্ত, তেলিকেম, তেক্সতাইল, কেশিয়ু, প্লাস্তিক, স্পোর্ত গুদ্স, শামতু, থাও থোকপা মরু & পোৎথোক, মুগা, ইঞ্জিনীয়রিং এক্সপোর্ত, সর্বিসেস, ফার্মা, কেমিকেল অমসুং দাই, উমংগী পোৎথোক, কার্পেৎ, এলাইদ কেমিকেলগী ই.পি.সি.শিংনা শরুক য়াখি।
(Release ID: 1612792)
Visitor Counter : 120