ভারত সরকারনা লৈবাক অসিদা কোবিদ-১৯ ঙাকথোক্নবা অমসুং মেনেজমেন্তকীদমক রাজ্যশিং/য়ুনিয়ন তেরিতোরীশিংগা লোয়ননা তোঙান-তোঙানবা খোংথাং কয়া পায়খৎলি। মসিবু চাং নাইনা অৱাংবা থাক্তা মোনিতর তৌরি।

সরকারনা রাজ্যশিং/য়ুনিয়ন তেরিতোরীশিংনা ইফেক্তিব লোকদাউন খোংথাংশিং চপ মান্ননা এম্প্লিমেন্ত তৌবা অমসুং নাগরিকশিংনা সোসিয়েল দিস্তেন্সিংগী পালন নীংথিজনা ঙাক্তুনা চৎপদা মিৎয়েং থম্লি মদুনা কোবিদ-১৯ মায় পাক্না থেংনবদা মতেং ওইরগনি।

ত্রান্সমিসনগী চেন থুগায়নবগীদমক কেন্দ্র অমসুং রাজ্য সরকার অনিমক্না খোংথাং কয়া অমা লৌখৎলি। লৈবাক পুম্বদা কেস হেঙ্গৎলকপগী মতুং ইন্না থেংননবা পাম্বৈসু খোংজেল য়াংশিলহল্লে। লৈবাক পুম্বদা কোবিদ-১৯ কেয়র সেন্তরশিং মতিক চানা ফংহন্নবা রাজ্যশিংদা হায়খ্রে।

জিলা কয়ানা খ্বাইদগী ফবা প্রেক্তিসশিং ওইরিবা খোংথাংশিং লৌখৎলি। মদুগী মনুংদা খরা মখাদা পীরি:

• পুনে জিলানা পুনেগী সেন্ত্রেল রিজন অমসুং কোনধৱা এরিয়াবু এফেক্তিব ওইবা মওংদা থিংজিল্লে অমসুং স্ক্ব্যার কিলোমীতর ৩৫গী এরিয়াদা লৈরিবা য়ুমথোং খুদিং চংদুনা সর্ভে চত্থরি। তীম অসিনা ত্রাভেল হিস্তরী অমসুং কন্তেক্ত ত্রেসিং তৌবদা নত্তনা দাইবেৎ অমসুং হাইপর্তেন্সনগুম্বা কো-মোর্বিলিতী লৈবা মীওইশিংসু চেক তৌরি।
• পাথানামথিত্তা জিলানা সর্ভিলেন্স, ত্রাভেল হিস্তরী খোমজিনবা, কন্তেক্ত ত্রেসিং, ক্বরেন্তাইন ফেসিলিতী ফংহনবা অমদি ইসেন্সিয়েল অমসুং সাইকোলোজিকেল সপোর্ত ফংহনবগী থবক তৌরি।

ভারত সরকারনা কোবিদ-১৯গী মেনেজমেন্তকীদমক দিক্ষা প্লেৎফোর্মদা লাইচৎ অসি মতিক চানা হেন্দল তৌনবা ফ্রন্তলাইন ৱার্করশিংগী কেপাসিতী বিলদিংগীদমক ইন্তিগ্রেতেদ গোবর্নমেন্ত ওনলাইন ত্রেনিং পোর্তেল হায়না মিংথোনবা ত্রেনিং মোদুল অমা হৌদোকখ্রে। মসিদা দোক্তরশিং, নর্সশিং, পেরামেদিকশিং, তেক্নিসিয়নশিং, এ.এন.এম.শিং, রাজ্য সরকারগী ওফিসরশিং, সিভিল দিফেন্স ওফিসিয়েলশিং, নেস্নেল কেদেৎ কোর্পস (এন.সি.সি.), নেস্নেল সর্বিস স্কিম (এন.এস.এস.), ইন্দিয়ন রেদ ক্রোস সোসাইতী (আই.আর.সি.এস.) অমসুং অতোপ্পা ভোলুনতীয়রশিং য়াওরি। পোর্তেল ৱেবসাইৎ লিঙ্ক অদুদি https://igot.gov.in/igot/ নি।

এইম্স নই দিল্লীনা কোবিদ-১৯ মেনেজমেন্তকীদমক হেল্থকেয়র প্রোফেস্নেলশিংগী তোপ-তোপ্পা কেতেগোরীশিংগী কেপাসিতী শেমগৎনবা তোঙান-তোঙানবা ৱেবিনরশিং কন্দক্ত তৌরি। চয়োল অসিদা এম্সনা কোবিদ-১৯ নারম্বা য়াই হায়না চিংনবা নত্ত্রগা নারবা মীরোনবী নুপীশিংগী এন্তিনেতেল কেয়র অমসুং লেবর মেনেজমেন্তকীদমক ফিজিসিয়নশিংগী ওনলাইন ত্রেনিং পাংথোক্নবা শিল্লি। সেদ্যুল অদু হকশেল অমসুং য়াইফ-য়ুম্বলগী ৱেবসাইৎ www.mohfw.gov.inদা ফংবীগনি।

হৌজিক ফাওবদা কেস ৫১৯৪ কনফর্ম তৌরে অমদি ১৪৯ লৈখিদবগী রিপোর্ত লৈরে। মীওই ৪০২ ফিভম ফগৎলক্লবা মতুং দিজচার্জ তৌখ্রে।

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ওথেন্তিক অমসুং অপদেত ওইবা ইনফোর্মেশন পুম্নমক্কীদমক চানবীদুনা চাং নাইনা ভিজিৎ তৌবীয়ু  https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা অমসুং অতোপ্পা ৱাহংশিং ncov2019[at]gov[dot]inদা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯গী মতাংদা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf .