য়ুমলৈ-কৈরৈ মন্ত্রালয়
এম.ঐচ.এ.না রাজ্যশিংদা কোবিদ-১৯ গা মায়োক্ননবা পাংথোক্লিবা লোক দাউন মনুংদা ইসেন্সিয়েল কোমোদিতীজ (ই.সি.) এক্ত, ১৯৫৫ গী প্রোভিজনশিং শিজিন্নদুনা, তঙাই ফদবা পোৎলমশিং ফংহন্নবা ইখ্রে
Posted On:
08 APR 2020 11:20AM by PIB Imphal
লৈবাক অসিদা তঙাইফদবা পোৎলমশিং মরাং কাইনা সপ্লাই তৌবা ঙমননবা, কেন্দ্রগী হোম সেক্রেতরী, শ্রী অজয় কুমার ভল্লানা রাজ্য পুম্নমক্কী চীফ সেক্রেতরীশিংদা ইসেন্সিয়েল কোমোদিতীজ (ই.সি.) এক্ত, ১৯৫৫ গী প্রোভিজনশিং শিজিন্নদুনা তঙাইফদবা পোৎলমশিং ফংহন্নবা মথৌ তাবা খোংথাং লৌখৎনবা ইখ্রে। মসিগী পাম্বৈশিং অসিদা স্তোক লিমিৎশিং লেপথোকপা, মমলশিং লেপথোকপা, পোৎথোক হেনগৎহনবা, দীলরশিংগী একাউন্তশিং য়েংশিনবা অমসুং অতৈ থবক-থৌরম কয়া য়াওরি।
মরম কয়ামরুমদগী পোৎথোকশিংদা অমাং-অতা থোকপগী পাউ ফংলি, মরু ওইনা লেবর সপ্লাইদা হন্থরকপগী পাউ ফংলি। অসিগুম্বা ফিভম অসিদা, মদুনা মরম ওইদুনা তঙাইফদবা পোৎলমশিংগী মমল ৱাংখৎহনবা ইনভেন্তরী বিল্দিং/হোরদিং অমসুং ব্লেক মার্কেতিং থোরকপগী ওইথোকপা লৈ। রাজ্যশিংদা মশিং য়াম্না মীয়ামগীদমক্তা চুনবা মমলদা হায়রিবা পোৎলমশিং অসি ফংহন্নবা খুদক্কী ওইবা থৌরাং লৌখৎনবা হায়খি।
মমাংদা, গৃহ মন্ত্রালয় (এম.ঐচ.এ.)না, দিজাস্তর মেনেজমেন্ত এক্তকী মখাদা মখোয়গী ওর্দরশিংগা লোইননা চানবা পোৎলমশিং, হিদাক-লাংথকশিং অমসুং মেদিকেল ইকুইপমেন্তশিংগুম্বা তঙাইফদবা পোৎলমশিংগী মতাংদা মেন্যুফেকচর/প্রদক্সন, ত্রান্সপোর্ত অমসুং অতৈ মরী লৈনবা সপ্লাই-চেন পাইখৎনবগীদমক অয়াবা পীখ্রে।
মখা তানা, ভারত সরকারগী কঞ্জ্যুমর এফিয়র্স, ফুদ & পব্লিক দিস্ত্রিব্যুসন্না জুন ৩০, ২০২০ ফাওবা কেন্দ্র সরকারগী অয়াবা লৌবগী তঙাইফদবা অদু কোমথোকহন্দুনা ই.সি. এক্ত, ১৯৫৫গী মখাদা ওর্দর তৌনবগীদমক রাজ্যশিং/য়ুনিয়ন তেরিতোরীশিংদা খঙহনখি।
ই.সি. এক্তকী মখাদা অরানবা তৌবশিং চহি ৭কী মীয়াৎ তাবা য়াই নত্ত্রগা ফাইন থিবা নত্ত্রগা অনিমক তৌবা য়াই। রাজ্য/য়ুনিয়ন তেরিতোরীশিংগী সরকারশিংদা ব্লেক-মার্কেতিং অমসুং মেন্তিনেন্স ওফ সপ্লাইজ ওফ ইসেন্সিয়েল কোমোদিতীজ এক্ত, ১৯৮০গী মখাদা মরাল লৈরবশিং ফাজিনবগী মতাংদা খন্নবসু য়াই।
(Release ID: 1612220)
Visitor Counter : 183
Read this release in:
Kannada
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Malayalam