মাইসুরুদা পোজিতিপ ওইবা মশিং ২৮ য়ৌরে অমসুং পুং ২৪গী মনুংদা কেস ৭ ফংখি । মসি করনাতাকা হেল্থ দিপার্তমেন্তনা থাদোরকপা খ্বাইদগী নৌবা মেদিয়া বুল্লেতিনগী মতুংইন্ননি । সেম্পলশিং তেস্ত তৌবদা দরকার ওইবা খুৎলায়শিং ফংহন্নবা মাইসুরুদা লৈবা সি এস আই আর –সেন্ত্রেল ফুদ তেক্নোলোজিকেল রিছার্স ইন্সতিতুৎনা জিলা থাক্কী লৈঙাক্কা খুৎশম্নদুনা থবক পায়খৎলি ।

হৌজিক কোভিদ-১৯ অসি খ্বাইদগী নৌবা অমসুং অফবা রিয়েল তাইম পোলিমেরেজ চেন রিরেক্সন(পি সি আর) কৌবা পাম্বৈ অমনা মশক খঙদোকপা ঙমলি । মসিগী পি সি আর পাম্বৈ অসি সেম্পলশিংদা য়ারিবা ভাইরসকী আর এন এ লৌথোক্লি অমসুং পি সি আর মেছিন অমা শীজিন্নদুনা ভাইরস অদু চাউথোকহনবনি । পি সি আর তেস্তকী খুদোংচাবা অমনা মসিনা মীওই অমনা লাইওং উৎত্রিঙৈদা ঙল্লিঙৈদা ভাইরস খঙদোকপা ঙমহল্লি ।

চিংনবা পকলম্বা য়াবা মশিং য়াম্লবা মীওইশিং লৈবা জিলা মরিগী মনুংদা মাইসুরু জিলা য়াওরি । চিংনবা ক্বারেনতাইন তৌরিবা মীওইশিং অদু ক্বারেনতাইন মমাং অমসুং মতুংদা , মখোয়গী মশাদা লাইওং অমতা উৎত্রবসু মখোয়গী হকচাংদা ভাইরস য়াওরিবরা হায়না তেস্ত তৌগদবনি ।

জিলা অসিদা মশিং য়াম্লবা সেম্পলশিং চাংয়েং তৌনবা এস এস আই আর-সি এফ তি আর আইনা দরকার ওইবা হিদাকশিংগা লোয়ন্না পি সি আর মেছিন অনি অমসুং আর এন এ লৌথোক্নবা য়ুনিত অমা জিলা থাক্কী লৈঙাক্ত পীখ্রে ।

চেকশিন্না চাংয়েং তৌবা অসি হৌজিক তঙাইফদবনি । চাংয়েং অসি  য়াম্না নৌবা অমনি অমসুং ইন্দিয়ান কাউন্সিল ওফ মেদিকেল রিছর্সনা অয়াবা পীরবা খনগৎলবা সেন্তরশিংদা পাংথোক্লি হায়না এস এস আই আর-সি এফ তি আর আইগী দিরেক্তর, দোক্তর কে এস এম এস রগাবারাওনা হায়রি । খুৎলায়শিংগা লোয়ননা তেক্নিসিয়ান অনিসু পীরি ।

পি সি আর মেছিন অদু ২০২০গী এপ্রিল ৫দা শীন্নখি । ভাইরস রিছাস এন্দ দাইনোসতিক্স লেবোরেতোরিগী নোদেল ওফিসার, দোক্তর অমরুথা কুমারি অমসুং মাইসুরু মেদিকেল কোলেজ এন্দ রিছর্স ইন্সতিতুৎকী কোভিদ তেস্ত লেবোরেতোরিগী ইন-চার্জদা খুৎলায় অদু শীন্নখি । মসিনা নোংমদা তেস্ত শরুক অহুম পাংথোকপা ঙমহনগনি । আর এন এ লৌথোক্নবা য়ুনিত চয়োল অমগী মনুংদা য়ৌরক্লগনি ।