ମହୀଶୂରରେ କୋବିଡ-19ର ପଜିଟିଭ ସଂଖ୍ୟା 28ରେ ପହଂଚିଛି ଏବଂ 24 ଘଂଟା ଭିତରେ ସାତୋଟି ମାମଲା ସାମ୍ନାକୁ ଆସିଛି । କର୍ଣ୍ଣାଟକ ସ୍ୱାସ୍ଥ୍ୟ ବିଭାଗ ଦ୍ୱାରା ଜାରି ହୋଇଥିବା ସଦ୍ୟତମ ମିଡ଼ିଆ ବୁଲେଟିନ ଏହା ଦର୍ଶାଯାଇଛି । ନମୁନା ପରୀକ୍ଷଣ ପାଇଁ ଆବଶ୍ୟକ ଉପକରଣ ଉପଲବ୍ଧ କରାଇ ପାଇଁ ମହୀଶୂରସ୍ଥିତ ସିଏସଆଇଆର କେନ୍ଦ୍ରୀୟ-ଖାଦ୍ୟ ବୈଷୟିକ ଗବେଷଣା ପ୍ରତିଷ୍ଠାନ (ସିଏସଆଇଆର-ସିଏଫଟିଆରଆଇ) ଜିଲ୍ଲା ପ୍ରଶାସନ ସହିତ ହାତ ମିଳାଇଛନ୍ତି ।

କୋଭିଡ଼-19 ସଂକ୍ରମଣ ବର୍ତ୍ତମାନ ରିୟଲ ଟାଇମ୍ ପଲିମରେଜ ଚେନ ରିଆକସନ୍ (ପିସିଆର) ବିଧି ନାମକ ଏକ ବହୁତ ହିଁ ଅତ୍ୟାଧୁନିକ ସୁକ୍ଷ୍ମ ଏବଂ ସଠିକ ଟେକ୍ନୋଲୋଜି ଦ୍ୱାରା ଜାଣି ହେଉଛି । ଏହି ପିସିଆର ବିଧିରେ ନମୂନାଗୁଡ଼ିକର ଭୂତାଣୁ ଆରଏନଏର ନିଷ୍କର୍ଷଣ ଏବଂ ଗୋଟିଏ ପିସିଆର ମେସିନର ଉପଯୋଗ କରି ତାହାର ଆମ୍ବଲିଫିକେସନ ସାମିଲ ରହିଛି । ପିସିଆର ପରୀକ୍ଷଣରୁ ଏହାର ଗୋଟିଏ ସ୍ପଷ୍ଟ ଲାଭ ହେଉଛି କି ଏହା କୌଣସି ବ୍ୟକ୍ତିଙ୍କ ଭିତରେ ରହିଥିବା ଭୂତାଣୁ ସମ୍ବନ୍ଧରେ ପ୍ରାରମ୍ଭିକ ଅବସ୍ଥାରେ ହିଁ ସୂଚନା ଦେଇଥାଏ, ଅର୍ଥାତ ଲକ୍ଷଣ ମଧ୍ୟ ସାମ୍ନାକୁ ଆସିଥାଏ ।

ଚାରୋଟି ହଟ୍ ସ୍ପଟ୍ ଜିଲ୍ଲା ମଧ୍ୟରୁ ମହୀଶୂର ଜିଲ୍ଲାକୁ ଚିହ୍ନଟ କରାଯାଇଛି, ଯେଉଁଠାରେ ବହୁତ ବଡ଼ ସଂଖ୍ୟାରେ ସନ୍ଦିଗ୍ଧ ରହିଛନ୍ତି । ସନ୍ଦିଗ୍ଧ ବ୍ୟକ୍ତିମାନଙ୍କୁ ସେମାନଙ୍କ ଶରୀରରେ ଭୂତାଣୁର ଉପସ୍ଥିତି ପାଇଁ ସଙ୍ଗରୋଧର ଅବଧି ପୂର୍ବରୁ ଏବଂ ପରେ ପରୀକ୍ଷଣ କରିବାର ଆବଶ୍ୟକତା ରହିଛି, ଯଦିଓ ସେମାନଙ୍କଠାରେ ରୋଗର ଲକ୍ଷଣ ଦେଖାଯାଇ ଥାଉ କିମ୍ବା ନ ଥାଉ ।  

ସିଏସଆଇଆର-ସିଏଫଟିଆରଆଇ ଦୁଇଟି ପିସିଆର ମେସିନ ଏବଂ ଗୋଟିଏ ଆରଏନଏ ନିଷ୍କର୍ଷଣ ୟୁନିଟ ଆବଶ୍ୟକୀୟ ରାସାୟନିକ ପଦାର୍ଥ ସହିତ ଜିଲ୍ଲା ପ୍ରଶାସନକୁ ପ୍ରଦାନ କରିଛନ୍ତି । ଫଳରେ ଜିଲ୍ଲାରେ ଅଧିକ ସଂଖ୍ୟାରେ ନମୁନା ଗୁଡ଼ିକର ପରୀକ୍ଷଣ କରାଯାଇ ପାରିବ ।

ସିଏସଆଇଆର-ସିଏଫଆରଆଇର ନିର୍ଦ୍ଦେଶକ ଡକ୍ଟର କେଏସଏମଏସ ରାଘବରାଓ କହିଛନ୍ତି- ‘ସମୟର ଆବଶ୍ୟକତା ହେଉଛି ଉପଯୁକ୍ତ ଏବଂ ସଠିକ ପରୀକ୍ଷଣ । ଯେହେତୁ  ପରୀକ୍ଷଣ ବହୁତ ଅତ୍ୟାଧୁନିକ ସୁକ୍ଷ୍ମ ଏବଂ ଭାରତୀୟ ଚିକିତ୍ସା ଅନୁସନ୍ଧାନ ପରିଷଦ (ଆଇସିଏମଆର) ଦ୍ୱାରା ପରୀକ୍ଷଣ ପାଇଁ ଅନୁମୋଦିତ କିଛି ନିର୍ଦ୍ଦିଷ୍ଟ କେନ୍ଦ୍ରଗୁଡ଼ିକରେ କରାଯାଉଛି, ଆମେ କ୍ଷମତା ସଂପ୍ରସାରଣ କରିବାର ଉପାୟକୁ ସମର୍ଥନ କରୁଛୁ’ । ଉପକରଣ ସମେତ ଜିଲ୍ଲା ପ୍ରଶାସନ ସମୟ ଅନୁସାରେ ଆବଶ୍ୟକ କରୁଥିବା ଦୁଇ ଜଣ କୁଶଳୀ ଟେକ୍ନିସିଆନ ମଧ୍ୟ ପ୍ରଦାନ କରାଯିବ ବୋଲି ସେ କହିଛନ୍ତି ।

ପିସିଆର ମେସିନଗୁଡ଼ିକୁ ଅପ୍ରେଲ ମାସ 5 ତାରିଖ 2020ରେ ହସ୍ତାନ୍ତର କରାଯାଇ ସାରିଛି । ଭୂତାଣୁ ଗଷେଣା ଏବଂ ଡାଇଗ୍ନୋଷ୍ଟିକ୍ସ ଲାବୋରେଟୋରୀ (ବିଆରଡିଏଲ)ର ନୋଡାଲ ଅଧିକାରୀ, ଡକ୍ଟର ଅମୃତା କୁମାରୀ ଏବଂ ମହୀଶୂର ମେଡିକାଲ କଲେଜ ଏବଂ ଗବେଷଣା ପ୍ରତିଷ୍ଠାନର କୋଭିଡ ପରୀକ୍ଷଣ ପ୍ରୟୋଗଶାଳା ମହୀଶୂରର ଇନ୍-ଚାର୍ଜ ଉପକରଣଗୁଡିକୁ ଗ୍ରହଣ କରିଛନ୍ତି । ସେ କହିଛନ୍ତି କି ଏହାଦ୍ୱାରା କେନ୍ଦ୍ରରେ ପ୍ରତିଦିନ କରାଯାଉଥିବା ପରୀକ୍ଷଣର ସଂଖ୍ୟାକୁ ତିନିଗୁଣା କରିବାରେ ସାହାଯ୍ୟ ମିଳିପାରିବ । ଆରଏନଏ ନିଷ୍କର୍ଷଣ ୟୁନିଟ ଏକ ସପ୍ତାହ ମଧ୍ୟରେ ପହଂଚିଯିବ ।       

**********