ড’নাৰ মন্ত্ৰালয়, প্ৰধানমন্ত্ৰী কাৰ্যালয়, কৰ্মচাৰী, ৰাজহুৱা অভিযোগ, পেঞ্চন, আণৱিক শক্তি আৰু মহাকাশ বিভাগৰ কেন্দ্ৰীয় ৰাজ্যিক মন্ত্ৰী (স্বতন্ত্ৰ) ড^০ জিতেন্দ্ৰ সিঙে আজি ভিডিঅ’ কনফাৰেন্সযোগে ডিঅ’পিটি, ডিএআৰপিজি আৰু ডিঅ’পিপিডব্লিউৰ কামকাজৰ খতিয়ান লয়৷ পোন প্ৰথমে মন্ত্ৰীগৰাকীয়ে লকডাউনৰ সময়ছোৱাত ডিঅ’পিটিয়ে গ্ৰহণ কৰা বিভিন্ন প্ৰস্তুতিসমূহৰ খতিয়ান লয়৷ ডিএআৰপিজিৰ ক্ষেত্ৰত মন্ত্ৰীগৰাকীক এইবুলি অৱগত কৰোৱা হয় যে ১ এপ্ৰিল ২০২০ তাৰিখে ক’ভিড-১৯ৰ ৰাষ্ট্ৰীয় পৰ্যায়ত নিৰীক্ষণ কৰিবলৈ এক ডেশ্বব’ৰ্ড (https://darpg.gov.in) মুকলি কৰা হয়৷ প’ৰ্টেলটোত ৰাজহুৱা অভিযোগ ১ এপ্ৰিল তাৰিখে ৩৩৩ৰ পৰা ৬ এপ্ৰিল তাৰিখলৈ ২৩৪৩লৈ বৃদ্ধি হয়৷ ডিএআৰপিজিয়ে সকলো মন্ত্ৰালয়/বিভাগ তথা ৰাজ্য চৰকাৰক এই ৰাজহুৱা অভিযোগসমূহ নিষ্পত্তি কৰিবলৈ ৩দিনকৈ সময় দিছে৷ আনহাতে পেঞ্চন বিভাগৰ তৰফৰ পৰা ড^০ সিঙক এইবুলি অৱগত কৰোৱা হয় যে বিভাগটোৰ সকলো কাম ১০০%ই ভিপিএন সংযোগৰ দ্বাৰা পৰিচালিত হৈ আছে আৰু বিভাগটোৱে ই-অফিচৰ জৰিয়তে আন্তঃমন্ত্ৰালয়ৰ ফাইল বিনিময় ব্যৱস্থা সক্ষম কৰি তুলিছে৷ প্ৰায় ৪ লাখ এছএমএছ পেঞ্চনাৰসকললৈ প্ৰদান কৰি তেওঁলোকক ক’ভিড-১৯ মহামাৰীৰ সন্দৰ্ভত ল’বলগীয়া সাৱধানতাসমূহৰ বিষয়ে অৱগত কৰোৱা হৈছে৷ বিভাগটোৱে ১০০জন পেঞ্চনাৰৰ বাবে জ্যেষ্ঠ চিকিৎসকৰ সৈতে টেলি পৰামৰ্শৰ সুবিধাৰো ব্যৱস্থা কৰি দিছে৷ তাৰোপৰি লকডাউনৰ সময়ছোৱাত ভাৰতৰ ২৪-২৫খন চহৰৰ পেঞ্চনাৰসকলৰ বাবে ১৩.০৪.২০২০ তাৰিখে যোগাভ্যাসৰ এক ভিডিঅ’ কনফাৰেন্সৰো ব্যৱস্থা কৰিব৷ এই প্ৰক্ৰিয়া লকডাউনৰ পিছতো অব্যাহত থাকিব৷

উল্লেখ্য, ডিঅ’পিটি, ডিএআৰপিজি আৰু ডিঅ’পিপিডব্লিউৰ সকলো বিভাগীয় কৰ্মচাৰী নিজৰ এদিনৰ দৰমহা ক’ভিড-১৯ সাহায্য পুঁজিলৈ বৰঙণি হিচাপে আগবঢ়াইছে৷ চিভিল ছাৰ্ভিচেছ অফিচাৰ্ছ ইন্সটিটিউটেও (চিএছঅ’আই) পিএম-কেয়াৰ্ছলৈ ২৫ লাখ টকা বৰঙণি আগবঢ়াইছে৷

<><><><><>

VG/SNC/MANN