কোভিদ-১৯গী সেম্পল লৌবা অমসুং তেস্ত তৌবগী থবকশিং অমুক হন্না য়েংশিন্নবা আই সি এম আর, সাইন্স অমসুং তেক্নোলোজি, বাইও-তেক্নোলোজি অমসুং সি এস আই আরগী সেনিয়র ওফিসিয়েলশিংগা লোয়ন্না হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর হার্স ভরধানগা মীফম অমা পাংথোকখি । রিএজেন্তশিং লৈবা , ৱেবসাইত পুনশিনবা, দেতা মেনেজমেন্ত, এনালাইসিস, দাসবোর্দ, রিছাসকী মতাংদা মীফম অদুদা কুপ্ন খন্নখি । 

মিনিস্তরনা হায়খি য়ুনিয়ন হেল্থ মিনিস্ত্রিনা পায়খৎলিবা থবকশিং অসিগী মতাংদা মহাক্না রাজ্যশিং অমসুং য়ুতিশিংগী হেল্থ মিনিস্তরশিংগা ৱা খন্নরে অমসুং রাজ্যশিং অমসুং য়ু তিশিংনা পায়খৎলিবা থবকশিং অমুক হন্না য়েংশিল্লে । কোভিদ-১৯ লাকশিন্নবা খোঙ্গুল লিবা অমসুং লায়েংবগী থবকশিংগীদমক মহাক্না রাজ্যশিং থাগৎখি ।

মীফম অদুদা আই সি এম আরগী দি জিনা হায়খি মদুদি এন এ বি এল এক্রেদিদেদ লনাই লেব ৪৯গা লোয়ন্না নোংমদা তেস্ত ১৩০০০ পাংথোকপা ঙম্বা সরকারগী লেবোরেতোরি ১২৯  থবক তৌরি । প্রাইবেদ চেনশিংগী কল্লেক্সন সেন্তর ১৬০০০ রোম লৈরি । তেস্ত কিতশিং মরাং কাইনা লৈরে অমসুং রাজ্যশিংদা য়েন্থোকখ্রে । রেপিদ এন্তিবোদি তেস্ত কিতশিং লৈনবা ওর্দর তৌখ্রে । হৌজিক লৈবাক শীনবা থুংনা লনাই লেবশিংগী তেস্ত ১৩৩৪ য়াওনা তেস্ত ৩৮,৪৪২ পাংথোকখ্রে ।

কোভিদ-১৯ থেংন্নবা পাম্বৈশিং পুথোক্নবা সাইন্স অমসুং তেক্নোলোজি মিনিস্ত্রিগী সেক্রেতরি অহুমগা মখা তানা ৱা খন্নখি ।

সেক্রেতরি দি এস তি, দোক্তর অসুতোস শর্ম্মনা হায়খি দাইনোগতিক্স, হিদাক, ভেন্তিলেতর, ঙাকথোক্নবা খুৎলায়, মহিক হাৎনবা থৌরাংগা মরি লৈনবা ফার্ম ৫০০ হেন্না মশক খঙদোক্লে । দি এস তিনা ফন্দ থাদনবা ৱাফম ২০০ রোম মমাংগী চয়োলদা ফংখি অমসুং অহানবা তাঙ্কক্কী ওইনা ফার্ম ২০ মতেং পীনবা খন্নরি ।

সেক্রেতরি দি বি তি দোক্তর রেনু শ্বারুপনা হায়খি লৈবাক অসিনা মশাগী ওইবা ভেন্তিলেতরশিং, তেস্ত তৌনবা খুৎলায়শিং, ইমেজ লৌনবা খুৎলায়, অলত্রাসাউন্ত অমসুং অফবা মখলগী রেদিওলোজিগী খুৎলায়শিং শানবা য়ুনিত ভিশাখাপাতনামদা লিখৎলে অমসুং এপ্রিলগী অহানবা চয়োলদগী শাবা হৌরগনি । দাইনোগতিক্স হিদাকশিং অমসুং ভেকশিনশিং অয়াবা পীনবা দি বি তি অমসুং দ্রগ কন্ত্রোল্লর জেনেরেল ওফ ইন্দিয়ানা রেপিদ রেসপোন্স রিগুলেতোরি ফ্রেমৱার্ক অমা নোতিফাইদ তৌরে । ভারতকী ইন্দস্ত্রি অহুমনা ভেকশিন পুথোক্নবা থবক পায়খৎলি ।

সি এস আই আরগী দি জি দোক্তর সেখরনা হায়খি কোভিদ-১৯ থেংন্নবা সি এস আই আরনা মাইকৈ মঙা ফাংবা লাল্লোং অমা পায়খৎলি , মখোয় অদুদি ; দিজিতেল অমসুং মোলিকুলর পাম্বৈশিং শীজিন্নদুনা লৈবাক শীনবা থুংনা ভাইরস স্ত্রেনশিং সিক্বেন্সিং তৌবা, মমল হোংবা অমসুং য়াম্না থুবা তেস্ত তৌনবা পাম্বৈশিং, অনৌবা হিদাকশিং পুথোকপা, হোস্পিতালগী খুৎলায়শিংগী রিছাস অমসুং দিবলপমেন্ত অমসুং দরকার ওইবা পোৎলমশিং ফজনা ফংহন্নবা হোৎনবনি । মথক্ত পল্লিবা থবকশিং অসি পাংথোক্নবা সি এস আই আরনা লনাই সেক্তরগা পুন্না থবক তৌমিন্নরি ।

কোভিদ-১৯ থেংন্নবা ভারতকী ইন্সতিতুৎশিংনা পায়খৎলিবা থবকশিং দোক্তর হার্স ভরধন্না থাগৎখি । লৈবাক অসিগী লেবশিংদা তেস্ত তৌনবা খুৎলায়শিং অমসুং রিএজেন্তশিং অথুবদা ফংহন্নবা মহাক্না তকশিনখি ।