য়ুমলৈ-কৈরৈ মন্ত্রালয়
প্রধান মন্ত্রীগী য়াথংদগী , স্তেদ দিজাস্তর রিক্স মেনেজমেন্ত ফন্দগী মখাদা হোম মিনিস্ত্রিনা রাজ্যশিংদা লুপা ক্রোর ১১,০৯২ থাদোকখ্রে
Posted On:
03 APR 2020 7:10PM by PIB Imphal
ঙরাং চীফ মিনিস্তরশিংগা ভিদিও কনফরেন্স পাংথোক্লিঙৈ মনুংদা প্রধান মন্ত্রী নরেন্দ্র মোদীনা থাজবা পীবদগী স্তেদ দিজাস্তর রিক্স মেনেজমেন্ত ফন্দগী মখাদা রাজ্যশিংদা লুপা ক্রোর ১১,০৯২ থাদোকপা হোম মিনিস্তর অমিত সাহনা অয়াবা পীরে ।
রাজ্য সরকারশিংদা ফন্দ হেন্না ফংহন্নবা শেনবা চহি ২০২০-২১গী স্তেদ দিজাস্তর রিক্স মেনেজমেন্ত ফন্দগী লুপা ক্রোর ১১,০৯২ অহানবা ইন্সতোলমেন্ত ওইনা রাজ্য সরকারশিংদা কেন্দ্র সরকারনা পীরে ।
কোভিদ-১৯ থেংন্নবা রাজ্যশিংদা অহেনবা ফন্দ পীনবা কেন্দ্র সরকারনা মার্চ ১৪দা স্তেদ দিজাস্তর রিক্স মেনেজমেন্ত ফন্দ শীজিন্ননবা অয়াবা পীখ্রবনি। মসিগী ফন্দ অসি ক্বারেনতাইন সেন্তরশিং শাবা, সেম্পল খোমজিনবা অমসুং স্ক্রিন তৌবা, অহেনবা তেস্ত তৌনবা লেবোরেতোরি লিংখৎপা, হকশেল , মিউনিসিপাল, পুলিস অমসুং ফাইয়ারগী মীওইশিংগী পি পি ইশিং লৈবা, থরমেল স্কেন্নর, ভেন্তিলেতরশিং , এয়র পিউরিফাইয়রশিং লৈবদা শীজিন্নগনি ।
অথিংবা থমখিবদগী শিন্মীশিং য়াওনা ময়ুম লৈতবা মীওইশিংদা দরকার ওইবা চানবা অমসুং লৈফম পীনবা কেন্দ্র সরকারনা থবক পায়খৎলি । মসিগী থবক অসিগীদমক স্তেদ দিজাস্তর রিক্স মেনেজমেন্ত ফন্দগী শেনফম শীজিন্ননবা মার্চ ২৮দা কেন্দ্র সরকারনা রাজ্য সরকারশিংদা খঙহনখ্রে ।
ৱাল্ড হেল্থ ওর্গনাইজেসন্না লাইচৎ অমনি হায়না লাউথোকপদগী মমাংদা অমুক্ত থোকখিদ্রিবা মওংদা ওইরকলিবা ফিবম অসি থেংন্নবা প্রধান মন্ত্রীগী লমজিং মখাদা কেন্দ্র সরকারনা রাজ্যশিংদা দরকার ওইবশিং মতেং পাংলি ।
(Release ID: 1610904)
Visitor Counter : 218
Read this release in:
English
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam