প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা শক্নাইরবা শান্নরোইশিংগা ৱারী শানখ্রে। 
প্রধান মন্ত্রীনা হায়খি মদুদি কোবিদ-১৯ অসি মীওইবা জাতি পুম্নমক্কী য়েক্নবনি অমদি ফিভম অসি য়াম্না অরুবা অমনি হায়বা মসিদগী খঙবা ঙম্লে মদুদি অনিশুবা লাঞ্জাওগী মতুংদা অহানবা ওইনা ওলেম্পিক গেম্স য়ৈথোক্লি। লাইচৎ অসিনা ওইহল্লক্লিবা শিংনবশিংনা মরম ওইদুনা ৱেম্বেলদনগুম্বা মরুওইবা অন্তরজাতিগী শান্ন-খোৎনবগী অতোপ্পা থৌরম কয়া অমদি ক্রিকেৎকী ওইবা ইন্দিয়ান প্রেমিয়র লিগগুম্বা লৈবাক মনুংগী ওইবা শান্ন-খোৎনবগী থৌরম কয়া শিফ তৌখ্রে। 
প্রধান মন্ত্রীনা শান্ন-খোৎনবগী লমদা অথোইবা পর্ফোমেন্স পীদুনা লৈবাক অসিগী মায় পাকপা পুরকপগীদমক শান্নরোইশিংবু থাগৎখি। হৌজিক মখোয়না লৈবাক্কী মোরেল হেঙ্গৎহন্নবা অমদি পোজিতিবিতী শন্দোকপদা মরুওইবা থৌদাং অমা লৌগদবা লৈরি। মসিগা লোয়ননা শান্নরোইশিংনা মীয়াম্বু লোকদাউনগী মতমদা পীরিবা এদবাইজরীশিং লেপ্পা লৈতনা ঙাক্তুনা চৎনবা হায়গদবনি। মহাক্না ফোংদোকখি মদুদি স্পোর্তস ত্রেনিং মনুংদা তমখিবশিং খুদম ওইনা শিংনরকপশিং মায়োক্নবা ঙম্বা, সেল্ফ-দিসিপ্লিন, পোজিতিবিতী অমসুং সেল্ফ-বিলিফ অসি ভাইরস শন্দোরকপা থেংননবা মরুওইবা খুৎলাইশিংনি। 
প্রধান মন্ত্রীনা মখোয়দা মীয়ামদা পীগদৌরিবা মখোয়গী পাউজেলদা মখাগী পোইন্ত মঙা অসি হাপচিন্নবা হায়খি: লাইচৎ থেংননবা ‘সংকল্প’, সোসিয়েল দিস্তেন্সিং ঙাক্তুনা চৎনবা ‘সংয়ম’, পোজিতিবিতী ঙাক্তুনা থম্নবা সক্রাতমক্তা, মেদিকেল ফ্রেতিনিতী, পুলিস পর্সোনেল য়াওনা লান অসিদা মাংজিল থারিবা লান্মীশিং ইকায় খুম্ননবা ‘সম্মান’ অমসুং পি.এম.-সি.এ.আর.ই.এস. ফন্দদা থৌদাং  য়াবগী খুত্থাংদা পর্সোনেল লেবেলগা লোয়ন লোয়ননা জাতিগী থাক্তা ‘সহয়োগ’। মহাক্না মখোয়দা ফিজিকেল অমসুং মেন্তেল ফিৎনেস অনিমক্কী মরুওইবদা ৱাফম থম্বগা লোয়ননা আয়ুশ মন্ত্রালয়না রিলিজ তৌখিবা গাইদলাইনশিংসু মীয়ামা খংহন্নবা হায়খি।
শান্নরোইশিংনা শিংনরক্লিবা মতম অসিদা প্রধান মন্ত্রীগী লীদরশিপপু থাগৎপা ফোংদোকখি। মখোয়না দিসিপ্লিনগী মরুওইবা, ৱাখল খনবগী পাঙ্গল, ফিৎনেস ঙাক্তুনা থম্বা অমদি ইম্ম্যুনিতী হেঙ্গৎহন্নবা থোংথাংশিং লৌখৎপগী মতাংদসু ৱাফমশিং থমখি। 
প্রধান মন্ত্রীনা ফোংদোকখি মদুদি লাইচৎ অসিগী মায়োক্তা চংশিল্লিবা লান অসিদা ভারতনা শোইদনা মায় পাক্কনি অমসুং লান অসিদা শান্নরোইশিংনা ইচং থৌনা শরুক য়াগনি হায়না থাজবা থমখি। 
ভিদিও কনফরেন্স অদুদা ভারত রত্নশ্রী সচিন তেন্দুলকর, বি.সি.সি.আই. প্রসিদেন্ত শ্রী সৌরব গাঙ্গুলী, নুপীগী হোক্কী তীম কেপ্তেন রানি রামপাল, বেদমিন্তন শান্নরোই পি.ভি. সিন্ধু, কবদ্দী শান্নরোই অমসুং হিমাচল প্রদেশ পুলিসতা দি.এস.পি. ওইরিবা শ্রী অজয় থাকুর, স্প্রিন্তর হিমা দাস, পারা এথেলেৎ হায় জম্পর শ্রী শরদ কুমার, মকোকথোংবা তেন্নিস শান্নরোই অনকিতা রাইনা, শক্নাইরবা ক্রিকেতর য়ুবরাজ সিংহ অমসুং নুপাগী ক্রিকেৎ তীম কেপ্তেন শ্রী বিরাত কোহলী য়াওনা দিসিপ্লিন কয়াদগী মকোকথোংবা শান্নরোই ৪০ হেনবনা শরুক য়াখি। য়ুথ এফিয়র্স অমসুং স্পোর্তসকী কেন্দ্র মন্ত্রী অমসুং মন্ত্রালয় অসিগী অতোপ্পা মকোকথোংবা ওফিসিয়েলশিংসু ৱারী শানবা অদুদা শরুক য়াখি।