প্রধান মন্ত্রী শ্রী নরেন্দ্র মোদীনা ঙসি ফ্রান্সকী রাস্ত্রপতি ইমানুয়েল মেক্রোনগা তেলেফোন্দা ৱারী শানখ্রে।

        প্রধান মন্ত্রীনা হৌজিক চত্থরিবা লাইচৎ কোবিদ-১৯দা লৈখিদ্রবশিংগীদমক রাস্ত্রপতি মেক্রোনদা মহাক্কী ওইবা অৱাবা ফোংদোকখি। লুচিংবশিংনা ক্রাইসিস ইসিগী দোমেস্তিক অমসুং ইন্তরনেস্নেল এস্পেক্তশিংদা খন্ন-নৈনখি অমদি হৌজিক ওইরিবা ফিভম অসিদা গ্লোবেল কোলাবোরেসন অমসুং সোলিদরিতীগী মরুওইবা অদু খংমিন্নখি। মখোয়না লৈবাক অনিমক্কী এক্সপার্ত তিমশিংনা ভাইরস অসি শন্দোরকপা থিংনবা খোংথাংদা ইনফোর্মেশন অমদি ত্রিৎমেন্ত অমসুং ভেক্সিন্দা রিসর্স শেয়ার তৌনবদা য়ানবা পুরকখি।

        ফ্রান্সকী রাস্ত্রপতিনা প্রধান মন্ত্রীগী মীৎয়েংদা য়াম্না কন্না য়ানিংবা ফোংদোকখি মদুদি কোবিদ-১৯গী ক্রাইসিস অসি মোদর্ন হিস্তরীদা তর্নিং পোইন্ত অমনি, অমদি মালেমদা গ্লোবেলাইজেসনগী অনৌবা হ্যুমেন-সেন্ত্রিক কনসেপ্ত অমা শেম্ননবা তঞ্জা অমা পীরি।

        লুচিংবশিংনা মীওইবা জাতিদা মপুং ফানা মমি তারিবা ক্লাইমেৎ চেঞ্জগুম্বা অতোপ্পা মালেমগী শিংনরিবশিংদা মীৎয়েং মাংদনবগী মরুওইবা অদু খংমিন্নখি। মখোয়না হৌজিক-হৌজিক্কী ক্রাইসিস মনুং অসিদা আফ্রিকা য়াওনা চাউখৎত্রিবা লৈবাকশিংগী দরকার ওইবশিংদা অখন্নবা মীৎয়েং চংবগী মরুওইবদসু অকনবা ৱাফম থমখি।

         রাস্ত্রপতি মেক্রোন্না প্রধান মন্ত্রীগী ৱাফম্বু তরাম্না ওকখি মদুদি যোগ প্রেক্তিস তৌবনা লাইচৎ অসিনা মরম ওইদুনা মখোয়-মখোয়গী য়ুমশিংদা নৈশিন্দুনা লৈরিবা মীওইশিংগীদমক পুক্নিং অমসুং হকচাং য়াইফনবা উপায় অমা পীরি। যোগনা হৌজিক ওইরিবা হেল্থ ক্রাইসিস মনুংদা ফ্রান্সতা অনৌবা প্রেক্তিস্নরশিং মায় পাক্লি হায়বা মহাক্না কনফার্ম তৌখি।

       লুচিংবা অনিমক্না য়ানবা পুরকখি মদুদি ভারত-ফ্রান্স পার্তনশিপনা হৌজিক ওইরিবা অরুবা মতম অসিদা হ্যুমেসেন্ত্রিক সোলিদরিতীগী স্পিরিৎ অমা খুমাং চাওশিলহনবদা থৌদাং লৌগনি।