শেল-থুম মন্ত্রালয়

ই এম আইদা আর বি আইগী কোমথোকপা : তোইনা হংবা ৱাহংশিং

Posted On: 01 APR 2020 12:35PM by PIB Imphal

২০২০গী মার্চ ১দগী মখল খুদিংমক্কী তার্ম লোনশিং থা অহুমগী মোরাতোরিয়ম অমা হৌখিবা চয়োলদা আর বি আইনা লাউথোক্লে ।

 

তোইনা হংবা ৱাহংশিংগী পাউখুম ইন্দিয়ান বেঙ্কস এসোসিয়েসন্না পীরি ।

 

ৱাহং ১ : করম্বা মতমদা আর বি আইনা লাউথোকখি ?

পাউখুম : ২০২০গী মার্চ ১দগী মখল খুদিংমক্কী তার্ম লোনশিং থা অহুমগী মোরাতোরিয়ম অমা হৌখিবা চয়োলদা আর বি আইনা লাউথোক্লে ।

ৱাহং ২ : করিগীদমক্তা আর বি আইনা রিলিফ পেকেজ লাওথোক্লিবনো?

পাউখুম : রিজর্ব বেঙ্ক ওফ ইন্দিয়ানা কোবিদ-১৯ গী লাইচৎনা মরম ওইদুনা অপনবা ওইরকপদগী শেন্দোনগী সর্বিসিংগী পোৎলুম হন্থহন্নবা অমসুং মতিক চাবা বিজিনেস মখা তানা চৎথবা ঙম্ননবা অকক্নবা পাম্বৈ খরা লাওথোকখ্রে। অসুম্না ফাওখি মদুদি কেশ ফ্লোশিংদা মতম খরগী ওইবা অকাইবা ওইহল্লকপা য়াই, অমসুং করিগুম্বা কেস খরদা বিজিনেস/ইন্দিবিজুয়েলশিংগীদমক্তা ইনকমগী অমাংবা ওইরকপা য়াই অমসুং লৈরিবা পাম্বৈশিং অসিনা হায়রিবা বিজিনেস/ইন্দিবিজুয়েলশিংগী রিলিফ ফংহনবদা থবক তৌরি।

ৱাহং ৩ : আর বি আই কোবিদ-১৯ রেগুলেতরী পেকেজগী মখাদা কান্নবা লৌনবা করম্বা খুদোংচাবশিং মতিক চাবগে অমসুং খুদোংচাবশিং অসি বোর্দ অপুনবগী বোরোৱর পুম্নমক্তা শন্দোকপরা?

পাউখুম : তার্ম লোন পুম্নমক (এগ্রিকলচর তার্ম লোন, রিতেল, ক্রোপ লোন অমসুং পুল পর্চেজগী মখাদা লৌবা লোন য়াওনা) অমসুং কেশ ক্রেদিৎ/ওভর্দ্রাফ অসি পেকেজ অসিগী মখাদা কান্নবা ফংনবগীদমক মতিক চাই। মসি মার্চ ১, ২০২০ ফাওবদা স্তেন্দর্দ এসেৎশিং ওইবা অসিগুম্বা একাউন্ত পুম্নমক্কীদমক ফংই। মখা তারকপদা, মথৌ তাদবা পেপরৱর্ক তোক্ননবা খুদোংচাবা অসি তার্ম লোন ইন্সতোলমেন্ত (শেন্দোই য়াওনা)গী রিপেমেন্ত তৌবা নুমিৎ 90 শাংদোকহন্দুনা বোর্দ অপুনবদা বোরোৱর পুম্নমক্তা শন্দোকই। তার্ম লোনগী ওরিজিনেল রিপেমেন্ত পেরদ অদু নুমিৎ ৯০ শাংদোক্কনি হায়বদি ইন্সতোলমেন্ত ৬০ দা রিপেয়েবল ওইবা মার্চ ১, ২০২৫দা মেচ্যুর ওইগদবা লোন অদু জুন ১, ২০২৫দা মেচ্যুর ওইরগনি।

ৱাহং ৪ : পেমেন্তশিংগী অমুক হন্না মতম লেপ্পা অসি তার্ম লোন মখল খুদিংমক্কীদমক এপ্লিকেবল ওইবরা?

পাউখুম : মসি তার্ম লোনশিংগী সেগমেন্ত অমসুং তেনর য়েংলুবা তৌদনা সেগমেন্ত খুদিংমক্তা তার্ম লোন খুদিংমক্কীদমক এপ্লিকেবল ওই।

ৱাহং ৫ : তার্ম লোনশিংগী নৌনা মতম লেপ্পা অসি প্রিন্সিপল এমাউন্ত খক্তগীরা নত্ত্রগা ইন্তরেস্তসু য়াওবরা?

পাউখুম : প্রিন্সিপলগী নৌনা মতম লেপ্পা অসি মার্চ ১, ২০২০ অমসুং মে ৩১, ২০২০গী মরক্তা দ্যু লৈবা থা অহুমগী মতমগীদমক তৌবা য়াই। খুদম ওইনা, তার্ম লোন অমগী অকোনবা ইন্সতোলমেন্ত অদু পেমেন্ত তৌবগী দ্যু মার্চ ১, ২০২০দা তাই হায়না লৌরসি, অদু ওইরবদি মদু জুন ১, ২০২০দা থিগনি।

              ই.এম.আই. দা য়ুম্ফম ওইবা তার্ম লোনশিংগীদমক্তদি মার্চ ১, ২০২০দা অমসুং মে ৩১, ২০২০গী মরক্তা তাবা ই.এম.আই. অহুম ওইগনি অমসুং তেনর অদু থা অহুম শাংদোক্কনি অমসুং মথক্কী খুদম (২)গী মতুং ইন্না শাংদোক্লিঙৈ মনুংদা রিপেদ তৌগদবনি।

           অতৈ তার্ম লোনশিংগীদমক্তদি, ইন্সতোলমেন্ত পুম্নমক অদু ওইগনি অমসুং পেমেন্তশিংগী তেনর য়েংলুবা তৌদনা ইন্সতোলমেন্ত অমসুং ইন্তরেস্ত অদু মতম অদুমক্তদা তাগনি খুদম ওইনা মন্থলী, ক্বাতরলী, হাল্ফ ইয়রলী, এনুএল্লী, বুলেৎ পেমেন্ত অসিনচিংবা। তার্ম লোনশিংগীদমক্তা, রিপেমেন্ত হৌদ্রিবা মফমদদি থা অহুম খক্কীদমক ইন্তরেস্তকী শরুক অদু কোনশিনবা মথৌ তাই।

ৱাহং ৬ : করিগুম্বা তার্ম লোনগী মতম অদু অপীবা মতমদগী হেন্দোক্লবা নৎত্রগা লোন পোলিসিগী মতমদগী হেন্দোক্লবদি করি ওইগনি ?

পাউখুম : অসিগুম্বা তার্ম লোনশিংগী মতম অয়াবা লৌদ্রবসু শাংদোক্কনি ।

ৱাহং ৭ : ৱার্কিং কেপিতেলশিংদা শন্দোয় লৌবগী থবক করম্না পাংথোক্কনি ?

পাউখুম : মার্চ ৩১, এপ্রিল ৩০ অমসুং মে ৩১, ২০২০দা লৌগদবা কেস ক্রেদিৎগী শন্দোয় লৌবা থেংথরে । অদুবু হায়রিবা শেন্দোয় অদু অপুনবা ওইনা ২০২০, জুন ৩০দা লৌগনি ।

ৱাহং ৮ : আর বি আইনা লাউথোক্লিবা অসিনা শেন পুরিবশিংদা করি কান্নবা ফংহনগনি ?

পাউখুম : শেন শিংবা থেংবা খুদিংমক ক্রেদিদ বিউরোদা রিপোর্ত তৌই । লুপা ক্রোর ৫ অমসুং মথক্কী ললোন-ইতিকশিংগী দিউ লৈবা অদু আর বি আইদা রিপোর্ত তৌই । কোভিদ-১৯ লাইচৎনবা মরম ওইদুনা মসিগী কোমথোকপা অসিগী মতুংইন্না, ২০২০গী মার্চ ১গী মতুংদা শেন পীবশিং থা অহুমগী ওইনা ক্রেদিদ বিউরোদা রিপোর্ত তৌরোই ।

বেঙ্কশিংদা পেনালতি ইন্তরেস্ত অমতা লৌরোই । কোভিদ-১৯গী অথিংবা অসিনা মরম ওইরবদি সেবিসু শেন শিংদবা কম্পেনিশিং ক্রেদিদ রেত্তিং এজেন্সিশিংনা খন্নরোই ।

ৱাহং ৯ : ললোন-ইতিক তৌবশিং/লনাই মীওশিং কান্নবা ফংগদরা ?

পাউখুম : নহাক্কী শেন লাক্ত্রবদি মসিগী কান্নবা নহাক্না লৌবা য়াই । অদুবু লোনশিংগী শেন্দোয় খুদক্কী ওইনা পীদবা য়ারবসু অমসুং থা অহুম থেংথনা পীবা য়ারবসু , নহাক্কী একাউন্তগী মখা তানা পীগদবনি ।

              খুদম ওইনা, নহাক্না লুপা ১০০,০০০ লোন তোল্লি হায়না লৌরসি, অমসুং নহাক্কী লোন অদুগী নহাক্না চাদা ১২ শেন্দোয় পীরি , থা খুদিংগী নহাক্না লুপা ১,০০০ শেন্দোয় পীগদবনি । অদুবু নহাক্না থা খুদিংগী শেন্দোয় পীদ্রবদি নহাক চহিদা চাদা ১২ শেন্দোয় পীগদবনি অমসুং মসিগী মতুংইন্না নহাক অহুমশুবা থাদা লুপা ৩,০৩০.১০ পীগনি ।

করিগুম্বা শেন্দোয় অসি চাদা ৮ ওইরবদি , নহাক্না থা অমদা লুপা ৮৩৩ নৎত্রগা থা অহুমগী মতুংদা লুপা ২,৫২১ পীবা দরকার ওই ।

ৱাহং ১০ : করিগুম্বা বেঙ্ক স্তাফ নৎত্রগা কলেক্সন এজেন্তনা লোন শিংনবা হায়রক্লবদি ঐ করি ওইগনি ?

পাউখুম : নহাক পাখৎলোইদবনি অমসুং কোমথোকপা অসিগী কান্নবা নহাক লৌবা পাম্মি হায়না বেঙ্ক স্তাফ নৎত্রগা কলেক্সন এজেন্তদা হায়গদবনি ।

ৱাহং ১১ : ঐগী ক্রেদিদ কার্দ দিউশিং করি তৌগনি ?

পাউখুম : ক্রেদিদ কার্দ পেমেন্তশিং মসিগী কোমথোকপা অসিগী কান্না ফংগনি । ক্রেদিদ কার্দগী ওভরদিউ লৈবগী মতাংদা থা অহুমগী ওইনা ক্রেদিদ বিউরোদা পাউ পীরোই ।

অদুবু ক্রেদিদ কার্দ পায়রিবশিংনা পীথোক্তবা শেনফমগী শেন্দোয় পীগদবনি । চুম্নগী বেঙ্ক ক্রেদিদকা চাংদমনবদা ক্রেদিদ কার্দকী শেন্দোয়না হেন্না চাউই হায়বা নহাক্না নিংশিংগদবনি অমসুং মসিগী মতুংইন্না নহাক্না ৱারেপ লৌজগদবনি ।

ৱাহং ১২ : ললোন-ইতিক্কী ওইনা নন-ফন্দ বেজদগী কমদৌনা ফন্দ বেজদা হোংদোক হোংজিন তৌবা য়াগনি ?

পাউখুম : ২০২০গী মার্চ ১দগী মে ৩১ ফাওবগী ওইনা ফন্দ বেজ শরুক্কী শন্দোয় কোমথোকপা অসিগী কান্নবা লৌবা য়াগনি । মার্চ ১দা লৈখিবা অনৌবা সেঙ্কসনগী ওইনা ফন্দ বেজদা শেন্দোয় অসি কোমথোক্কনি ।

ৱাহং ১৩ : করম্বা মওংদা ললোন-ইতিক্কী থবকশিং কান্নবা পীবগে ?

পাউখুম : মখোয়গী শেন লাকপদা অপনবা লৈবদগী মখোয়গী ৱার্কিং কেপিতেল দরকার ওইবা অদু অমুক হন্না য়েংশিন্নবা বেঙ্কতা হায়জবা য়াই । মখোয়না এন এফ বিশিংগী মার্জিন হন্থনবা হায়জবা য়াই । মরম চানা হায়জরকপশিংগী ৱাকৎ অদুগী ৱারেপ মরি লৈনবা বেঙ্ক ব্রাঞ্জশিংনা লৌগদবনি ।

ৱাহং ১৪ : এন বি এফ সিশিং/এম এফ আইশিং/ঐচ এফ সিশিং ৱার্কিং কেপিতেল ফাইনান্সিংগী কোমথোকপা ফংবা য়াগদরা ?

পাউখুম : হৌজিক্কী ওইনা মখোয় স্কিম অসিনা কোনশিনদে । অদুবু মখোয়গী খুদোংচা খরা পীনবা আর বি আইনা অনৌবা থৌরাং খরা হৌদোক্লে । তারগেদেত লোঙ্গর-তার্ম রিফাইনান্সিং ওপেরেসনগী মখাদা লিকুইদিদিগী মতেং পীগনি ।

ৱাহং ১৫ : আর বি আইগী পাম্বৈ পুম্নমক অসি “হন্না শেমজিল্লী” ওইনা লৌগদ্রা? প্রোবিজন্স এপ্লিকেবলগী মরমদা করি তৌগনি?

ৱাহং : কোবিদ-১৯ রেগুলেতরী পেকেজ ওইনা মার্চ ২৭, ২০২০ গী সর্কুলর মখাদা আর বি আইনা লেপখিবা পাম্বৈশিং অদু “হন্না শেমজিল্লী” অমা ওইনা লৌরোই অমসুং মরম অদুনা এসেৎ ক্লাসিফিকেসন দাউনগ্রেদ তৌবগী মরম ওইরোই। মসিগী মতুং ইন্না রিস্ত্রকচর একাউন্তশিংগী হেনগৎহল্লবা প্রোবিজনশিং অদু এপ্লাই তৌরোই।

ৱাহং ১৬ : এস.আই./ই.সি.এস./এন.এ.সি.ঐচ. গী থোংদা খোমগৎকদবা ইন্সতোলমেন্ত/ই.এম.আই.শিংগী মতাংদা করি তৌগনি? করিগুম্বা বোরোৱরনা তাল্লক্লবদি, ইন্সতোলমেন্ত/ই.এম.আই. শিংগী রিফন্দ তৌবগী মওং করম্না তৌগনি?

পাউখুম : শেমদোক্লবা তঙাইফদবশিংগীদমক্তা চানবীদুনা অদোমগী বেঙ্ককা তানবীয়ু।



(Release ID: 1610295) Visitor Counter : 24