نئی دلّی  ،  1  اپریل / وزارت سیاحت ، حکومت ہند  نے  ایسے غیر ملکی سیاحوں کی مدد کے لئے ، جو  بھارت کے مختلف حصوں میں پھنسے ہوئے ہیں ، ایک پورٹل کا آغاز کیا ہے ، جس کے تحت   خدمات  سے متعلق اطلاعات  فراہم کی جاتی ہیں اور ان خدمات کو  غیر ملکی سیاح   حاصل کر سکتے ہیں  یعنی جو اپنے وطن سے دور   یہاں پھنسے ہوئے ہیں ، وہ اِس پورٹل کے توسط سے اِن خدمات کا استعمال کر سکتے ہیں ۔  اس پورٹل کا نام ہے : ‘ اسٹرینڈڈ اِن انڈیا ’ (‘Stranded in India’ ) اور  اس کا مقصد یہ ہے کہ یہ ملک کے مختلف حصوں میں پھنسے ہوئے غیر ملکی سیاحوں کے لئے ایک امدادی نیٹ ورک کے طور پر کام کرے ۔

          اس وقت مکمل دنیا  صحیح معنی میں ایک غیر معمولی صورت حال کا سامنا کر رہی ہے ، جو کورونا وائرس کے نتیجے میں سامنے آئی ہے اور  اس امر کو یقینی بنانے کے لئے لگاتار کوششیں جاری ہیں کہ سیاحوں کی خیر و عافیت ، خصوصاً  غیر ممالک سے آئے ہوئے سیاحوں کی  عافیت کو یقینی بنایا جائے ۔   چنانچہ ، سیاحت کی وزارت  ہمہ وقت چوکس ہے  اور ضرورت مند افراد کی ضرورت کی تکمیل کے لئے مختلف النوع سرگرمیوں کی حوصلہ افزائی کر رہی ہے ۔

          مذکورہ پورٹل یعنی  strandedinindia.com درج ذیل اطلاعات کا حامل ہے ، جو  ضرورت مند سیاحوں کو   ضرورت کے وقت کارآمد محسوس ہوں گی ۔

( الف )  کووڈ – 19 ہیلپ لائن سے متعلق  نمبران یا  وہ تمام کال سینٹرس  ، جہاں غیر ملکی سیاح مدد کے لئے پہنچ سکتے ہیں  ، اس سلسلے میں تمام تر اطلاعات ۔

( ب ) وزارتِ خارجہ  کے زیرِ اختیار مراکز سے متعلق مختلف النوع اطلاعات   ، ساتھ ہی ساتھ رابطے سے متعلق اطلاعات  ۔

( ج )  ریاست پر مبنی / علاقائی سیاحت پر مبنی  امدادی بنیادی ڈھانچے سے متعلق اطلاعات ۔

( د ) ایسے لوگوں تک مدد پہنچانے کے لئے  امدادی  شعبے  کی شکل میں   آسانی  کی فراہمی ، جہاں سے  مزید اطلاعات  کے خواست گاران کو مدد مل سکے اور غیر ملکی سیاحوں کو متعلقہ حکام سے رابطہ قائم کرنے میں آسانی ہو ۔

          مذکورہ ویب سائٹ  ٹورزم  ویب سائٹ پر دیکھی جا سکتی ہے اور وزارتِ سیاحت کے  ممتاز چینلوں پر بھی دستیاب ہے ۔

          مزید تفصیلات دیکھنے کے لئے  strandedinindia.com کو ملاحظہ کریں ۔    

۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 ( م ن  ۔ ع ا  )      (01-04-2020 )

U. No. 1429