മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ 

വേതനം, അനുബന്ധ  ചിലവുകളുടെ കുടിശിക എന്നിവക്കായി   കേന്ദ്ര ഗ്രാമീണ വികസന മന്ത്രാലയം  സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കും 4, 431 കോടി രൂപ ഈ ആഴ്ച അനുവദിച്ചു 

ന്യൂഡൽഹി, മാർച്ച്‌ 31, 2020

കോവിഡ് 19 ന്റെ പശ്ചാത്തലത്തിൽ കേന്ദ്ര ഗ്രാമീണ വികസന വകുപ്പ്  സംസ്ഥാനങ്ങളുമായി സഹകരിച്ച്  വിവിധ നടപടികൾ സ്വീകരിച്ച്‌  വരികയാണ്. ഇതിന്റെ ഭാഗമായി കേന്ദ്ര  ഗ്രാമീണ വികസന വകുപ്പ് 2020,  ഏപ്രിൽ 1 മുതൽ  മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ വേതനം വർധിപ്പിച്ച്‌ ഉത്തരവായി.   ദേശീയ തലത്തിൽ ശരാശരി 20  രൂപയുടെ 

വർധനവാണ് ഉണ്ടാവുക. 

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി  വ്യക്തിഗത ഗുണഭോക്താക്കളെ ലക്ഷ്യം വച്ചു കൊണ്ടുള്ളതായിരിക്കണമെന്നും പ്രത്യേകിച്ച് പട്ടിക ജാതി, പട്ടിക വർ വിഭാഗത്തിൽ പെടുന്നവർ,  സ്ത്രീകൾ നയിക്കുന്ന കുടുംബങ്ങൾ,  ചെറിയ,  ഇടത്തരം കർഷകർ, മറ്റ് ദരിദ്ര ജനവിഭാഗങ്ങൾ എന്നിവർക്ക് നേരിട്ട് ഗുണം ലഭിക്കുന്നതായൊരിക്കണമെന്നും അറിയിക്കുന്നു. അതെ സമയം ലോക്ക് ഡൗണുമായി ബന്ധപ്പെട്ട നിർദ്ദേശങ്ങളൂം  സാമൂഹ്യ അകലവും   കൃത്യമായി പാലിക്കുന്നു എന്നും  ഉറപ്പു വരുത്താൻ സംസ്ഥാന-ജില്ലാ തല അധികാരികളുടെ സഹകരണം അത്യന്താപേക്ഷിതമാണെന്നും മന്ത്രാലയം അറിയിക്കുന്നു. 

വേതനവും അനുബന്ധമായി വരുന്ന ചിലവുകളുടെ കുടിശിക തീർക്കാനുമായി  കേന്ദ്ര ഗ്രാമീണ വികസന മന്ത്രാലയം  സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കും 4, 431 കോടി രൂപ ഈ ആഴ്ച അനുവദിച്ചു. 

 നടപ്പ് സാമ്പത്തിക വർഷത്തെ കുടിശിക തീർക്കാനാണിത്. ബാക്കിയുള്ള   കുടിശ്ശികക്കായുള്ള തുകയോടൊപ്പം 2020-21 വർഷത്തെ  ആദ്യ ഗഡുവും   2020, ഏപ്രിൽ 15 നകം അനുവദിക്കുമെന്നും മന്ത്രാലയം അറിയിച്ചു. 

RRTN/IE/SKY