57th International Film Festival of India 2026
20 – 28 Nov 2026

La plie pyrda ïa ka Indian Panorama 2026 ha ka Tamasa IFFI ba 57; La pynkup burom ïa ki Dkhot ka Kynhun Bishar

La Pynkup Burom ïa Ki Dkhot jong Ki Kynhun Bishar halor ka Jingnoh Synñiang jong ki ban jied ïa Ki Phlim kiba Pynpaw ïa ka Jingriewapah jong ka Kam Shna Phlim ha India.

Ha ka: 21 NOV 2026 3:31PMby PIB ShillongRelease ID: 2339813Views: 11

La ïoh ban plie pyrda itynnat ïa ka Indian Panorama 2026 hynne ka sngi ha ka Tamasa International Film Festival of India (IFFI) kaba 57 ha Panaji, Goa, ha kaba lah ïoh ruh ban pynkup burom ïa ki dkhot bakyrpang ka kynhun bishar na ka bynta ka jingnohsynñiang ka jong ki ha kaban jied ïa ki jait phlim jong mynta u snem.

Ïa kine ki dkhot la ïoh ban pynkupburom da u Shri Chanchal Kumar, u Secretary, ka tnat Ministry of Information and Broadcasting; u Shri G. Krishnakumar, u Chairperson, ka National Film Development Corporation (NFDC); bad u Shri Ashutosh Gowariker, u Festival Director.

Ynda la pynbna paidbah ïa kane ka jingplie pyrda ïa ka Indian Panorama 2026, u Shri Chanchal Kumar, Secretary, jong ka tnat Ministry of Information and Broadcasting, u la pynpaw ïa ka jingriewspah baitynnat jong ki Cinema ka India naduh ba la seng ïa ka. U la shem ba ka jingrakhe lehkmen ïa ki Cinema ka plie ïa ka lad kaba don jingmut ban ithuh ba kumno ki thaiñ baroh ha ka Ri ki nohsynñiang lyngba ki Ktien ba ki kren, ka kolshor ba kyrpang ka jong ki bad ki khana bapher bapher. Da kaba ai khublei ïa ki dkhot ka kynhun bishar na ka bynta ka jingtrei jong ki ha kaban jied janai ïa ki jait phlim, bad kumjuh ruh ïa ka Sorkar Goa bad ïa ka kynhun ba la pynïaid ïa kane tamasa, u la pynpaw ïa ka jingthmu babha ka jong u na ka bynta ka jingithuh ban ïaineh shiryta jong ki Cinema ka India ha ka pyrthei baroh kawei.

Haba ai jingkren ha ka jingïalang, u Shri G. Krishnakumar, u Chairperson, ka NFDC, u la pynphalang halor ka pateng ba neh jong ka Indian Panorama naduh ba la seng ïa ka ha u snem 1978 bad ka bynta ka jong ka ha kaban rakhe ïa ka jingriewspah ka Cinema ka India ha ki Ktien bad ki thaiñ bapher bapher. Da kaba kdew ïa ka Phangpdeng jong ka tamasa IFFI ba mynta u snem, Ki Khana Kibym Don Pud, u la pynskhem ïa ka jingkut jingmut jong ka tnat sha ka Cinema bad pynpaw jingsngewnguh ïa ka Sorkar Goa bad ka tnat Ministry of Information and Broadcasting na ka bynta ka jingïaibteng jong ki ban kyrshan na ka por sha ka por. U la pdiangburom sngewbha ruh ïa ki nongshnaphlim bad ki riewieit phlim kiba la shimbynta ha kane ka Tamasa.

Ha ka jingkren pdiang sngewbha ka jong u, u Festival Director Shri Ashutosh Gowariker u la kynmaw ïa ki por basdang jong ka IFFI bad pynphalang halor kumno ka Indian Panorama ka la nang kylladur ha kine ki phew snem ba la leit sha kawei na ki rynsan pyni bakongsan jong ka jingriewspah ka kolshor bad ka Cinema ka India. Haba kren ruh halor ka jingïohpdiang ïa ki jingjied bapher bapher jong ki phlim jong mynta u snem, u la pynpaw ba ka tamasa ka la ïohpdiang 762 tylli ki jait phlim kiba dei jong ka Thup ki Feature Films bad 358 tylli kiba dei na ka thup ki Non-Feature Films, kaba la pynpoi ïa ka jingdon jong baroh ki phlim ban kot sha ka 1,120 tylli, ha ki 18 tylli ki jait ktien. Ki jingjied bakhatduh ki dei ha ki 14 tylli ki Jait Ktien, kiba kynthup ïa ka Ktien Hindi, Marathi, Kannada, Tulu, Ladakhi, Kashmiri bad ka English, ha ryngkat ki web series.

Da kaba pynïadei ïa ka jingkren jong u bad ka Phangpdeng jong kane ka sienjam ba 57, Ki Khana Kibym Don Pud, u Shri Gowariker u la kyntu ïa ki nongshnaphlim, ki nongpynbit pynbiang bad ki nongïathuhkhana ba dang mih ba kin ïai bteng ban ïathuh ïa ki khana, ha kajuh ka por da kaba pynshlur ïa ki nongwanpeitkai ba kin peit shin bad ba kin bishar bha.

Ki Dkhot ka Kynhun Bishar jong ka Indian Panorama 2026

Ki Dkhot ka Kynhun Bishar jong ka thup Non-Feature Film ki kynthup ïa kine ki hynñiew ngut:

U Shri Himansu Sekhar Khatua (Documentary Filmmaker and Chairperson, Non-Feature Films Jury), U Shri Shankhajeet De (Documentary Filmmaker), Ka Ms. Ragini Sona (Film Producer), U Shri Shiv Sunny (Film Journalist), U Shri Dhanesh Yadhav T. R. (Film Editor), U Shri Abhijeet Dalvi (Filmmaker), bad Ka Ms. Aarti Patel (Producer and Media Professional).

Ki Dkhot ka Kynhun Bishar jong ka thup Feature Film pat ki kynthup ïa kine ki khatlai ngut:

U Shri Madhur Bhandarkar (Chairperson, Feature Films Jury), U Shri U. Ravindhar (Cinematographer), U Shri Soham P. Shah (Filmmaker), U Shri Rahul Bhole (Director, Writer and Editor), U Shri Oinam Gautam Singh (Filmmaker), U Shri Niladri Roy (Film Editor), U Shri M. S. Prabhu (Cinematographer), U Shri K. S. Sivaraman (Cinematographer), U Shri Jayanta Goswami (Director), Ka Ms. Bindu Chandramouli (Actress), Ka Ms. Bharathi Pradhan (Film Critic), U Dr. Ayash Arif (Veteran Actor and Writer), bad U Shri Arun Gongade (Animator).

Ki Phlim kiba la shah Jied ban Plie ïa ka Indian Panorama 2026

Hadien ka jingpynkupburom, la pynithuh bad pynkupburom sa ïa ki phlim kiba la shah jied ban plie ïa ka Indian Panorama 2026, hashuwa ban sdang ïa ki jingïapyni phlim ba nyngkong jong ki.

Ha ka thup Non-Feature, ka film Ladakh ba la ai kyrteng Becoming, ba la ring da ka Ms. Leena Yadav, la pynkupburom da u Shri G. Krishnakumar, ka Ms. Delilah Lobo bad u Shri Ashutosh Gowariker. Kaba pyni ïa ka jingïaidlynti ha ka jinglong mynsiem jong uwei u khynnah ha Ladakh uba la nang jam shakhmat jong ka por, ki jingkynmaw bad ki jingïaidlynti ha ka jingim. La pynithuh ïa kane ka phlim da ka nongring jong ka, ka Ms. Leena Yadav, kaba la kren halor ka phang jong ka kaba ïadei halor ka jingim shabar jong ki pud.

Ha ka thup ki Feature Films pat, ka phlim Dhurandhar, ba la ring da u Shri Aditya Dhar, la pynmihkhmat ha kane ka lympung da u tyngshop ba la paw u Shri Rakesh Bedi, uba la shah pynkup burom da i memento da u Shri Chanchal Kumar bad u Shri Ashutosh Gowariker. U Shri Bedi u la sam ïa ki jingshem jong u ha ka jingïatreilang bad u nongring phlim u Aditya Dhar bad ka jingpyni ïa u tyngshop jong u nongsyntiat uba kham phylla ha ka phlim.

La pynkut ïa kane ka sngi da ka jingplie ïa ki screenings jong baroh artylli ki thup, kaba pyni ïa ka jingsdang jong ka jingpyni ïa ka Indian Panorama ha ka tamasa IFFI 2026.

Pule ïa ka IFFILOID hangne: https://www.pib.gov.in/iffi/57/iffiLoid.aspx?yr=2026&lang=1&reg=48

* * *


Great films resonate through passionate voices. Share your love for cinema with #IFFI2026 and #StoriesWithoutBorders. Tag us @pibindia on Instagram and @PIB_India on X, and we will help amplify your festival moments!

For accredited journalists, critics, bloggers, and vloggers seeking 1-on-1 interviews with filmmakers and festival juries, write to us at:
iffi.mediadesk@pib.gov.in with the subject line: Take One with PIB.


Official Release ID: 2339813
•
Media Centre: Goa
•
Festival Dates: Nov 20 – 28, 2026