गोंय, 21 नोव्हेंबर 2026
57व्या भारतीय आंतरराष्ट्रीय चित्रपट महोत्सवांत (IFFI) आयज गोंयांतल्या पणजे शारांत ‘इंडियन पॅनोरमा 2026’ चें औपचारिक उक्तावण जालें. ह्या वर्साच्या अधिकृत चित्रपट निवड प्रक्रियेंत महत्त्वाचें योगदान दिल्ल्या फीचर आनी नॉन-फीचर चित्रपटांच्या परीक्षक मंडळांतल्या सदस्यांचो ह्या वेळार भोवमान केलो.
म्हायती आनी प्रसारण मंत्रालयाचे सचिव श्री. चंचल कुमार, राष्ट्रीय चित्रपट विकास महामंडळाचे (NFDC) अध्यक्ष श्री. जी. कृष्णकुमार आनी महोत्सवाचे संचालक श्री. आशुतोष गोवारीकर हाणी ज्युरी सदस्यांचो सत्कार केलो.
इंडियन पॅनोरमा 2026’ चें उक्तावण करतना, म्हायती आनी प्रसारण मंत्रालयाचे सचिव श्री. चंचल कुमार हांणी भारतीय चित्रपटसृष्टीच्या सुरवाती सावन आजमेरेनच्या उल्लेखनीय वैविध्यपूर्ण प्रवासाचेर उजवाड घालो. चित्रपटसृष्टीचो हो उत्सव देशातलो प्रत्येक वाठार कशा तरेन आपापल्यो विशिष्ट भाशा, संस्कृती आनी कथां वरवीं योगदान दिता, हे जाणून घेवपाची एक अर्थपूर्ण संदी उपलब्ध करून दिता, अशें तांणी नमूद केलें. परीक्षक मंडळाच्या सदस्यांनी विचारपूर्वक केल्ल्या चित्रपट निवडीखातीर, तशेंच ह्या महोत्सवाचें आयोजन केल्ल्या गोंय सरकाराक आनी महोत्सवाच्या पंगडाक परबी भोटोवन, भारतीय चित्रपटसृष्टीक संवसारीक पावडयाचेर अशीच निरंतर मान्यताय मेळत रावची, अश्यो शुभेच्छा तांणी उक्तायल्यो.

उपस्थितांक संबोधित करतना, राष्ट्रीय चित्रपट विकास महामंडळाचे (NFDC) अध्यक्ष श्री. जी. कृष्णकुमार हांणी 1978 वर्सा सुरू जाल्ल्या ‘इंडियन पॅनोरमा’च्या समृद्ध परंपरेचो आनी वेगवेगळयो भाशा आनी प्रदेशांतल्या, भारतीय चित्रपटसृष्टीच्या वैविध्याचो भोवमान करपाक ताच्या महत्त्वपूर्ण भूमिकेचेर उजवाड घालो. ह्या वर्साच्या इफ्फीची संकल्पना ‘शिमो विरयत कथा’ हाचो उल्लेख करत, चित्रपटसृष्टीप्रती मंत्रालयाची कटिबद्धता तांणी परत एक फावट अधोरेखित केली. तशेंच सेगीत सहकार्य केल्ल्याखातीर गोंय सरकाराचे आनी म्हायती आनी प्रसारण मंत्रालयाचे तांणी उपकार मानले. महोत्सवांत वाटेकार जाल्ल्या चित्रपट निर्मात्यांक आनी चित्रपट मोगीक तांणी मना काळजासावन येवकार दिलो.

महोत्सवाचे संचालक श्री. आशुतोष गोवारीकर हांणी आपल्या येवकाराच्या उलोवपांत, इफ्फी संबंधित आपल्या सुरवातीच्या यादींचो उगडास काडलो. तशेंच फाटली जायती दशकां ‘इंडियन पॅनोरमा’चो जाल्लो प्रवास आनी भारताच्या समृद्ध सांस्कृतिक आनी चित्रपटविषयक वैविध्याचें महत्त्वाचें व्यासपीठ म्हणून ताची जाल्ली वाटचाल, हाचेर तांणी उजवाड घालो. अंदूंच्या निवड प्रक्रियेक मेळिल्ल्या प्रतिसादाचेर भर दितना तांणी सांगलें, महोत्सवाखातीर 762 फीचर चित्रपट आनी 358 नॉन-फीचर चित्रपटांच्यो प्रवेशिका आयल्यो. अशा तरेन 18 भाशांनी एकूण 1,120 चित्रपटांच्या प्रवेशिका प्राप्त जाल्यो. निमण्या निवडींत हिंदी, मराठी, कन्नड, तुळू, लडाखी, काश्मिरी आनी इंग्लीश ह्या सारख्या एकूण 14 भाशांतल्या चित्रपटांचो, तशेंच वेब सिरीजांचो आस्पाव आसा.
_20261121153830_e1c7aa.jpeg)
57व्या इफ्फीच्या ‘शिमो विरयत कथा’ ह्या संकल्पनेकडेन आपले विचार जोडून, श्री. गोवारीकर हांणी चित्रपट निर्माते, तंत्रज्ञ आनी उदयोन्मुख कथाकारांक आपापल्यो कथा सेगीत मांडत रावपाचें आवाहन केलें. तशेंच प्रेक्षकांनी वेगवेगळ्या प्रकारचे चित्रपट पळोवचे आनी तांचें विचारपूर्वक परीक्षण करचें, असें आवाहनय तांणी केलें.
भारतीय पॅनोरमा 2026च्या परीक्षक मंडळातले (ज्यूरी) वांगडी
नॉन फिचर फिल्म जूरींत सात वांगडी आसात :
श्री. हिमांशू शेखर खटुआ (माहितीपट निर्माते आनी नॉन-फीचर चित्रपट परीक्षक मंडळाचे अध्यक्ष), श्री. शंखजीत डे (माहितीपट निर्माते), सुश्री रागिणी सोना (चित्रपट निर्माते), श्री. शिव सनी (चित्रपट पत्रकार), श्री. धनेश यादव टी. आर. (चित्रपट संपादक), श्री. अभिजीत दळवी (चित्रपट निर्माते) आनी सुश्री आरती पटेल (निर्माते आनी माध्यम क्षेत्रांत व्यावसायिक).
फीचर फिल्म जूरींत तेरा वांगडी आसात :
श्री. मधुर भांडारकर (फीचर चित्रपट परीक्षक मंडळाचे अध्यक्ष), श्री. यू. रविंदर (छायाचित्रकार), श्री. सोहम पी. शाह (चित्रपट निर्माते), श्री. राहुल भोळे (दिग्दर्शक, लेखक आनी संपादक), श्री. ओइनाम गौतम सिंह (चित्रपट निर्माते), श्री. नीलाद्री रॉय (चित्रपट संपादक), श्री. एम. एस. प्रभू (छायाचित्रकार), श्री. के. एस. शिवरामन (छायाचित्रकार), श्री. जयंत गोस्वामी (दिग्दर्शक), सुश्री बिंदू चंद्रमौळी (अभिनेत्री), सुश्री भारती प्रधान (चित्रपट समीक्षक), डॉ. अयाश आरिफ (जाण्टे अभिनेते आनी लेखक) आनी श्री. अरुण गोंगडे (अॅनिमेटर).
_20261121153911_c13037.jpeg)
भारतीय पॅनोरमा 2026 ची उक्तावण फिल्मां
भौमान सुवाळ्या उपरांत इंडियन पॅनोरमा 2026च्या उक्तावण चित्रपटांची वळख करून दिली आनी तांच्या उक्तावण प्रदर्शना आदीं तांचो भोवमान केलो.
नॉन-फीचर विभागांत, सुश्री लीना यादव दिग्दर्शित लडाखी चित्रपट ‘बिकमिंग’ (Becoming) हाचो श्री. जी. कृष्णकुमार, सुश्री डिलायला लोबो आनी श्री. आशुतोष गोवारीकर हांच्या हस्तुकी भोवमान केलो. काळ, यादी आनी अनेक जन्मांच्या पलीकडेन वचपी लडाखांतल्या एका ल्हान भुरग्याचो आध्यात्मिक प्रवास ह्या चित्रपटांत दाखयला. चित्रपटाची वळख करून दितना, चित्रपटाच्यो दिग्दर्शिका सुश्री लीना यादव हांणी सीमांच्या पलीकडलें जीवन ही चित्रपटाची मध्यवर्ती संकल्पना आशिल्ल्याचे सांगलें.
फीचर विभागांत, श्री. आदित्य धर दिग्दर्शित ‘धुरंधर’ ह्या चित्रपटाचें प्रतिनिधित्व ज्येष्ठ अभिनेते श्री. राकेश बेदी हांणी केलें. ह्या वेळार श्री. चंचल कुमार आनी श्री. आशुतोष गोवारीकर हांच्या हस्तुकी तांचो स्मृतिचिन्ह दिवन सत्कार केलो. चित्रपटाचे दिग्दर्शक आदित्य धर हांच्याबरोबर काम करपाचो अणभव आनी चित्रपटांत पारंपरिक चौकटीपरस वेगळी आशिल्ली गुप्तहेराची भूमिका साकारपाचो अणभव श्री. बेदी हांणी ह्या वेळार सांगलो.
दोनूय उक्तावण चित्रपटांच्या सादरीकरणान ह्या सुवाळ्याचो समारोप जालो आनी इफ्फी 2026तल्या भारतीय पॅनोरमा विभागाची सुरवात जाली.
Read IFFILOID here: https://www.pib.gov.in/iffi/57/iffiLoid.aspx?yr=2026&lang=1®=48
* * *
पीआयबी मुंबई | मनाली प्रभूगांवकर/मोनाली प्रभू/दर्शना राणे