57th International Film Festival of India 2026
20 – 28 Nov 2026

Ka jingïalang plie paidbah ïa ka bynta kaba hynriew jong ka Creative Minds of Tomorrow (CMOT) ha ka IFFI kaba 57

100 ngut ki samla kiba donsap ha ka kam thaw phlim na kylleng ka India kin ïashim bynta ha ka jingïakop shna phlim kaba 48 kynta, halor ka phangpdeng “Roots and Wings: Honouring our roots, Embracing our future”. Lane “Ki Tynrai bad Ki Thapniang: Ban Burom ïa la ki Tynrai bad Ban Pdiang ïa ka Lawei.”

U Secretary jong ka Tnad I&B, u Chanchal Kumar, u kyntu ïa ki samla nongshna phlim ba kin pynshong nongrim ïa ki kam thaw phlim jong ki ha la ki tynrai bad ka kolshor

Ha ka: 21 NOV 2026 2:39PMby PIB ShillongRelease ID: 2339644Views: 8

Ka bynta kaba hynriew jong ka Creative Minds of Tomorrow (CMOT), kaba dei kawei na ki sienjam jong ka Tnad Information and Broadcasting bad kaba pyntreikam lyngba ka National Film Development Corporation (NFDC), la plie paidbah mynta ka sngi ha Kala Academy, Goa, kum shi bynta jong ka International Film Festival kaba 57 jong ka India (IFFI).

Kane ka sienjam ka wanrah lang ïa 100 ngut ki samla kiba donsap ha ki kam thaw phlim na kylleng ka India, da kaba ai lad ïa ki ban ïa trei lang, ban pyni ïa ki sap jong ki bad Ban ïoh jingtip bad jingshemphang shaphang ka rukom treikam jong ka karkhana shna phlim.

Ha ka jingïalang plie paidbah la sakhi lang da u Chanchal Kumar, Secretary jong ka Tnad Information and Broadcasting, ryngkat bad u Prabhat, Additional Secretary jong ka Tnad Information and Broadcasting, u Loukik Parakh, Registrar jong ka FTII, u K. K. Nirala, Joint Secretary jong ka Tnad Information and Broadcasting, u G. Krishnakumar, Chairman jong ka NFDC bad u Gautam Bhanot, General Manager jong ka NFDC.

Haba ai jingkren ha ka jingïalang, u Chanchal Kumar, Secretary jong ka Tnad Information and Broadcasting, u la ong ba baroh ki samla kiba don bynta ha kane ka jingïakop ki dei kiba la dep pyni ïa ka jingtbit bad ka sap jong ki ha ka kam thaw phlim. U la ong ruh ba kane ka 48 kynta kan long ka kabu ksiar ïa ki ban pyni ïa la ki sap lyngba ka jingshna ïa kawei ka phlim.

U la pynpaw ba ki tynrai ki mih na ka kolshor, ka ktien ka thylliej bad ki jingshemphang ha ka jingim, katba ki jingangnud ki mih na ka bor pyrkhat, ka jingkwah tip bad ka jingshlur ban pyrshang ïa kaei kaei kaba thymmai. Da kaba sot ia ki jingkren jong u riewstad uba pawnam na France, u Joseph Joubert, u la pynpaw ba ka jingpyrkhat ka iarap ïa ngi ban don ki jingangnud, ka jingnang ban pyntbit ha ka kam ka plie lynti ïa kitei ki jingangnud, katba ki tynrai pat ki ai ïa ki jingïathuhkhana lyngba ki sur jong ki.

U la kyntu ïa ki nongïashim bynta ba kin shim nongrim na la ki tynrai haba thaw ïa ki jingïathuhkhana jong ki, khlem da buh pud ïa ka jingpynpoi sha ki paidbah. U la bynrap ba wat ka jingïathuhkhana kaba mih na kawei ka shnong rit ha India, lada la ïathuh ïa ka da ka jingshisha, ka lah ban ktah ïa ki dohnud jong ki nongpeit ha kylleng ka pyrthei.

U la pynskhem ruh ba ka kam shna phlim ka dei ka kam kaba donkam ïa ka jingïatreilang jong kiba bun, bad u la kyntu ïa baroh ba kin sngap bad burom ïa ka jingmut jong iwei pa iwei, ban don ka jingshaniah ha kiba ïa trei lang, ban pyrshang ïa kiei kiei kiba thymmai, ban nud ban shim ïa ki sienjam thymmai bad ban sngewtynnad ïa ka kam. Ha kaba pynkut, u la kyntu ïa ki, ba kin rah ïa la ka jinglong tynrai, ban ailad ïa ka jingpyrkhat jong ki ban her sha jrong bad ban pynpoi ïa ki jingïathuhkhana jong ki sha ka pyrthei.

Kawei na ki bynta kiba kongsan ha ka jingïalang plie paidbah ka long ka jingpynbna paidbah ïa ka jingïakop shna phlim kaba 48 kynta. U Secretary u la plie paidbah ïa ka jingïakop da kaba tied ïa ka clapperboard kaba la shna kyrpang, kaba pyni ïa ka jingsdang jong ka sien kaba hynriew jong kane ka jingïakop.

Ka kynhun kaba shim bynta ha kane ka snem 2026 ka kynthup ïa 100 ngut ki nongshim bynta kiba mihkhmat ïa ki 13 tylli ki bynta bapher bapher jong ka kam shna phlim, kiba kynthup ïa ka jingshna phlim, ka jingak, ka jingring dur, ka jingpynbeit bad pynbha, ka jingpynkylla ktien (subtitling), ka jingthoh ïa ka script, ka rwai bad ka siaw, ka jingthaw ïa ki sur jingrwai, ka jingrekod sur, ka jingpynkhreh ïa ki jaiñ phong, ka jingpynbhabriew, ka art direction, ka animation, ki visual effects (VFX), ka augmented reality (AR), ka virtual reality (VR), bad ka voice-over bad dubbing.

La pynlong ïa kane ka jingïakop da ka Film and Television Institute of India (FTII), Pune, ha ryngkat ka jingïatreilang bad ka NFDC. Ha kane ka jingïakop shna phlim kaba 48 kynta, ki nongshim bynta kin phiah ha ki 5 tylli ki kynhun bad kin ïa trei lang ban pynwandur ïa ki jingmut bad ban shna ïa ki phlim lyngkot hapoh jong ka por ba la buh, kata hapoh 48 kynta. Hadien ba la pyndep, yn pyni kyrpang ïa kine ki phlim ha ka IFFI bad yn bishar bniah ïa ki da ka kynhun ki nongbishar bad ki riewshemphang kiba pawkhmat ha ka kam shna phlim.

 

Ka CMOT Talent Camp kan pynïasoh shuh shuh ïa ki nongïashim bynta bad ki lad pathai bad ki kam pynbyrngia, da kaba ai lad ïa ki ban ïakynduh bad ki production houses, ki studio, ki music labels, ki OTT platforms, ki nongpynphriang lane ki braodcasters bad kiwei pat ki kynhun kiba don bynta ha kane ka kam.

Naduh ba la sdang ha u snem 2021, ka CMOT ka la long ka rynsan kaba pynïasoh ïa kito kiba don sap ha ka kam bad ki media bad entertainment. Ki katto katne kiba la shah hikai ha kane ka prokram ki la ïoh ïa ka lad ban trei ha ki phlim shabar ri bad ki la ïoh jingithuh ha ki tamasa bad ki rynsan ba paw kum ka Cannes, Berlinale, Toronto International Film Festival bad International Emmy Awards. Ha kawei pat ka jingmih ba paw na kane prokram ka long ba 18 ngut ki nongshim bynta ha ka edition kaba la dep ki la shah jied da ka Mukesh Chhabra Casting Company (MCCC), kaba long ka lad kaba kongsan ban pynshlur ïa ki ban sdang bad ban pynkylla ia ka sap jong ki sha ka kam shna phlim.

 


Great films resonate through passionate voices. Share your love for cinema with #IFFI2026 and #StoriesWithoutBorders. Tag us @pibindia on Instagram and @PIB_India on X, and we will help amplify your festival moments!

For accredited journalists, critics, bloggers, and vloggers seeking 1-on-1 interviews with filmmakers and festival juries, write to us at:
iffi.mediadesk@pib.gov.in with the subject line: Take One with PIB.


Official Release ID: 2339644
•
Media Centre: Goa
•
Festival Dates: Nov 20 – 28, 2026