৫৭শুবা ইন্তর্নেস্নেল ফিল্ম ফেস্তিবেল ওফ ইন্দিয়া (আই.এফ.এফ.আই.) অসি “স্তোরিজ ৱিথ আউৎ বোর্দরস” হায়বা থিমদা ২০২৬কী নবেম্বর ২০দগী ২৮ ফাওবা গোৱাদা পাংথোক্কদৌরিবা অসিনা ভারতকী সিনেমা অমসুং অখন্ননা শেম্বা মিসন লাইফ সেক্সন অসিবু গ্লোবেল সিনেমাতিক দাইলোগকী মরু ওইবা মফম অমা কনবা ঙমহল্লি। হায়রিবা য়ুম্বী অনী অসি পুনশিন্নবগী মরুওইবা পান্দমদি ভারতকী লোল অমসুং রিজনেগী ওইবা স্তোরীতেল্লিং দাইভর্সিতী অসিবু পালন তৌবগা লোয়ননা মতম অমত্তদা সিনেমাবু ইকোলোজিকেল ত্রান্সফোর্মেসন, মহৌশাগী থৌদাং অমসুং ময়েক শেংনা মীওইবদা মীৎয়েং থম্বদগী হেন্দোক্তুনা তুং কোইনা হিংমিন্নবগী থৌওং অমা এক্সপ্লোর তৌনবা কেতেলিস্ত অমা ওইনা শীজিন্নরি।
থৌরম অসিগী খুত্থাংদা, ফেস্তিবেল অসিনা ‘ক্রিএৎ ইন ইন্দিয়া ফোর দি ৱর্ল্দ’গী নেস্নেল ভিজন অসি মাংলোমদা পুখৎনবা, থোরক্লিবা ক্রিএতিব তেলেন্তশিংবু চাউখৎহন্নবা অমসুং মীওইবা খুন্নাইনা গ্রহা অসিগী অমসুং অমনা অমগীদমক অপুনবা থৌদাং খঙহন্নবা ইথিল পীনবা হোৎনরি।
ফেস্তিবেল অসিগী প্রোগ্রামিংগী ময়াইদা লৈরিবা অসি ইন্দিয়ন সিনেমানি, মসি আই.এফ.এফ.আই.গী খ্বাদিগী মরু ওইবা শরুক অমা মখা তানা ওইরি। লৈবাক অসিগী ফিল্ম-ফ্রেন্দলী পোলিসীশিং অমসুং ক্রিয়েতিব ইকোনোমীগী মপাঙ্গল হাপ্পা ইন্দিয়ন পেনোরামা সেক্সন অসিনা বেস্ত ৱেব সেরিজ (ও.তি.তি.) এৱার্দকীদমক্তা নোমিনেৎ তৌখিবা ফিচর ফিল্ম ৩০, নন-ফিচর ফিল্ম ২০ অমসুং ৱেব সেরিজ মঙা উৎলি।
ফিচর লাইন-অপ অসিদা মেনস্ত্রীম ফিল্ম মঙা, ইন্দিয়ন ফিচর ফিল্ম অমগী বেস্ত দেব্যুৎ দিরেক্তরগীদমক্তা লম্বা তৌরিবা ৱার্ক মঙা অমসুং ৱর্ল্দ, ইন্তর্নেস্নেল, এসিয়া, নৎত্রগা ভারতকী প্রিমিয়র তৌরিবা ন্যু হোরাইজন সেগমেন্তকী মখাদা খনগৎলবা তাইতলশিং য়াওরি।
কন্তরা: এ লেজেন্দ - চেপ্তর ১ (কন্নরা), পেরো - দি ওনতোল্দ স্তোরী ওফ ব্রাইদ স্লেভরী (হিন্দী), অমসুং দি কেরলা স্তোরী ২ গোস বিয়োন্দ (হিন্দী) য়াওনা ইন্তর্নেস্নেল কম্পিতিসনদা মরু ওইবা কম্পিতিতিব কেতেগোরীশিংদা ভারতকী এন্ত্রীশিংসু মপাঙ্গল কন্না লৈরি লোয়ননা বেস্ত দেব্যুৎ ফিচর ফিল্মগী কেতেগোরীদা বার্দস ওন আইস (লদাখী) অমসুং স্লেজ (কাশ্মিরী) য়াওরি অমসুং কবির সর কা আখ্রি লেসন (হিন্দী), প্লেয়র ৫ (তামিল), অমসুং সেভ মিচ্ছর (হিন্দী) না আই.সি.এফ.তি.-য়ুনেস্কো গান্ধী মেদলগীদমক লম্বা তৌনরি।
মসিগী মথক্তা, ফেস্তিবেল অসিনা ক্লাসিকশিং হায়বদি থুলাবরাম, সাধি মানসে, ৱাক্ত, কাশ্মির কী কালী অমসুং চৌরিংঘীগী সেন্তিনরী সেলেব্রেসন, ভক্ত কন্নাপ্পা অমসুং কাভি কাভীদা গোল্দন জুবিলী ত্রিব্যুৎশিং, অমসুং ভেতরনশিং ভারতীরাজ, কে. ভগ্নরাজ, অমসুং নানা পাতেকরদা অখন্নবা ইকাই খুম্নবা উৎপগী খুত্থাংদা ভারতকী ইনাক খুল্লবা সিনেমাতিক হেরিতেজপু ইকাই খুম্নরি, অমসুং ক্রিয়েতিব মাইন্দস ওফ তুমোরো (সি.এম.ও.তি.) গী তরুকশুবা এদিসনগী খুত্থাংদা ফিল্ম ক্রাফ্ত ১৩দা লৈরিবা নহা ওইরিবা প্রাক্তিসনর ১০০দা শক্তি পীবা য়াওরি।

নেস্নেল স্তোরীতেলিং পালন তৌরিবা অসিদা ইকোলোজিকেল শিফৎশিং, মীওইবা অমদি মীওইবা নত্তবগা লৈনরিবা মরীশিং, অমসুং তুং কোইনা হিংনবগী তঙাই ফদবশিং নৈনরিবা ইন্তর্নেস্নেল ফিল্ম মঙা পুথোক্লিবা দিদিকেতেদ মিসন লাইফ সেক্সন অসিনা মপুং ফাহল্লি।
সেলেক্সন অসিদা মাগী এসিয়া প্রিমিয়র তৌরিবা নেদরলেন্দস-স্পেনগী কো-প্রদক্সন অমা ওইরিবা মারিয়া মোলিনা পেরোগী লাইক এনি অদর মোর্তেল (কোমো তোদো মোর্তেল) কৌবা অসি য়াওরি, মসিদা দোক্যুমেন্তরী, ফ্লেমেনকো অমসুং সাইন্স ফিক্সিয়নবু পুনশিন্দুনা আন্দালুসিয়াদা লৈবা অরিবা মাইনগী অঙকপা মফমশিং অমসুং মার্সতা রোবোতিক এক্সপ্লোরেসনগী মরক্তা মান্নবশিং উৎলি।
ইক্বাদোর, চিলি, অমসুং জর্মনীদগী এসিয়া প্রিমিয়র তৌদুনা, ভেরেনিস বেনিতেজকী নুনকুই অসি মাইনিং কোর্পোরেসনশিংনা মহাক্কী পোক্নফম লমদমবু লৌশিল্লিকপনা মরম ওইদুনা অরিবা ইপা-ইপুনা থম্বিরম্বা ঈশৈশিং, ফোরেস্ত স্পিরিৎশিং, অমসুং ইকোলোজিকেল কিনশিপ্তগী মপাঙ্গল লৌরিবা এমাজনগী শুআর কম্ম্যুনিতীগী নহা ওইরিবা নুপীমচা অমগী মরমদা তাক্লি।
নেদর্লেন্দস অমসুং ইন্দোনেসিয়াদগী, সবাইন গ্রোইনেৱেগেনগী দি ক্লিয়রিংনা সুমাত্রাগী রেন ফোরেস্তশিংবু রবার প্লান্তেসনশিংদা কোলোনিএলগী মওংদা ওন্থোকপা অমসুং এক্সপ্লোইতেসন অমসুং রেজিস্তেন্সকী মতম শাংনা লৈরকখিবা লেগেসীশিং থেংননবা আর্কাইবেল অমসুং কন্তেম্পোররী ফুতেজ পুনশিন্দুনা ভারত্তা প্রিমিয়র তৌরি।

মিসন লাইফকী শক্তমদা মখা তানা মপাঙ্গল হাপচিনবা ওইনা লিওনার্দো পিরোনদিগী পোর্তুগল-ব্রাজিলগী এক্সপরিমেন্তেল সাই-ফাই ফিচর ত্রোপিকেল ফ্রেক্তেল্স (ফ্রেক্তাইস ত্রোপিকেস) অসি ইন্দিয়া প্রিমিয়র ওইনা উৎলি, মসিনা মাং তাক্লবা গ্রহা অমদা মথন্তা ঙাইহৌরবা মীশক অমনা কোইনা চৎতুনা ফগৎহল্লকপা উৎলিবা স্পেস-ফেরিং সাইন্তিস্তশিং অমসুং আর্তিফিসিএল ইন্তেলিজেন্স সিস্তেম অমনা পৃথীবিগী অরোইবা হিংদুনা লৈহৌরিবা শরুকশিংবু নৈনরি।
সেক্সন অসিগী অরোইবা ওইনা শক্নাইরবা কম্বোদিয়ন-ফ্রেঞ্চ ফিল্মমেকর রিতী পানহসকী ৱি আর দি ফ্রুতস ওফ দি ফোরেস্ত (নোস সোমস লেস ফ্রুতস দে লা ফোরেস্ত) কৌবা ইন্দিয়া প্রিমিয়র দোক্যুমেন্তরী অমনা কম্বোদিয়াগী অরাপ্পা চীংগী লমশিংদা লৈবা ইন্দিজিনস বুনোং কম্ম্যুনিতীবু মখোয়না মখোয়গী মপুং ওইবা চৎনবীশিং অমসুং লৈহাও চেনবা লমশিং অসি কোর্পোরেত এনক্রোচমেন্ত অমসুং ক্লাইমেৎনা থোকহনবা লৌউ-শিংউগী অকাইবশিংদগী ঙাকথোক্নবা হোৎনরিবা অদু কুপ্না শন্দোক্না তাক্লি।
৫৭শুবা আই.এফ.এফ.আই.না ভারতকী মতম শাংনা লৈরক্লবা স্তোরীতেলিংগী চৎনবীশিং অসি অকোয়বগী ফিভম য়েংশিনবগী মতাংদা মালেমগী ওইবা ৱারী শানবগী তঙাইফদবা অদুগা পুনশিন্দুনা ঙমখৈ লান্না কলচরশিং পুনশিনবগী সিনেমাগী শক্তি অদু অমুক হন্না উৎলি।
* * *