57th International Film Festival of India 2026
20 – 28 Nov 2026

Ka 57th International Film Festival of India (IFFI) ka pyni ia ka jingriewspah jong ki kam shna phlim jong ka Indiaryngkat bad ka 'Mission Life'

Ha ka: 18 NOV 2026 2:34PMby PIB ShillongRelease ID: 2338202Views: 10

Ϊa ka 57th International Film Festival of India (IFFI), la buh ban long ha Goa naduh ka 20 tarik haduh ka 28 tarik u Naiwieng 2026 halor ka phangpdeng "Stories Without Borders", kaba la buh ϊa ki kam shna phlim jong ka India bad ϊa ka Mission Life hakhmat jong ki kam shna phlim ha ka pyrthei. Ka jingthmu ba kongsan ha ka ban wanrahlang hajuh ϊa kine ki artylli ki rishot ka long ban rakhe ϊa ka jingϊapher jong ka ktien ka thylliej bad ki jingϊathuhkhana jong ki thaiñ bapher bapher jong ka India katba ha kajuh ka por da kaba pyndonkam ϊa ki ϊing pyni phlim kum ka lad ban wadbñiah ϊa ki jingkylla jong ka mariang, ka bor treikam jong ka mariang bad ka jingϊalong ryngkat kaba neh palat ϊa ka bor sngewthuh jong u briew.

Lyngba kane ka jingwanrahlang hajuh, ka tamasa ka wadlad ban pynϊaid shakhmat ϊa ka thong jong ka ri kata ‘Create in India for the World’, ban pynroi ϊa ka sap ka phong, bad ai mynsiem ϊa ki nongpeitkai ban pynpaw ϊa ka jingkitkhliehlang jong ka jingsngew parabriew na ka bynta ka pyrthei bad iwei ϊa iwei pat.

Ka pdeng jong ka prokram ha kane ka tamasa ka dei ka kam shna phlim jong ka India,kaba ϊaibteng ban shakri kum u klongsnam uba tied jong ka IFFI. Haba pynpaw ϊa ki mat treikam ba ϊadei bad ki kam shna phlim jong ka ri bad ϊa ka ϊoh ka kot ba im, ka bynta jong ka Indian Panorama kala pyni ϊa ka jingpyninam jong ki 30 tylli ki phlim, 20 tylli ki non-feature phlim bad san tylli ki web series ne ki phlim ba ju pyni hapoh ka internet kila shah jied na ka bynta ka khusnam Best Web Series (OTT) Award.

Kane ka jingjied ka kynthup ϊa ki san tylli ki phlim ba khampaw, san tylli ki jingtrei ki ban ϊakhun na ka bynta ka khusnam Best Debut Director jong ka Indian Feature Film bad ki khusnam bala jied hapoh jong ka New Horizon na ka bynta ka jingpyni nyngkong ϊa ki ha ka pyrthei, ha Asia, lane ha India.

Ka jingϊashim bynta jong ki nong India ka pyni ϊa ka jingdon kaba khlaiñ ha ki ba bun ki kyrdan ϊakhun kiba kham heh, kynthup ϊa ka Kantara: A Legend – Chapter 1 (Kannada), ka Paro – The Untold Story of Bride Slavery (Hindi), bad ka The Kerala Story 2 Goes Beyond (Hindi) ha ka jingϊakhun hapdeng ki ri ka pyrthei, ryngkatlang bad ka phlim Birds on Ice (Ladakhi) bad ka Sledge (Kashmiri) ha ka kyrdan Best Debut Feature Film, bad ka phlim Kabir Sir ka Akhri Lesson (Hindi), Player 5 (Tamil), bad ka phlim Sev Micchar (Hindi) kiba ϊakhun na ka bynta ka ICFT–UNESCO Gandhi Medal.

Shuh shuh, kane ka tamasa ka ai burom ϊa ka jingriewspah jong ka kam shna phlim tynrai jong ka India lyngba ka jingrakhe dap shispah snem jong ki phlim ba rim kum ka phlim Thulabharam, ka Sadhi Manase, ka Waqt, ka Kashmir Ki Kali, bad ka phlim Chowringhee, ka ai burom ruh ϊa ka jingdap sanphew snem jong ka phlim Bhakta Kannappa bad ka phlim Kabhi Kabhie, bad ka jingkynmaw burom kyrpang ϊa ki briew kiba la nohsynniang sha ka kam shna phlim kata ϊa u Bharathiraja, u K. Bhagyaraj, bad ϊa u Nana Patekar, bad la pynkupbor ruh ϊa ki 100 ngut ki samla kiba dang pyrshang ha ki kam shna phlim jong ki 13 tylli ki phlim lyngba ka bynta ba hynriew jong ka Creative Minds of Tomorrow (CMOT).

Haba kren halor kane ka jingrakhe jong ka jingϊathuhkhana jong ka ri ka dei ka jinglenlade jong ka Mission Life, kaba la jied san tylli ki phlim jong ki ri ha ka pyrthei ban bishar bñiah ϊa ki jingkylla ha ka jinglong jong ka mariang, ka jingϊadei hapdeng u briew bad ki jingdon jingem ha ka mariang, bad ϊa ka jingdonkam kyrkieh ban pyrkhat biang sa shisien ϊa ka rukom im ka bynm don jingktah ϊa ka mariang.

Ka jingjied ka kynthup ϊa ka phlim María Molina Peiró’s Like Any Other Mortal (Como Todo Mortal),bala pynmih lang da ka ri Netherlands bad ka ri Spain, kaba pynlong ϊa ka ka phlim ban pyni nyngkong eh hapoh dewbah Asia kaba khleh lang ϊa ka documentary, ka flamenco, bad ka jingstad science ban wanrah ϊa ka jingϊasyrϊem hapdeng ki dak ki shin jong ka jingtih ϊa ki marpoh khyndew ha ka por hyndai bad ka jingwadbñiah sha u Mars lyngba ka jingpyndonkam ϊa ki robot.

Ka phlim Nunkui jong ka Verenice Benetez kaba dei shaphang kawei ka khynnah kynthei kaba na ka shnong Shuar ha Amazon kaba la ϊoh bor na ki jingrwai jong ki longshwa manshwa, ki mynsiem jong ki khlaw ki btap, bad na ka jingϊadei ba ϊajan bad ka mariang katba ki kynhun tih marpoh khyndew kila sdang ban wanpoi hapoh ka shnong jong ka, ϊa kaba la pyni nyngkong ha Asia na Ecuador, Chile, bad na Germany.

Na ka ri Netherlands bad Indonesia,ka phlim The Clearing jong ka Sabine Groenewegen kaba la pyni nyngkong ha India da kaba pynϊasoh lang ϊa ki jingtip ba la lum naduh ki por barim bad ki dur kiba mynta ban ϊaleh pyrshah ϊa ki jingpynkylla ϊa ki khlaw jong ka Sumatra ba la wanrah ha ka por ba synshar ki phareng sha ki jaka rep diengjri bad ϊa ka jingϊaishah ϊa ki jingshah lehbeiñ bad jingshahϊuhroit.

Shuh shuh kaba pynriewspah ϊa ka Mission Life ka dei ka phlim jong u Leonardo Pirondi, ka Tropical Fractals (Fractais Tropicais) Portugal–Brazil, ba la pyni halor ka jingstad saian, kaba la pyni nyngkong ha India, ha kaba la pyni ϊa ka jingϊaid lynti jong ki stad saian hapoh ka haw haw bad ϊa ka jingpyndonkam ϊa ka artificial intelligence ha ka ban pule bñiah ϊa ki jingϊaid lynti ba khatduh jong ka pyrthei ba la julor kaba la sdang ban bha biang pat.

Ha kaba kut , ka documentary We Are The Fruits of the Forest (Nous Sommes les Fruits de la Foret) jong u nongshna phlim bapaw, u Rithy Panh uba dei u Cambodian-French, ba la pyni nyngkong ha India kaba pyni ϊa ki jaitbynriew Bunong ha Cambodia kaba don ha ki thaiñ bakyndong jong ki lum kiba dang ϊaleh ban ϊada ϊa ki tynrai jong ki longshwa manshwa jong ki bad ϊada ϊa ki jak aba seisoh jong ki na ka jingshah pynjulor ha ki katto katne ki kynhun bad ka jingkylla jong ka jinglong jong ka suiñbneng kaba la ktah ϊa ka rep ka riang.

Ka 57th IFFI kala wanrah lang hajuh ϊa ki jingϊathuhkhana tynrai jong ka India kiba naduh ki por barim bad ki jingϊakren ba kyrkieh jong ka pyrthei halor ka ka bor jinglong nongkhmih ϊa ka mariang, ka jingpynskhembiang ϊa ka bor jong ki kam shna phlim ha ka ban pynϊatylli ϊa ki kolshor ha kylleng ki khappud. 

* * *


Great films resonate through passionate voices. Share your love for cinema with #IFFI2026 and #StoriesWithoutBorders. Tag us @pibindia on Instagram and @PIB_India on X, and we will help amplify your festival moments!

For accredited journalists, critics, bloggers, and vloggers seeking 1-on-1 interviews with filmmakers and festival juries, write to us at:
iffi.mediadesk@pib.gov.in with the subject line: Take One with PIB.


Official Release ID: 2338202
•
Media Centre: Goa
•
Festival Dates: Nov 20 – 28, 2026