ভারত সরকারগী ইনফোর্মেসন অমসুং ব্রোদকাস্তিং মন্ত্রালয়না ফিল্ম অমসুং মরী লৈনবা হীরমদা থবক তৌরিবা স্তার্তপশিংনা ইন্তর্নেস্নেল ফিল্ম ফেস্তিবেল ওফ ইন্দিয়া, গোৱা ২০২৬কী মনুংদা পাংথোক্কদৌরিবা দব্লিয়ু.এ.ভি.ই.এস. বাজারগী ৱেব-এক্স স্তার্তঅপ পেভিলিয়ন্দা শরুক য়ারনবা পাউজেল পীখ্রে।
খোঙথাং অসিনা ইনোভেতিব স্তার্তপশিংদা মখোয়গী প্রদক্ত, তেক্নোলোজী উৎনবা অমসুং লৈবাক অমদি মালেমগী ফিলম অমসুং মীদিয়াগী ইন্দস্ত্রীশিংদা সোল্যুসন পীনবা মরু ওইবা ফম্বাক অমা পীরি। মসিনা খুৎশম্নবা, ইন্দস্ত্রীগা পুনবা অমসুং ফিল্মমেকর, প্রদক্সন হাউস, গ্লোবেল ক্রিএতিব ইকোসীস্তেমগী ইনভেস্তরশিংগা তেংবাংনবা য়াবগী খুদোংচাবা অমা পীগনি।
ফিল্ম অমসুং মরী লৈনবা হীরমদা থবক তৌরিবা দি.পি.আই.আই.তি. দা রেজিস্তর তৌরবা স্তার্তঅপশিংনা থৌরম অসিদা শরুক য়াবা য়াগনি। মতিক চারবা স্তার্তপশিংবু ৱেব-এক্সনা শেম্বা সেলেক্সন কমিতী অমনা পাংথোকপা স্ক্রীনিং অমসুং ইভালুএত তৌবগী থবক্কী খুত্থাংদা খনগনি।
মসিদা শরুক য়ানিংবা অমসুং মতিক চারবা স্তার্তপশিংনা চে থাজিল্লক্তুনা মখোয়গী ইনোবেসনশিংবু মালেমগী ফম্বাক্তা উৎপগী খুদোংচাবা লৌহৌনবা পাউদম অমা থম্লি।
রেজিস্ত্রেসন ফোর্ম অমসুং অহেনবা ই-পাউ অসি মসিদা ফংবীগনি:
wavex.wavesbazaar.com
Wavex-mib [at]gov[dot]in অসিদা ৱাহং হংবশু য়াগনি।
আই.এফ.এফ.আই. গোৱাগী মতাংদা
ইং ১৯৫২দগী হৌখিবা ইন্তর্নেস্নেল ফিল্ম ফেস্তিবেল ওফ ইন্দিয়া (আই.এফ.এফ.আই.) অসি এসিয়াগী মরু ওইবা ফিল্ম ফেস্তিবেলশিংগী মনুংদা অমা ওইরিবনি অমসুং ৱর্ল্দ সিনেমাগী ফজববু শিংথানরিবনি অমসুং ভারত অমসুং মালেম পুম্বগী ফিল্মমেকর, আর্তিস্ত, প্রদ্যুসর অমসুং সিনেমাবু পামজবা মীপুম খুদিংমক্কী ফম্বাক অমা পীরি। চহি খুদিংগী গোৱাদা পাংথোকপা আই.এফ.এফ.আই.না মালেমগী ফিল্ম ফ্রেতর্নিতীবু অমত্তা ওইনা পুনশিন্দুনা মখল কয়াগী সিনেমা উৎলি, ক্রিএতিব এক্সচেঞ্জ তৌহল্লি অমসুং সিনেমাগী লমদা মালেমগী থাক্তা তেংবাংনববু খুমাং চাউশিলহল্লি।
ৱেব-এক্সকী মতাংদা
ৱেব-এক্স (দব্লিয়ু.এ.ভি.ই.এস. স্তার্তঅপ এক্সলরেতর) অসি স্তার্তঅপ এক্সলরেতর অমনি অমসুং ইন্নোবেসন, ওন্ত্রাপ্রিনর্শিপ অমসুং মসিদি ভারত সরকারগী ইনফোর্মেসন অমসুং ব্রোদকাস্তিং মন্ত্রালয়গী মীদিয়া অমদি ইন্তর্তেনমেন্ত সেক্তরদা মচিন তুমখৎলক্লিবা তেলেন্তশিং য়োকখৎনবা খোঙফম চেৎলবা ইনক্যুবেসন ইনিসিএতিব অমনি। মসিনা এনিমেসন, ভিজুএল ইফেক্ত, গেমিং, কোমিক্স, এক্সতেন্দেদ রিএলিতী (এ.ভি.জি.সি.-এক্স.আর.) অমসুং মীদিয়া তেক্নোলোজীজকুম্বা লমদা থবক তৌরিবা স্তার্তঅপশিংদা মতেং পাংনবা মিৎয়েং থম্লি।
****