উপ-রাস্ত্রপতিনা নই দিল্লীদা পাংথোকপা ভারত রিন্যুএবল ইনর্জী সম্মিৎ এন্দ এক্সপো ২০২৬কী লোইশিনবগী মীফমদা ৱা ঙাংখ্রে

ভারতকী উপ-রাস্ত্রপতি, শ্রী সি. পি. রাধাকৃষ্ণন্না ঙসি হায়খি মদুদি রিন্যুএবল ইনর্জীদা ভারতনা চাউনা খুমাং চাউশিল্লকপা অসিনা উৎলি মদুদি অকোইবগী ফিভমগীদমক লৌরিবা থৌদাংশিং অসি শেন্মিৎলোনগী চাউখৎপদা অথিংবা অমা নত্তে অদুবু লৈবাক অসিগী চাউখৎপগী খোঙচৎকী কেতলিস্ত অমনি।

নই দিল্লীগী ভারত মন্দপমদা পাংথোকপা ভারত রিন্যুএবল ইনর্জী সম্মিৎ ‌এন্দ এক্সপো ২০২৬কী লোইশিনবগী মীফমদা ৱা ঙাংলদুনা উপ-রাস্ত্রপতিনা রিন্যুএবল ইনর্জী সেক্তরদা ভারতনা ফংলিবা মাইপাকপশিং, সস্তেনেবল দিবেলপমেন্তকী মায়কৈদা ভারতনা লৌরিবা অচেৎপা ফিরেপ অমসুং লৈবাক শিনবা থুংনা লৈরিবা ইমুংশিং, লৌমীশিং অমসুং কম্ম্যুনিতীশিংবু মপাঙ্গল কনখৎহনবদা ক্লিন ইনর্জীগী ত্রান্সফোর্মেতিব ওইবা থৌদাং অদু পনখি।

ভারতকী চাউরাকপা চাউখৎলক্লিবা লৈবাক অমনা ফোসিল ফ্যুএলশিংদা মখা পোনবা হন্থহন্দুনা খোঙজেল য়াংনা শেন্মিৎলোন চাউখৎপা ঙম্বরা হায়বগী চীংনবশিং অদু নৌহৌননা নীংশিংলদুনা উপ-রাস্ত্রপতিনা হায়খি মদুদি ভারতনা মসিগী চীংনবশিং অসিগী পাউখুম অসি মসিগী মাগী পাকপাশিংগী খুত্থাংদা পীখ্রে।

মহাক্না হায়খি মদুদি ভারতকী নন-ফোসিল ফ্যুএলদা য়ুম্ফম ওইবা ইনস্তোল তৌরবা কেপাসিতীনা গিগাৱাৎ ৩০০ হেনখ্রে অমসুং লৈবাক অসিনা ২০২৫দা, মাংজৌননা চহী মঙাগী মমাংদা, নন-ফোসিল ফ্যুএল সোর্সশিংদগী ইলেক্ত্রিসিতীগী ইনস্তোল তৌরবা কেপাসিতীগী চাদা ৫০ ফংখ্রে, সোলর পৱার কেপাসিতী অসি চহি তরাগী মনুংদা গিগাৱাৎ ৩দগী গিগাৱাৎ ১৭০ হেনখ্রে হায়না মহাক্না ফোংদোকখি।

মতম অমদা কোইলাদা য়ুম্ফম ওইবা ইলেক্ত্রিসিতীদগী শরুক কয়া হেন্না মমল তাংবা সোলর পাৱর অসি হৌজিক্তি ভারতকী খ্বাইদগী মমল হোংবা ইলেক্ত্রিসিতীগী সোর্সশিংগী মরক্তা অমা ওইরে হায়না পল্লদুনা মহাক্না হায়খি মদুদি মসিগী ত্রান্সফোর্মেসন অসিনা অফবা পোলিসীশিং, প্রাইবেৎ এন্তর্প্রাইজ অমসুং রাজ্যশিং অমসুং নাগরিকশিংগী পুন্না হোৎনরিবশিং উৎলি।

ভারতনা হায়দ্রোজেন ইনর্জীদা চাউখৎপা উবা ফংলি হায়না উপ-রাস্ত্রপতিনা ফোংদোকখি। সাইন্স অমসুং তেক্নোলোজীগী খুমাং চাউশিল্লকপনা হায়দ্রোজেন ইনর্জী অসি লাক্কদৌরিবা চহিশিংদা হেন্না হোংবা ওইহনগনি হায়না মহাক্না থাজবা ফোংদোকখি। মহাক্না হায়খি মদুদি ভারতকী রিন্যুএবল ইনর্জী ত্রান্সফোর্মেসন অসি লৈবাক অসিগীদমক্তা খক্তদা নত্তনা গ্লোবেল সাউথকীদমক্তসু মোদেল অমনি।

হৌখিবা চহী তরা অসিদা ফংখিবা খুমাং চাউশিনবা অসিনা প্রধান মন্ত্রী শ্রী নরেন্দ্র মোদীগী মীৎয়েং অদু ময়েক শেংলে হায়না উপ-রাস্ত্রপতিনা ফোংদোকখি। মহাক্না হায়খি মদুদি অকোইবগী ফিভমগীদমক লৌরিবা থৌদাংশিং অসি চাউখৎপগী মরম অমা ওইরি। মসিনা ইনর্জী হেন্না ফংহনবা, ইন্দস্ত্রিএল কোস্ত হন্থহনবা, থবক ফংহন্নবা খুদোংচাবশিং ফংহনবা অমসুং ইম্পোর্তকী মখা পোনবা হন্থহনগনি। ইন্দস্ত্রী অমসুং একাদেমিয়াগী মরক্তা মপাঙ্গল কনখৎহন্নবা মহাক্না হায়খি, “২০৪০গী তেক্নোলোজীশিং অসি ঙসিগী লেবোরেতরীশিং অমসুং স্তার্ত-অপশিংদগী লাক্কনি” মসিদা মহাক্না রিসর্চ, ইন্নোবেসন অমসুং ওন্ত্রপ্রিন্যুওরশিপকী মরুওইবা অদু ফোংদোকখি।

উপ-রাস্ত্রপতিনা হায়খি মদুদি ইমুং লাখ ৬৫ হেনবনা পি.এম. সুর্য় ঘর মুফ্ত বিজলী য়োজনাগী মখাদা সোলর মুভমেন্ততা য়াওখ্রে অমসুং মমল হোংবা ক্লিন ইনর্জী ফংহল্লে। মহাক্না মখা তানা হায়খি মদুদি পি.এম.-কুসুমগী মখাদা লৌমী লাখ ৩০ রোমনা কান্নবা ফংখ্রে। সোলর পম্পশিংনা লৌমীশিংদা দিজলগী মমল হন্থহনবদা মতেং পাংলি, অহেনবা শেন্থোক ফংহল্লি অমসুং উর্জাদাতা, মৈ অমসুং চিঞ্জাক পীবা মীওইশিং ওইহল্লি।

উপ-রাস্ত্রপতিনা হায়খি মদুদি পি.এম.-জনমান অমসুং ধর্তি আবা জনজাতিয়া গ্রাম উতকার্শ অভিয়ানগী মখাদা পায়খৎলিবা খোঙথাংশিং অসিনা মহৌশানা গ্রিদ কনেক্তিবিতী লৈতবা মনুং হঞ্জিনবা ত্রাইবেলগী মফমশিংদা মৈ ফংহনবগী থবক পায়খৎলি। মহাক্না হায়খি মদুদি ইলেক্ত্রিসিতী ফংহনবা অসিনা মহৈ-মশিং, হকশেল, কম্ম্যুনিকেসন অমসুং পুন্সি মহিংদা খুদোংচাবশিং হেনগৎহন্দুনা পুন্সিদা অহোংবা পুরকই। মহাক্না হায়খি মদুদি ইনর্জী সোলুসনশিংনা শহরশিং, খুঙ্গংশিং অমসুং মনুং হঞ্জিনবা মফমশিংদা লৈরিবা মীওইশিংগী অখন্নবা মথৌ তাবশিং কোকহনগদবনি।

প্রধান মন্ত্রীনা ৱাখল শাগৎখিবগী মতুং ইন্না রিন্যুএবল ইনর্জী ত্রাঞ্জিসন অসি জন অন্দোলন অমনি হায়না শন্দোক্না তাক্লদুনা উপ-রাস্ত্রপতিনা হায়খি মদুদি অসিগুম্বা খোংজং অসি সরকার খক্তনা চংশিনবা ঙম্লোই। মহাক্না ওজাশিং, মহৈরোইশিং, ‌ওন্ত্রপ্রিন্যুওরশিং অমসুং নাগরিকশিংগী এক্তিব ওইবা শরুক য়াবগী তঙাইফদবা থমখি। মহাক্না হায়খি মদুদি খোংজং অসিদা মীয়ামনা শরুক য়াবনা রিন্যুএবল ইনর্জী শীজিন্নবদা খোংজেল য়াংশিলহনবতা নত্তনা অনৌবা শেন্মিৎলোনগী খুদোংচাবশিংসু শেমগনি, পুন্সি মহিং শেমগনি অমসুং য়ুমথোংগী চাউখৎপা হেনগৎহনগনি।

মিসন লাইফতা য়ুম্ফম ওইদুনা, উপ-রাস্ত্রপতিনা ইনর্জী কন্নবা থৌওংশিং, ৱাখল লৈনা শীজিন্নবা অমসুং থৌদাং লৈনা দিস্পোজেল তৌনবগী হায়খি। মহাক্না পনখি মদুদি অপীকপা ইন্দিভিজুএল এক্সন বিল্লিয়ন অমনা অনৌবা পাৱর প্লান্ত অমা ওইনা সস্তেনেবিলিতীদা য়াম্না চাউনা মতেং পাংবা ঙম্মি।

লাক্কদৌরিবা চহী তরা অসি মালেমগী ক্লাইমেৎকী পান্দমশিং ফংনবগীদমক য়াম্না মরু ওইগনি হায়না উপ-রাস্ত্রপতিনা ফোংদোকখি। মহাক্না ২০৪৭ ফাওবদা ভারতকী 'ভিক্সিৎ ভারত' অমসুং ২০৭০ ফাওবদা নেৎ জিরো ইমিসন'গী পান্দম অদু অমুক হন্না ফোংদোকখি। ২০৭০ ফাওবদা ভারতকী ইলেক্ত্রিসিতীগী দিমান্দ অসি শরুক তরেৎ হেনগৎলকপা য়াই হায়না মহাক্না পনখি। অকোইবগী ফিভম ঙাকপগা লোয়ননা ক্লিন, থাজবা য়াবা অমসুং শেল চঙদবা পাৱরগী খুত্থাংদা হেনগৎলক্লিবা ইনর্জীগী মথৌ তাবশিং ফংহন্নবা মহাক্না অকনবা ৱাফম থমখি।

মীফম অদুদা শরুক য়ারিবশিংদা মীফম অদুগী ৱারোলশিং অদু থবক ওইনা পাংথোক্নবা তকশিনখি। মহাক্না মালেমগী ওইবা মতেং পীননবা হায়খি, “করিগুম্বা মালেম অসি নুমিৎনা মঙাল পীগদবা ওইরবদি, পুন্না থবক তৌমিন্নরিবা খুৎশিংনা মঙাল পীগদবনি”।

থৌরম অদুদা উপ-রাস্ত্রপতিনা খ্বাইদগী ফবা থবকশিং পাংথোক্লিবা রাজ্যশিং, সরকারগী দিপার্তমেন্তশিং, ভেন্দরশিং, ব্রান্দ ওনরশিং অমসুং পব্লিক সেক্তর বেঙ্কশিংদা রিন্যুএবল ইনর্জীদা এক্সিলেন্স এৱার্দশিং অমসুং পি.এম. সুর্য় ঘর এৱার্দশিং পীখি।

ন্যু অমসুং রিন্যুএবল ইনর্জীগী কেন্দ্রগী মন্ত্রী, শ্রী প্রলহাদ জোশী; ন্যু অমসুং রিন্যুএবল ইনর্জীগী রাজ্য মন্ত্রী, শ্রী শ্রীপদ য়েসো নাইক; ভারত সরকারগী প্রিন্সিপাল সাইন্তিফিক এদভাইজর, দোক্তর. অজয় কুমার সুদ; অমসুং ন্যু অমসুং রিন্যুএবল ইনর্জী মন্ত্রালয়গী সেক্রেতরী শ্রী সন্তোশ কুমার সরঙ্গিসু থৌরম অদুদা শরুক য়াখি। মপাং ওইবা লৈবাকশিংগী মীহুৎশিং, পোলিসী মেকরশিং, ইনভেস্তরশিং, ইন্দস্ত্রীগী লুচিংবশিং, নোলেজ পার্তনরশিং, একজিবিতরশিং অমসুং অতোপ্পা দেলিগেৎশিংসু সম্মিৎ অসিদা শরুক য়াখি।

***