থাগৎখিবা:
05 NOV 2026 10:22AM by PIB Imphal
খুঙ্গংগী চাওখৎ-থৌরাং বিভাগ (দি.ও.আর.দি.), খুঙ্গংগী চাওখৎ-থৌরাং মন্ত্রালয়, অমসুং এনিমেল হজবেন্দরি অমসুং দাইরি বিভাগ (দি.এ.ঐচ.দি.), ফিসরিজ, এনিমেল হজবেন্দরি অমসুং দাইরিগী মন্ত্রালয়না পুন্না রাজ্য অমসুং য়ুনিয়ন তেরিতোরি পুম্নমক্ত বিকসিত ভারত–রোজগর অমসুং গরেন্তিগী মখাদা কনভরজেন্সকি খুত্থাংদা ফোরদর সেক্যুরিতি, পেস্ত্যোর দিবেলপমেন্ত অমসুং লাইবস্তোক-সপোর্তিব ইনফ্রাস্ত্রকচর মপাঙ্গল কনখৎহন্নবা এদভাইজরি অমা থোকখ্রেঃ অজিবিকা মিসন (গ্রামিন): ভি.বি.–জি রেম জি এক্ত, ২০২৫।
ইনিসিয়েতিব অসিনা শন-ঈরোয়শিংগী অৱাত্পা অসি কোকহন্নবা, শা-শন লোয়বগা মরি লৈনবা ইনফ্রাস্ত্রকচরশিং মপাঙ্গল কনখৎহন্নবা অমসুং খুঙ্গংগী য়ুমথোঙশিং, মরুওইনা শা-শন অমসুং শঙ্গোমগী থবক থৌরমশিংদা মখা পোল্লিবা অপিকপা অমসুং শোত্থরবা লৌমিশিং অমসুং লম লৈজদবা ইমুংশিংগী পুন্সি মহিংদা মতেং পাংনবা সরকার পুম্বগী থৌওং অমা লৌখৎলি। মসিনা খুঙ্গংগী থবক পিবা অমসুং লন-থুম শেমগত্পা অসি লাইবস্তোক সেক্তরগী মথৌ তাবশিংগা চুশিন্নহন্নবা হোত্নরি, মসিগা লোয়ননা এক্ত অসিগী প্রোবিজনশিং অমসুং প্লানিং ফ্রেমৱার্ক অসি ঙাক্না চৎপা ঙমহল্লি।
২০২৬কি জুলাই ১দগী চৎনবা হৌখিবা ভি.বি.–জি রেম জি এক্ত অসিনা খুঙ্গংগী য়ুমথোঙ অমদা নুমিৎ ১২৫নিগী ৱেজ ইমপ্লোয়মেন্তকি স্তেত্যুতরি গরেন্তি পিরি অমসুং লাইবলিহুদকা মরি লৈনবা ইনফ্রাস্ত্রকচর অমসুং অকনবা নোংজুগী থৌদোকশিং হন্থহনবা য়াওনা থিমেতিক এরিয়া মরিগী মনুংদা তেক্ত কায়দবা এসেৎশিং শেমগৎপদা মিত্য়েং থম্লি। জোইন্ত এদভাইজরি অসিনা ফ্রেমৱার্ক অসি শিজিন্নদুনা লৌউ-শিংউগী পোত্থোক পুথোকপা হেনগৎহন্নবা, কম্যুনিতিগী লৌউ-শিংউগী পোত্থোকশিং শেমগৎনবা অমসুং লাইবস্তোক-সপোর্তিবল ইনফ্রাস্ত্রকচর মপাঙ্গল কনখৎহন্নবা হোত্নরি।
ফোদর অমসুং লাইবস্তোক্কা মরি লৈনবা ইনফ্রাস্ত্রকচরগীদমক্ত মশক খংদোক্লবা অয়াবা পিবা থবক ২২ মশক খংদোকখ্রে
এদভাইজরি অসিনা ভি.বি.–জি রেম জি ফ্রেমৱার্ককি মখাদা অয়াবা পিবা থবক ৩৭৫গী লিস্ততগী মরি লৈনবা থবক ২২ মশক খঙদোকখ্রে। মসিদা ফোদর কলতিবেসন অমসুং স্তোরেজ, পেস্ত্যোর দিবেলপমেন্ত, লাইবস্তোক সেলতর, দাইরি ইনফ্রাস্ত্রকচর অমসুং ভেতেরিনরি হেলথ ফেসিলিতিশিংগা মরি লৈনবা ইন্তরভেন্সনশিং কোনশিল্লি।
মরুওইবা ইন্তরভেন্সনশিংগী মনুংদা মখাদা পিরিবশিং অসি য়াওরি:
- মিওই অমমমগী য়ুমথোঙ অমসুং কম্যুনিতিশিংগী ওইনা ফোদর কল্তিভেসন তৌবা।
- কম্যুনিতি ফোদর রিসোর্সশিং, পেস্ত্যোরশিং, লৌউ-শিংউগী লমশিং অমসুং সিলভিপেস্ত্যোরশিং শেমগত্পা।
- ফোদর স্তোরেজ ফেসিলিতিশিং, ফোদর বেঙ্কশিং, সাইলেজ য়ুনিৎশিং অমসুং অতৈ ইলিজিবল ওইবা ফোদরগা মরি লৈনবা এসেৎশিং।
- এপ্রুভ তৌরবা লিস্ততা পনখ্রিবা মতুং ইন্না শন-ঈরোয়, য়েরুম, উচেক অমসুং পোলত্রি সেলতরশিং য়াওনা ইলিজিবল ওইবা বেনিফিসরিশিং অমসুং কম্যুনিতিশিংগীদমক্ত লাইবস্তোক সেলতরশিং শেম্বা, রিপেয়র তৌবা অমসুং মেন্তেনেন্স তৌবা।
- কম্যুনিতি মিল্ক কলেক্সন সেন্তরশিং শাবা অমসুং শেমজিনবা।
- কম্যুনিতি ভেতেরিনরি হেলথ সেন্তরশিং শাবা অমসুং শেমজিনবা।
- কম্যুনিতি কেতল অমসুং এনিমেল ত্রোফশিং শাবা।
- অয়াবা পিরবা লিস্ততা য়াওরিবা মতুং ইন্না মিওই অমমমগী বেনিফিসরিশিংগীদমক এজোল্লা তেঙ্কশিং শাবা।
হায়রিবা ইন্তরভেন্সনশিং অসিনা লৌউ-শিংউগী পোত্থোকশিং ফংহনবা হেনগৎহন্নবা, লাইবস্তোক-সপোর্তিব ইনফ্রাস্ত্রকচর মপাঙ্গল কনখৎহন্নবা অমসুং হেন্না তুং কোয়না চৎকদবা লাইবস্তোক্তা য়ুম্ফম ওইবা লাইবলিহুদশিংদা মতেং পাংনবা পান্দম থম্লি। থবক খুদিংমক অয়াবা পিরবা থবকশিংগী অয়াবা পিরবা লিস্ত অমসুং এক্ত, রুলশ অমসুং গাইদলায়নশিংগী এপ্লিকেবল প্রোবিজনশিংগী মতুং ইন্না পাঙথোক্কনি।
বিকসিত গ্রাম পঞ্চায়েৎনা লোকেল প্রাইওরিতিশিং থৌগৎনবা থৌরাং তৌরি
এদভাইজরি অসিনা দিসেন্ত্রেলাইজ তৌরবা, বোতোম-অপ অমসুং পঞ্চায়তি রাজ ইন্সতিত্যুসন (পি.আর.আই.)না লুচিঙবা প্লানিংদা অকনবা মিত্য়েং থম্লি, মসিদা ফোদর দিবেলপমেন্ত অমসুং লাইবস্তোক-সপোর্তিব ইনফ্রাস্ত্রকচর অসি বিকসিত গ্রাম পঞ্চায়েৎ প্লানশিং (ভি.জি.পি.পি.শিং)দা ইন্তিগ্রেৎ তৌদুনা অমসুং গ্রাম সভাগী খুত্থাংদা অয়াবা পিরবা লোকেল দিবেলপমেন্ত প্রাইওরিতিশিংগা চুশিন্নরি।
রাজ্যশিং অমসুং য়ুনিয়ন তেরিতোরিশিংনা মফম অদুগী মথৌ তাবশিং, অয়াবা পিরবা প্লানশিং অমসুং এপ্লিকেবল ওইবা গাইদলায়নশিংনা মতেং পাংলিবা মফম খুদিংমক্ত, অপুনবা প্রোগ্রামগী চাদিংগী য়ামদ্রবদা ৫%গী মায়কৈদা ফোরদর অমসুং লাইবস্তোক-সপোর্তিব ৱার্কশিংদা চাদিং হেনগৎহন্নবা হোত্ননবা পুক্নিং থৌগত্লি।
ফোদর অমসুং লাইবস্তোক্কা মরি লৈনবা এসেৎশিং মথৌ তাবা ইলিজিবল ওইবা য়ুমথোঙশিং অমসুং কম্যুনিতিশিং খঙদোক্নবা মথৌ তাবদা য়ুম্ফম ওইবা সেচুরেসন এপ্রোচ অমসুং পুক্নিং থৌগত্লি। গ্রাম পঞ্চায়েৎশিংনা মফম অদুগী মথৌ তাবশিং অমসুং মরু ওইবশিংদা য়ুম্ফম ওইদুনা মিশিংগী ৩০%দগী হেন্না শা-শন লোয়বা গ্রাম পঞ্চায়েৎশিং য়াওনা মরু ওইবা শা-শনগী মখা পোনবা মফমশিংদা অখন্ননা পুক্নিং চঙবা য়াই।
আই.সি.এ.আর.–ইন্দিয়ন গ্রাশলেন্দ অমসুং ফোদর রিসর্চচ ইন্সতিত্যুৎ (আই.সি.এ.আর.–আই.জি.এফ.আর.আই.)না শেম্বা স্তেত-স্পেসিফিক ফোদর রিসোর্স দিবেলপমেন্ত প্লানশিং অসিনা দিস্ত্রিক্ত অমসুং ব্লোক্কি থাক্ত প্লানিং তৌনবগীদমক গাইদলাইন দোকুমেন্ত ওইনা থবক তৌবা য়াই। এদভাইজরি অদুনা ক্লাইমেৎ-রেজিলিয়েন্ত ইন্তরভেন্সনশিংদা থৱায় য়াওবদসু পুক্নিং থৌগত্লি, মসিদা মতিক চাবা ফোদর মখলশিং, পেরেনিএল গ্রাশশিং অমসুং ইন্তিগ্রেতেদ ক্রোপ–লায়বস্তোক সিস্তেমশিং য়াওরি, মরি লৈনবা মফম খুদিংমক্তা অমসুং অয়াবা পিরিবা থবকশিংগী মখাদা কোনশিল্লি।
ইন্তরদিপার্তমেন্ত কনভরজেন্স অমসুং মোনিতর তৌবা
এদভাইজরি অসিনা রাজ্যশিং অমসুং য়ুনিয়ন তেরিতোরিশিংদা খুঙ্গংগী চাওখৎ-থৌরাং, এনিমেল হজবেন্দরি, এগ্রীকলচর অমসুং অতোপ্পা মরি লৈনবা সেক্তরশিংগী দিপার্তমেন্তশিংগী মরক্ত কনভরজেন্সকি খুত্থাংদা ফোদর সেক্যুরিতি অমসুং লাইবস্তোক ইনফ্রাস্ত্রকচরগীদমক অপুনবা স্তেত এক্সন প্লানশিং শেম্নবা হায়রি।
কোওর্দিনেৎ তৌরবা এপ্রোচ অসিনা প্লানিং ফগৎহন্নবা, লৈরিবা রিসোর্সশিং অসি ইফেক্তিব ওইনা শিজিন্নবদা লাইথোকহন্নবা অমসুং ইনভেস্তমেন্তশিংনা মফম অদুগী মথৌ তাবশিং অদু শোয়দনা ফংহন্নবা অমসুং তুং কোয়না চৎকদবা লাইবস্তোক্তা য়ুম্ফম ওইবা লাইবলিহুদশিংদা মতেং পাংনবা পান্দম থম্লি।
স্তেত্যুতরি সেফগার্দশিংগা অকনবা মওংদা ঙাক্না চৎপা
এদভাইজরি অসিনা অমুক হন্না হায়রি মদুদি ফোদর দিবেলপমেন্ত অমসুং লাইবস্তোক-সপোর্তিব ওইবা থবক খুদিংমক ভি.বি.–জি রেম জি এক্ত, ২০২৫গী এপ্লিকেবল প্রোবিজনশিং ঙাকনা চৎকদবনি, মসিদা দিসেন্ত্রেলাইজ অমসুং পি.আর.আই.না লুচিঙবা প্লানিং, কম্পলসরি সোসিএল ওদিৎ, মেতরিএল কম্পোনেন্ততা ৪০%গী দিস্ত্রিক্ত লেবেল শিলিং, সেদ্যুল Iগী মখাদা চয়োলগী ওইনা মিয়ামদা ফোঙদোক্নবা অমসুং ৱাকৎ থাঙ্গৎলক্নবা পিরিবা প্রোবিজনশিংগী মতুং ইন্না মিওই অমমমগী বেনিফিসরিশিং খনবগী থবক য়াওরি।
রাজ্যশিং অমসুং য়ুনিয়ন তেরিতোরিশিংদশু অয়াবা পিরবা এদভাইজরি অসি মরি লৈনবা দিপারতমেন্তশিং, পঞ্চায়তি রাজ ইন্সতিত্যুসনশিং অমসুং ফিল্দ ফঙ্কশনেরিশিংগী মরক্ত শন্দোক্তুনা ইফেক্তিব ওইবা প্লানিং অমসুং ইমপ্লিমেন্ত তৌবদা লাইথোকহন্নবা তকশিনখ্রে।
এদভাইজরি অসিনা খুঙ্গংগী চাওখৎ-থৌরাংগী প্লানিংদা ফোদর সেক্যুরিতি অমসুং লাইবস্তোক-সপোর্তিব ইনফ্রাস্ত্রকচরদা মতীক চাবা মিত্য়েং চঙবা ঙম্নবা রাজ্য সর্চকারশিং অমসুং য়ুনিয়ন তেরিতোরিশিংনা পুন্না থবক তৌমিন্নবগী মরুওইবা অদু ফোঙদোক্লি।
বিকসিত ভারতকি মায়কৈদা খুঙ্গংগী লাইবলিহুদশিং মপাঙ্গল কনখৎহনবা @2047
জোইন্ত এদভাইজরি অসিনা খুঙ্গংগী ইমপ্লোয়মেন্ত, নেচরেল রিসোর্স মেনেজমেন্ত অমসুং লাইবস্তোক দিবেলপমেন্ত ইনতিগ্রেৎ তৌবগী মায়কৈদা মরুওইবা খোঙথাং অমা ওইরি। ভি.বি.–জি. রেম জিগী মখাদা অয়াবা পিরবা থবকশিং অসি লোকেল ফোদর অমসুং লাইবস্তোক ইনফ্রাস্ত্রকচরগী মথৌ তাবশিংগা শম্নহন্দুনা থৌরাং অসিনা ফোদর ফংহনবা হেনগৎহন্নবা, দাইরি অমসুং এনিমেল হজবেন্দরিগী থবক থৌরমশিংদা মতেং পাংনবা অমসুং খুঙ্গংগী য়ুমথোঙশিংগী হিংনবগী খুদোংচাবশিং মপাঙ্গল কনখৎহন্নবা হোত্নরি।
কনভরজেন্স, দিসেন্ত্রেলাইজ প্লানিং অমসুং কোওর্দিনেতেদ ইমপ্লিমেন্তেসনগী খুত্থাংদা, ইনিসিয়েতিব অসিনা রাজ্যশিং অমসুং পঞ্চায়তি রাজ ইন্সতিত্যুসনশিংদা লোকেলগী মথৌ তাবশিং অদু ফংহনবা ঙম্বাা তেক্ত কায়দবা এসেৎশিং শেমগৎপদা মতেং পাংনবা, ক্লাইমেৎ-রেসিলিয়েনত রুরেল দিবেলপমেন্তদা মতেং পাংনবা অমসুং বিকসিত ভারত @২০৪৭গী পাক চাওরবা মংলান্দা মতেং পাংনবা পান্দম থম্লি।
***