ஸ்லோவாக்கிய குடியரசு அதிபரைச் சந்தித்தார் பிரதமர்

பிரதமர் திரு. நரேந்திர மோடி இன்று பிராத்திஸ்லாவாவில் உள்ள அதிபர் மாளிகையில், ஸ்லோவாக்கிய குடியரசின் அதிபர் திரு.பீட்டர் பெல்லெக்ரினியைச் சந்தித்தார்.

பிப்ரவரி 2026-ல் இந்தியாவில் நடைபெற்ற 'செயற்கை நுண்ணறிவு தாக்க உச்சிமாநாட்டிற்காக'  அதிபர் பெல்லெக்ரினி இந்தியா வந்திருந்தபோது, அவருடன் நடைபெற்ற முந்தைய சந்திப்பை பிரதமர் மோடி அன்புடன் நினைவு கூர்ந்தார். வர்த்தகம், முதலீடு, தொழில்நுட்பம் மற்றும் மக்களிடையேயான உறவு ஆகிய துறைகளில் தொடர்ந்து வரும் ஒத்துழைப்பு குறித்து இரு தலைவர்களும் தங்கள் திருப்தியை வெளிப்படுத்தியதோடு, இரு நாடுகளுக்கிடையேயான வளர்ந்து வரும் உறவை வரவேற்றனர். மேலும், பரஸ்பர நலன் சார்ந்த பிராந்திய மற்றும் உலகளாவிய முன்னேற்றங்கள் குறித்தும் அவர்கள் விவாதித்தனர்.

பிரதமரும் அதிபர் பெல்லெக்ரினியும் அதிபர் மாளிகையில் 'வாரணாசி நகரம்' என்ற கருப்பொருளில் ஸ்லோவாக்கிய கலைஞர்கள் வரைந்த ஓவியக் கண்காட்சியைப் பார்வையிட்டனர். மேலும், ஸ்லோவாக்கியப் பள்ளி மாணவர்கள் வழங்கிய சிறப்பு யோகா விளக்க நிகழ்ச்சியையும் அவர்கள் கண்டு ரசித்தனர்.

பிரதமரின் கௌரவத்திற்காக அதிபர் பெல்லெக்ரினி இரவு விருந்து வழங்கினார். பிரதமர் மோடி, அதிபர் பெல்லெக்ரினியின் அன்பான விருந்தோம்பலுக்கும், இந்தியா-ஸ்லோவாக்கியா கூட்டமைப்பிற்கு அவர் அளித்து வரும் அசைக்க முடியாத ஆதரவிற்கும் நன்றி தெரிவித்தார்.

மேலும் விவரங்களுக்கு இந்த செய்திக்குறிப்பை ஆங்கிலத்தில் இங்கே காணவும்: https://www.pib.gov.in/PressReleasePage.aspx?PRID=2273322&reg=48&lang=2

***

TV/VK/RJ