প্রধানমন্ত্রীগী লোইশঙ
প্রধান মন্ত্রীগা স্লোভাক রিপব্লিক্কী প্রেসিদেন্তকা উনখ্রে
प्रविष्टि तिथि:
15 JUN 2026 11:33PM by PIB Imphal
প্রধান মন্ত্রী শ্রী নরেন্দ্র মোদীগা স্লোভাক রিপব্লিক্কী প্রেসিদেন্ত ঐচ.ই. মিস্তর পিতর পেলেগ্রিনিগা ঙসি ব্রাতিস্লাভাগী প্রেসিদেন্সিএল পেলেসতা উনখ্রে।
প্রসিদেন্ত পেলেগ্রিনিনা ফেব্রুৱারী ২০২৬ তা এ.আই. ইম্পেক্ত সম্মিত্তা ভারত্তা লাকখিবা মতমদা উনখিববু প্রধান মন্ত্রীনা নীংশিংখি। লুচিংবা অনিনা হৌজিক লৈনরিবা লৈবাক অনিগী তেংবাংনবগী মরীদা অপেনবা ফোঙদোক্নখি অমদি লল্লোন ইতিক, ইনভেস্তমেন্ত, তেক্নোলোজী অমসুং মীগা মীগগী মরক্তা লৈনরিবা লৈবাক অনিগী হেনগৎলক্লিবা মরীবু তরাম্না ওক্নখি। মখোয়না নাকল অনিমক্কী কান্নগদবা রিজনেল অমদি গ্লোবেলগী ওইরক্লিবা ফীভমশিংসু খন্নখি।
প্রধান মন্ত্রী মোদী অমদি প্রেসিদেন্ত পেলেগ্রিনিনা প্রেসিদেন্সিএল পেলেসতা পাঙথোকপা স্লোভাক আর্তিস্তশিংগী “ভরানসী সহর” হায়বা হীরমদা কত্থোকপা অয়েকপা লাইগী একজিবিসন অমসু মীৎয়েঙ তামিন্নখি। মখোয়না স্লোভাক স্কুলগী মহৈরোয়শিংনা পাঙথোকপা অখন্নবা য়োগ দিমোন্সত্রেসন অমসু য়েংমিন্নখি।
প্রেসিদেন্ত পেলেগ্রিনিনা প্রধান মন্ত্রীবু ইকায়খুম্নবা উত্তুনা বেঙ্কুএত চাক্লেন অমা শীনখি। প্রধান মন্ত্রীনা প্রেসিদেন্ত পেলেগ্রিনিবু মহাক্কী তরাম তরাম্বা মীওক মীচানগীদমক অমসুং ইন্দিয়া-স্লোভাক পার্ত্নরসিপ্তা খোঙফম হন্দনা ঙাক্লৌ পীবগীদমক থাগৎপা ফোঙদোকখি।
*****
(रिलीज़ आईडी: 2273374)
आगंतुक पटल : 8
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Telugu
,
Kannada
,
Malayalam