ସୂଚନା ଓ ପ୍ରସାରଣ ମନ୍ତ୍ରଣାଳୟ
ଆନ୍ତର୍ଜାତିକ ଫିଲ୍ମ ଉତ୍ସବ ଲାଗି ମିଡିଆ ଅଧିସ୍ୱୀକୃତି ସମୟ ସୀମା ଅକ୍ଟୋବର ୧୭ ପର୍ଯ୍ୟନ୍ତ ବୃଦ୍ଧି
ପୋଷ୍ଟ କରାଯିବା ଦିନାଙ୍କ:
15 OCT 2026 2:50PM by PIB Bhubaneswar
ସୂଚନା ଓ ପ୍ରସାରଣ ମନ୍ତ୍ରଣାଳୟ ପକ୍ଷରୁ ୫୭ତମ ଆନ୍ତର୍ଜାତିକ ଫିଲ୍ମ ଫେଷ୍ଟିଭାଲ୍ ଅଫ୍ ଇଣ୍ଡିଆ (IFFI) ୨୦୨୬ ପାଇଁ ଗଣମାଧ୍ୟମ ପ୍ରତିନିଧିଙ୍କ ପଞ୍ଜୀକରଣର ଶେଷ ତାରିଖକୁ ଆଉ ଦୁଇ ଦିନ ବୃଦ୍ଧି କରାଯାଇ ୧୭ ଅକ୍ଟୋବର ୨୦୨୬ ପର୍ଯ୍ୟନ୍ତ ଧାର୍ଯ୍ୟ କରାଯାଇଛି। ନଭେମ୍ବର ୨୦ରୁ ୨୮ ତାରିଖ ପର୍ଯ୍ୟନ୍ତ ଗୋଆର ପାଣାଜୀଠାରେ ଆୟୋଜିତ ହେବାକୁ ଥିବା ଏହି ଚଳଚ୍ଚିତ୍ର ମହୋତ୍ସବର ଖବର ସଂଗ୍ରହ ଓ ପ୍ରସାରଣ ପାଇଁ ଇଚ୍ଛୁକ ଗଣମାଧ୍ୟମ ପେସାଦାରମାନେ ପ୍ରେସ୍ ଇନଫର୍ମେସନ୍ ବ୍ୟୁରୋ (ପିଆଇବି)ର ଅଧିକୃତ ଆକ୍ରେଡିଟେସନ୍ ପୋର୍ଟାଲ୍ ମାଧ୍ୟମରେ ନିଜର ଆବେଦନ ଦାଖଲ କରିପାରିବେ।
ଯୋଗ୍ୟ ଗଣମାଧ୍ୟମ ପ୍ରତିନିଧିମାନଙ୍କୁ ନିର୍ଦ୍ଧାରିତ ବୃଦ୍ଧିତ ସମୟସୀମା ପୂର୍ବରୁ ସେମାନଙ୍କର ପଞ୍ଜୀକରଣ ପ୍ରକ୍ରିୟା ଶେଷ କରିବା ସହ ଆବଶ୍ୟକୀୟ ଦସ୍ତାବିଜ୍ ଅପଲୋଡ୍ କରିବାକୁ ପରାମର୍ଶ ଦିଆଯାଇଛି।
IFFI ସମ୍ପର୍କରେ:
୧୯୫୨ ମସିହାରେ ଆରମ୍ଭ ହୋଇଥିବା ଆନ୍ତର୍ଜାତିକ ଫିଲ୍ମ ଫେଷ୍ଟିଭାଲ୍ ଅଫ୍ ଇଣ୍ଡିଆ (IFFI) ହେଉଛି ଦକ୍ଷିଣ ଏସିଆର ସବୁଠାରୁ ପୁରୁଣା ଏବଂ ବୃହତ୍ତମ ସିନେମା ମହୋତ୍ସବ। ଭାରତ ସରକାରଙ୍କ ସୂଚନା ଓ ପ୍ରସାରଣ ମନ୍ତ୍ରଣାଳୟ ଅଧୀନସ୍ଥ ନ୍ୟାସନାଲ୍ ଫିଲ୍ମ ଡେଭେଲପମେଣ୍ଟ କୋର୍ପୋରେସନ୍ (ଏନଏଫଡିସି) ଏବଂ ଗୋଆ ରାଜ୍ୟ ସରକାରଙ୍କ ଏଣ୍ଟରଟେନମେଣ୍ଟ ସୋସାଇଟି ଅଫ୍ ଗୋଆ (ଇଏସ୍ଜି) ର ମିଳିତ ଆନୁକୂଲ୍ୟରେ ଆୟୋଜିତ ଏହି ଉତ୍ସବ ବିଶ୍ୱବ୍ୟାପୀ ଚଳଚ୍ଚିତ୍ର ନିର୍ମାତା, ପ୍ରସିଦ୍ଧ ବ୍ୟକ୍ତିବିଶେଷ ଏବଂ ଉଦୀୟମାନ କଳାକାରମାନଙ୍କୁ ଏକାଠି କରିଥାଏ। ଆନ୍ତର୍ଜାତିକ ପ୍ରତିଯୋଗୀତା, ସାଂସ୍କୃତିକ କାର୍ଯ୍ୟକ୍ରମ, ମାଷ୍ଟରକ୍ଲାସ୍ ଏବଂ ଶ୍ରଦ୍ଧାଞ୍ଜଳି ସହ ଗୋଆର ମନୋରମ ପରିବେଶ ମଧ୍ୟରେ ଏହି ଉତ୍ସବ ବିବିଧ କାହାଣୀ, ଭାଷା ଏବଂ ଚଳଚ୍ଚିତ୍ର ପରମ୍ପରାକୁ ଉଜ୍ଜୀବିତ କରିଥାଏ। ୫୭ତମ IFFI ୨୦୨୬ ସମ୍ପର୍କିତ ଅଧିକ ଓ ସଜାଡ଼ିତ ତଥ୍ୟ ପାଇଁ ଅଫିସିଆଲ୍ ୱେବସାଇଟ୍ https://www.iffigoa.org/ କୁ କ୍ଳିକ କରନ୍ତୁ।
--
/HP
(ରିଲିଜ ଆଡି: 2324172)
ପରିଦର୍ଶକ କାଉଣ୍ଟର : 8
ଏହି ରିଲିଜ ପଢନ୍ତୁ :
Malayalam
,
English
,
Punjabi
,
Gujarati
,
Urdu
,
Marathi
,
हिन्दी
,
Bengali
,
Bengali-TR
,
Tamil
,
Telugu
,
Kannada