প্রধানমন্ত্রীগী লোইশঙ
প্রধান মন্ত্রীনা জপানগী হান্নগী প্রধান মন্ত্রী ওইরম্বা লৈখিদ্রবা শিঞ্জো অবেগী লোয়নবী শ্রীমতি অকী অবেগা উন্নখ্রে
থাগৎখিবা:
08 OCT 2026 6:51PM by PIB Imphal
প্রধান মন্ত্রী, শ্রী নরেন্দ্র মোদীনা শ্রীমতি অকী অবেগা উনখ্রে। ঙসি নই দিল্লীদা লৈখিদ্রবা জাপানগী হান্নগী প্রধান মন্ত্রী শিঞ্জো অবেগী লোয়নবী, অকী অবেনা ভারতকা লোইননা মহাক্কী অচেৎপা মরীগীদমক থাগৎপা ফোংদোকখ্রে।
প্রধান মন্ত্রীনা শিঞ্জো অবেবু নুংশিজরবা মরূপ অমসুং ভারত-জাপানগী মরীবু অনৌবা অৱাংবা থাক্তা পুখৎপদা মরুওইবা থৌদাং লৌখিবা মিৎয়েং থম্বা লুচিংবা অমা ওইনা নিংশিংখি।
শ্রী মোদীনা হায়খি মদুদি বরানসীগী রুদ্রাক্স কনভেন্সন সেন্তরদা অবে মেমোরিয়েল কোরিদোর শঙ্গাবা অসি ভারত-জাপানগী মরূপ ওইবগীদমক শিঞ্জো অবেগী অচেৎপা থৌদাংবু ইকায় খুম্নবা অমনি।
এক্সতা ফোঙবা পোস্ত অমদা, শ্রী মোদীনা হায়খি;
“জাপানগী হান্নগী প্রধান মন্ত্রী শিঞ্জো অবেগী লোয়নবী, শ্রীমতি আকি অবেগা উন্নবা অসি য়াম্না নুংঙাই অমসুং ভারতকা লোইননা লৈনরিবা মহাক্কী অচেৎপা মরীবু য়াম্না থাগৎচরি।
অবে সান্না ইন্দিয়া-জাপানগী মরী অসি অনৌবা অৱাংবা থাক্তা পুখৎপদা অচৌবা থৌদাং লৌখিবা, নুংশিজরবা মরূপ অমসুং মিৎয়েং থম্বা লুচিংবা অমা ওইখি। ঙরাং বরানসীগী রুদ্রাক্স কনভেন্সন সেন্তরদা অবে মেমোরিএল কোরিদোর শঙ্গাখিবা অসি ভারত-জাপানগী মরূপ ওইবগী মরীদা মহাক্না পীখিবা মতম শাংনা চৎথগদবা থৌদাং অদুগীদমক্তা চপ চাবা ইকাই খুম্নবা অমনি।
@ akie_official”
***
(রিলিজ আই.দি.: 2321276)
ভিজিতর কাউন্তর : 5
রিলিজ অসি মসিদা পাবীয়ু:
English
,
Urdu
,
हिन्दी
,
Assamese
,
Bengali
,
Punjabi
,
Gujarati
,
Odia
,
Telugu
,
Kannada
,
Malayalam