কেন্দ্ৰীয় গৃহমন্ত্ৰী তথা সমবায় মন্ত্ৰী শ্ৰী অমিত শ্বাহে আজি গুজৰাটৰ আহমেদাবাদত সাবৰমতী ৰে’ল ষ্টেচনৰ পৰা ১,৪৭২ কোটি টকা ব্যয়সাপেক্ষে নিৰ্মাণ কৰা  উন্নয়নমূলক প্ৰকল্প উদ্বোধন কৰাৰ লগতে দেশৰ প্ৰথমখন এলএনজি চালিত ৰে’লৰ  শুভাৰম্ভ কৰে। তেওঁ ৰে’ল ইঞ্জিনৰ ৰক্ষণাবেক্ষণৰ বাবে নিৰ্মাণ কৰা ডব্লিউএজি-১২  মেইণ্টেনেন্স চেডো উদ্বোধন কৰে। অনুষ্ঠানত গুজৰাটৰ মুখ্যমন্ত্ৰী ভূপেন্দ্ৰ পেটেলসহ কেইবাগৰাকীও বিশিষ্ট ব্যক্তি উপস্থিত থাকে।অনুষ্ঠানত ভাষণ দি কেন্দ্ৰীয় গৃহমন্ত্ৰী তথা সমবায় মন্ত্ৰী অমিত শ্বাহে কয় যে আজি সাবৰমতী মণ্ডলত কেইবাটাও ৰে’ল প্ৰকল্পৰ কাম আৰম্ভ কৰা হৈছে। এই প্ৰকল্পসমূহত পৰিৱেশৰ বহনক্ষমতা, যাত্ৰীৰ সুবিধা আৰু ৰে’লযাত্ৰীৰ সুৰক্ষাৰ ওপৰত গুৰুত্ব আৰোপ কৰা হৈছে।তেওঁ কয় যে সত্যাগ্ৰহ, সৰল জীৱন-যাপন, গ্ৰাম্য উন্নয়ন আৰু খাদী—এই সকলো পৰীক্ষা-নিৰীক্ষাক বাস্তৱ ক্ষেত্ৰত ৰূপায়ণ কৰাৰ যাত্ৰা সাবৰমতীৰ পৰাই আৰম্ভ হৈছিল।অমিত শ্বাহে কয় যে বৰ্তমান সাবৰমতী ৰে’ল ষ্টেচনৰ যথেষ্ট উন্নয়ন সাধন কৰা হৈছে। কিন্তু ১৯৮০ৰ দশকত ষ্টেচনৰ পৰা ৰিক্সা বিচাৰিবলৈও যাত্ৰীসকলে প্ৰায় দুই কিলোমিটাৰ খোজ কাঢ়িবলগীয়া হৈছিল।তেওঁ কয় যে যাত্ৰীৰ সুবিধা, সুৰক্ষা আৰু সংযোগ ব্যৱস্থাৰ ক্ষেত্ৰত সাবৰমতী ৰে’ল ষ্টেচনত ব্যাপক পৰিৱৰ্তন সাধন কৰা হৈছে।শ্বাহে কয় যে আজি ১,৪৭২ কোটি টকা ব্যয়সাপেক্ষে উদ্বোধন আৰু আধাৰশিলা স্থাপন কৰা উন্নয়নমূলক কামসমূহ আগন্তুক দিনত অঞ্চলটোৰ বাবে যথেষ্ট গুৰুত্বপূৰ্ণ হৈ উঠিব।তেওঁ কয় যে ৰে’ল ইঞ্জিনৰ ৰক্ষণাবেক্ষণৰ বাবে ইয়াত ৭০০ কোটি টকা ব্যয়েৰে ডব্লিউএজি-১২  মেইণ্টেনেন্স চেডো নিৰ্মাণ কৰা হৈছে।ৰে’লযাত্ৰীৰ সুৰক্ষা বৃদ্ধিৰ বাবে ৪৮ কোটি টকা ব্যয়েৰে সাবৰমতী–কালোল–সাবৰমতী ৰে’লপথত ‘কৱচ’ ৰে’ল সুৰক্ষা ব্যৱস্থা প্ৰৱৰ্তন কৰা হৈছে।ইয়াৰ উপৰি আহমেদাবাদ–পালনপুৰ আৰু আহমেদাবাদ–সামাখিয়ালি ৰে’লপথত ‘কৱচ’ ব্যৱস্থা ৰূপায়ণৰ কাম আৰম্ভ কৰা হৈছে। লগতে সাবৰমতী–সাৰখেজ ৰে’লপথ দ্বৈতীকৰণৰ কামো আৰম্ভ কৰা হৈছে।অমিত শ্বাহে কয় যে আজি ১২,০০০ অশ্বশক্তিৰ  ক্ষমতাসম্পন্ন  দ্বৈত অংশবিশিষ্ট এটা ইঞ্জিন সেৱাত নিয়োজিত কৰা হৈছে। এই ইঞ্জিনে অকলেই প্ৰায় ৬০০খন ট্ৰাকে কঢ়িয়াব পৰা পৰিমাণৰ সামগ্ৰী কঢ়িয়াব পাৰে।ইয়াৰ পূৰ্বে এনে পৰিমাণৰ সামগ্ৰী  কঢ়িয়াবলৈ দুটা ইঞ্জিনৰ প্ৰয়োজন হৈছিল। কিন্তু এতিয়া এটা ডব্লিউএজি-১২ ইঞ্জিনে একে কামেই কৰিব পাৰে।তেওঁ কয় যে এই পদক্ষেপ ভাৰতীয় ৰে’লৰ ইতিহাসত এক গুৰুত্বপূৰ্ণ মাইলৰ খুঁটি হিচাপে পৰিগণিত হ’ব।শ্ৰী শ্বাহে কয় যে আজি এলএনজি চালিত ৰে’ল এখনো উদ্বোধন কৰা হৈছে। এই ৰে’লে আগন্তুক বছৰসমূহত পৰিৱেশ সংৰক্ষণৰ ক্ষেত্ৰত উল্লেখযোগ্য অৱদান আগবঢ়াব।কেন্দ্ৰীয় গৃহমন্ত্ৰী অমিত শ্বাহে কয় যে ২০১৪ চনত নৰেন্দ্ৰ মোদী প্ৰধানমন্ত্ৰী হোৱাৰ পিছত ৰে’ল বিভাগত কেইবাটাও নতুন সুবিধা প্ৰৱৰ্তন কৰা হৈছে আৰু ৰে’ল নেটৱৰ্কক আধুনিকীকৰণ কৰা হৈছে।তেওঁ কয় যে জৱাহৰলাল নেহৰু বন্দৰ, মুম্বাইৰ পৰা বৰোদালৈ দেশৰ প্ৰথমটো দুটা স্তৰৰ দীৰ্ঘপথৰ পাত্ৰবাহী ৰে’লৰ সফল পৰীক্ষামূলক যাত্ৰা সম্পন্ন হৈছে।তেওঁ কয় যে মালবাহী পৰিবহণৰ বাবে দেশত ৰে’লপথৰ পৰিমাণ সীমিত। কিন্তু দুটা স্তৰৰ মালবাহী ৰে’লৰ ধাৰণাটো সফল হ’লে মাল পৰিবহণৰ ক্ষমতা প্ৰায় দুগুণ হ’ব।তেওঁ কয় যে ১১,০০০ কিলোমিটাৰ দৈৰ্ঘ্যৰ এটা কৰিড’ৰ এতিয়া চাৰিলেনযুক্ত নেটৱৰ্কলৈ ৰূপান্তৰ কৰা হৈছে। ইয়াৰ ফলত দিল্লী–হাওৰা আৰু দিল্লী–গুৱাহাটী অভিমুখে যাতায়াত যথেষ্ট সহজ হ’ব।অমিত শ্বাহে কয় যে প্ৰধানমন্ত্ৰী মোদীৰ নেতৃত্বতে সমৰ্পিত মালবাহী কৰিড’ৰ, দ্ৰুতগতিসম্পন্ন ৰে’ল ব্যৱস্থা আৰু উন্নতমানৰ ৰে’ল ষ্টেচনৰ ব্যৱস্থা প্ৰৱৰ্তন কৰা হৈছিল।তেওঁ কয় যে শেহতীয়াকৈ প্ৰধানমন্ত্ৰী মোদীয়ে হাইড্ৰ’জেনচালিত ৰে’ল উদ্বোধন কৰিছে আৰু ইয়াৰ ফলত ভাৰত এই প্ৰযুক্তিৰ অধিকাৰী বিশ্বৰ মাত্ৰ চাৰিখন দেশৰ ভিতৰত এখন হৈ পৰিছে।তেওঁ কয় যে মোদী চৰকাৰৰ কাৰ্যকালত ৯৭ শতাংশ ৰে’ল দবাত জৈৱ শৌচাগাৰ স্থাপন কৰা হৈছে।মোদী চৰকাৰৰ কাৰ্যকালত ৮৭ শতাংশ এলএইচবি দবা দেশতে নিৰ্মাণ কৰা হৈছে।প্ৰধানমন্ত্ৰী মোদীয়ে দায়িত্ব গ্ৰহণ কৰাৰ পূৰ্বে দেশত ৰে’লপথৰ বৈদ্যুতিকীকৰণ মাত্ৰ ৩০ শতাংশ আছিল। তেওঁৰ কাৰ্যকালত বাকী ৭০ শতাংশ ৰে’লপথ বৈদ্যুতিকীকৰণ কৰা হৈছে।তেওঁ কয় যে মোদী চৰকাৰৰ কাৰ্যকালত ৰে’ল সুৰক্ষাৰ বাজেট ৬৭ শতাংশ বৃদ্ধি পাইছে আৰু ইঞ্জিন উৎপাদন ক্ষমতা ৬৬ শতাংশ বৃদ্ধি পাইছে।কেন্দ্ৰীয় গৃহমন্ত্ৰী অমিত শ্বাহে কয় যে প্ৰধানমন্ত্ৰী মোদীয়ে ‘ভাৰতত নিৰ্মাণ’ আৰু ‘আত্মনিৰ্ভৰ ভাৰত’ৰ ধাৰণা আগবঢ়াইছিল। ইয়াৰ ফলত দেশখনে এতিয়া ইঞ্জিনৰ দৰে সঁজুলি দেশৰ ভিতৰতে নিৰ্মাণ কৰাৰ ক্ষেত্ৰত যথেষ্ট অগ্ৰগতি লাভ কৰিছে।তেওঁ কয় যে ২০১৫-১৬ চনত ৰে’ল বিভাগে ২৯৩ কোটি লিটাৰ ডিজেল ব্যৱহাৰ কৰিছিল। কিন্তু ২০২৪-২৫ চনত এই পৰিমাণ ১০৮ কোটি লিটাৰলৈ হ্ৰাস পাইছে।তেওঁ কয় যে এইটো এক বৃহৎ সাফল্য, যদিও এই বিষয়ে তুলনামূলকভাৱে কম চৰ্চা হয়।শ্বাহে কয় যে ২০১০-১১ চনত এটা সম্পূৰ্ণ বছৰত মাত্ৰ ৭৫ কিলোমিটাৰ ৰে’লপথ বৈদ্যুতিকীকৰণ কৰা হৈছিল। বিপৰীতে ২০২৩-২৪ চনত মাত্ৰ এটা বছৰতে ৭,১৮৮ কিলোমিটাৰ ৰে’লপথ বৈদ্যুতিকীকৰণ কৰা হৈছে।তেওঁ কয় যে বৰ্তমান দেশৰ ৯৯.৬ শতাংশ ৰে’লপথ বৈদ্যুতিকীকৰণ কৰা হৈছে আৰু বাকী ০.৪ শতাংশ কামো অতি সোনকালে সম্পূৰ্ণ কৰা হ’ব।তেওঁ কয় যে চীনত ৰে’লপথৰ ৯২ শতাংশ, স্পেইনত ৬৮ শতাংশ, ফ্ৰান্সত ৬০ শতাংশ আৰু তুলনামূলকভাৱে সৰু দেশ ব্ৰিটেইনত ৪৯ শতাংশ ৰে’লপথ বৈদ্যুতিকীকৰণ কৰা হৈছে।ভাৰতে ১০০ শতাংশ বৈদ্যুতিকীকৰণ সম্পূৰ্ণ কৰি এই দেশসমূহক অতিক্ৰম কৰিব।তেওঁ কয় যে ছুইডেন হৈছে বিশ্বৰ একমাত্ৰ দেশ যিয়ে ১০০ শতাংশ ৰে’লপথ বৈদ্যুতিকীকৰণ সম্পূৰ্ণ কৰিছে। অৱশ্যে ছুইডেনৰ মুঠ ৰে’লপথৰ দৈৰ্ঘ্য ভাৰতৰ তুলনাত প্ৰায় দহগুণ কম।গুজৰাটৰ ৰে’ল বাজেটৰ উদাহৰণ দি কেন্দ্ৰীয় গৃহমন্ত্ৰী অমিত শ্বাহে কয় যে ২০০৯ চনৰ পৰা ২০১৪ চনলৈ গুজৰাটৰ বাবে ৰে’ল বাজেট আছিল মাত্ৰ ৫৮৯ কোটি টকা।ইয়াৰ বিপৰীতে কেৱল ২০২৬-২৭ বিত্তীয় বৰ্ষতে গুজৰাটৰ বাবে ৰে’ল বাজেট ১৭,৩৬৬ কোটি টকা।তেওঁ কয় যে উন্নয়নৰ গতিৰ পাৰ্থক্য স্পষ্টভাৱে দেখা গৈছে।দেশৰ জনসাধাৰণে ভিত্তিহীন মন্তব্য কৰা বিৰোধী দলৰ নেতাসকলক তথ্য আৰু পৰিসংখ্যাৰ আধাৰত বিষয়সমূহ আলোচনা কৰিবলৈ ক’ব লাগে বুলি শ্ৰী  শ্বাহে মন্তব্য কৰে।বিৰোধী দলক প্ৰশ্ন কৰি শ্ৰী শ্বাহে কয় যে তেওঁলোকৰ কাৰ্যকালত কি কাম কৰা হৈছিল।তেওঁ কয় যে ১০ বছৰত ১২ লাখ কোটি টকাৰ কেলেংকাৰী, কেলেংকাৰীজনিত ঘটনা আৰু দুৰ্নীতিৰ বাহিৰে বিৰোধী দলটোৱে আন একো কৰা নাছিল।শ্বাহে কয় যে ১২ বছৰত মোদীজীৰ বিৰুদ্ধে দুৰ্নীতিৰ সামান্যতম অভিযোগো উত্থাপিত হোৱা নাই।

***

RK/RR/PR/PS/DM