Ka rynsan ka la long kaba khreh, ki sharak ki la long kiba la khreh bad ka jingphai kan don sha ki kam bat bit tam ha ka kam shna phlim jong ka India. Ki jingpynkhreh ki la iaiod shakhmat na ka bynta ka 72nd National Film Awards, ka ban long ha Ekta Nagar, Kevadia, Gujarat, ha ka 22 tarik u Nailur 2026. Ka President jong ka ri India kan sam ia ki khusnam kiba ai jingithuh ia ki jingjop ba kyrpang ha ki kam shna phlim jong ka India ha u snem 2024.

🎬 लाइट, कैमरा और तैयारियां…

गुजरात के एकता नगर, केवड़िया में 72वें राष्ट्रीय फिल्म पुरस्कार समारोह की तैयारियां अब अंतिम चरण में हैं।

पर्दे के पीछे की ये झलकियां बता रही हैं कि भारतीय सिनेमा के इस खास जश्न के लिए मंच पूरी तरह तैयार है। ✨

22 सितंबर को एकता नगर से सजेगा… pic.twitter.com/Ml16gtuZzh

— PIB in Gujarat 🇮🇳 (@PIBAhmedabad) September 21, 2026

Kine ki Khusnam jong ka ri ki long kiwei na kiba don burom tam ha ka kam shna phlim jong ka India. La sdang ai ia kine ki khusnam ha u snem 1954 bad ki ai jingithuh ia ka jingtbit ha kaba iadei bad ki Feature Film, Non-Feature Film bad ka kam thoh ha ka jingshna phlim, ha ki ktien bapher bapher bad ki rukom shna phlim bapher bapher.

Dadasaheb Phalke Award

Ka khusnam Dadasaheb Phalke Award na ka bynta u snem 2024 kadei ka ban ai ia u nongak phlim ba la rim bha, u Anant Nag kum ka jingithuh ia ka jingnoh synniang jong u sha ka kam shna phlim jong ka India. Ka President jong ka ri India kana ai ia kane ka khusnam ia u ha ka prokram 72nd National Film Awards ha ka 22 tarik u Nailur 2026.

U Anant Nag u la trei ha kane ka kam mynta la palat sanphew snem bad u la noh synniang bha sha ki kam shna phlim Kannada bad ki phlim jong ka India.
Kane ka jingpynkup burom kadei ka jingithuh ia ka jingtrei jong u ha kane ka kam bad ka jingnoh synniang jong u sha ka kam shna phlim jong ka India.

Ka jingrakhe ia kaba tbit tam ha ka kam shna phlim jong ka India

Ka 72nd National Film Awards kan wanrah lang ia ki phlim kiba bha tam, ki jingak bad ki nongsaindur kiba tbit na kylleng ka ri.

La jied ia ka ‘Article 370’ kum ka Best Feature Film, katba ia ka ‘Bhangaar’ la jied kum ka Best Non-Feature Film bad ka ‘Ram-Nami’ kum ka Best Documentary.

Ha ka kam ak phlim, la jied ia u Mammootty na ka bynta ka Bramayugam bad Kartik Aaryan na ka bynta ka Chandu Champion ban ioh ia ka khusnam Best Actor in a Leading Role, katba ka Yami Gautam kan ioh ia ka khusnam Best Actress in a Leading Role na ka bynta ka Article 370.

La jied ia u Randeep Hooda ban ioh ia ka khusnam Best Debut Director na ka bynta ka Swatantrya Veer Savarkar.

Yn pynkup burom ruh ia kiwei kiwei ki phlim bad ki nongak phlim ha ki thup bapher bapher, kaba pyni ia ka jingiar jong ka kam shna phlim ha India.

Kiwei kiwei ki phlim kiba kynthup ia ka Kalki 2898 AD, Amaran, Pushpa: The Rule Part-02, Bhool Bhulaiyaa 3 bad Stree 2 kin shah pynkup burom ha ki thup bapher bapher.

Shon hangne ban iohi ia ka thup jong ki nongioh khusnam bad ki nongbishar

Ka jingrakhe kaba iaid kylleng ka India

Ka 72nd National Film Awards ka long ruh ka dak jong ka bynta kaba thymmai ha ki kam shna phlim jong ka India. Yn pynlong ia kane ka prokram ha Ekta Nagar, Gujarat, ha kaba kane ka prokram sam khusnam kam sahkut tang ha ka nongbah jong ka ri.

Ka tnad Information and Broadcasting ka la rai ban rah ia ka jingrakhe ia ka National Film Awards sha ki bynta bapher bapher jong ka ri ha kine ki snem ban wan. Kane ka sienjam kan wanrah ia kane ka jingrakhe ia ka kam shna phlim jong ka India sha ki thain bapher bapherbad kan pyni ia ka kolshor bad ka jingiar jong ka kam shna phlim ha India.

Ha ka jingpyndep ia ki jingpynkhreh bad ka rynsan kaba la dep, baroh mynta ki phai sha ka 22 tarik u Nailur 2026, ha kaba ki nongshna phlim, ki nongak phlim, kito kiba trei ha ki kam teknikal bad baroh kiba don bynta ha ka kam shna phlim jong ka India kin iapoi lang ha Ekta Nagar na ka bynta ka 72nd National Film Awards.

Ka rynsan ka la long kaba la khreh, ki riewpawkhmat ki la long kiba la khreh. Ka kam shna phlim ha India ka la kloi ban rakhe.

******