ইনফোর্মেসন অমসুং ব্রোদকাস্তিং মন্ত্রালয়
ঙাইরম্বা লোইরে: ৭২শুবা নেস্নেল ফিল্ম এৱার্দ্সনা সেপ্তেম্বর ২২ দা ভারতকী খ্বায়দগী ফবা সিনেমা সেলেব্রেত তৌনবা শেম-শারে
দিল্লীদগী এক্তা নগর ফাওবা: ৭২শুবা নেস্নেল ফিল্ম এৱার্দ্সনা স্তেতশিং শিনবা থুংনা অনৌবা খোঙচৎ অমগী হৌরকফম তাক্লি
অনন্ত নাগনা ভারতকী সিনেমাগীদমক মহাক্না লৌখিবা অখন্নবা থৌদাংগীদমক ২০২৪ গী দাদাসাহেব ফালকে এৱার্দ ফংলগনি
বেস্ত ফিচর ফিল্মদগী হৌরগা বেস্ত এক্তর অমসুং বেস্ত এক্ত্রেস ফাওবা, সিনেমাগী লমদা ফংবা মকোক থোংবা মায়পাকপশিংনা মরুওইবা মফম কনগদৌরি
থাগৎখিবা:
21 SEP 2026 3:10PM by PIB Imphal
ফম্পাক শেম-শারে, মৈ শেম-শাদুনা লৈরে, অমসুং ভারতকী সিনেমাগী খ্বায়দগী ফবশিংদা মীয়ামগী মীৎয়েং তাগদৌরে। গুজরাতকী কেৱারিয়াদা লৈবা এক্তা নগরদা সেপ্তেম্বর ২২, ২০২৬ তা পাঙথোক্কদৌরিবা ৭২শুবা নেস্নেল ফিল্ম এৱার্দ্সকীদমক শেম-শাবগী থবকশিং য়াম্না কন্না চত্থরি। ভারতকী রাস্ত্রপতিনা ২০২৪ গীদমক ভারতকী সিনেমাগী অখন্নবা মায়পাকপশিংবু শকখঙলদুনা মমিং লৈরবা মনাশিং অসি য়েন্থোক্কনি।
নেস্নেল ফিল্ম এৱার্দ্স অসি ভারতকী সিনেমাগী খ্বায়দগী মমিং চৎপা মনাশিংগী মনুংদা অমনি। ১৯৫৪ দা হৌদোকখিবা মনা অসিনা তোঙান-তোঙানবা লোনশিং, লমদমশিং অমসুং ফিল্ম শেম্বগী মওং-মতৌশিং কোনশিন্দুনা ফিচর ফিল্মশিং, নন-ফিচর ফিল্মশিং অমসুং সিনেমাগী মতাঙদা ইবা খুৎইশিংগী মফমদা লৈরিবা মকোক থোংবা মতিংশিংবু শকখঙলি।
দাদাসাহেব ফাল্কে এৱার্দ
ভারতকী সিনেমাগীদমক মহাক্না লৌখিবা অখন্নবা থৌদাং অদুবু শকখঙলদুনা অহল ওইরবা এক্তর অনন্ত নাগতা ২০২৪ গী দাদাসাহেব ফাল্কে এৱার্দ খুদোল তম্লগনি। ভারতকী রাস্ত্রপতিনা মহাকপু সেপ্তেম্বর ২২, ২০২৬ তা পাঙথোক্কদৌরিবা ৭২শুবা নেস্নেল ফিল্ম এৱার্দ্সকী থৌরমদা লেমজনিংঙাই ওইরবা ইকায়খুম্নবা অসি লান্থোক্কনি।
চহি দেকেদ মঙা হেনবগী করিয়রদা লাক্লবা অনন্ত নাগনা মহাক্কী তোঙান-তোঙানবা থবকশিংগী খুত্থাংদা কন্নরা অমসুং ভারতকী সিনেমাগীদমক মতম কুইনা চৎকদবা থৌদাং লৌরমই।
ইকায়খুম্নবা অসিনা মহাক্কী অখন্নবা কলাগী খোঙচৎ অমসুং ভারতকী সিনেমাগী চাউরবা শক্তমদা মতম চূপ্পা লৈহৌরগদবা থৌদাং অদুবু পালন তৌরি।
ভারতকী খ্বায়দগী ফবা সিনেমা পালন তৌবা
৭২শুবা নেস্নেল ফিল্ম এৱার্দ্স অসিনা লৈবাক শিনবা থুংবদগী খ্বায়দগী ফবা ফিল্মশিং, পর্ফোর্মেন্সশিং অমসুং কলাগী হৈথোই-শিংথোইবশিংবু অমত্তা ওইনা পুনশিনগনি।
'আর্তিকল ৩৭০' না বেস্ত ফিচর ফিল্মগীদমক খল্লে, অদুগা 'ভঙ্গারর' না বেস্ত নন-ফিচর ফিল্ম অমসুং 'রাম-নমি' না বেস্ত দোকুমেন্তরী ওইনা খল্লে
এক্তিংগী কাংলুপশিংদা, ব্রমায়ুগমগী মমোত্তি অমসুং চন্দু চেম্পিয়নগী কার্তিক আর্য়নবু বেস্ত এক্তর ইন এ লীদিং রোলগীদমক খল্লে, অদুগা য়ামী গৌতমনা আর্তিকল ৩৭০ গীদমক বেস্ত এক্ত্রেস ইন এ লীদিং রোল মনা ফংলগনি।
স্বতন্ত্র্য বীর সাবর্কর গীদমক রনদীপ হুদ্দাবু বেস্ত দেব্যু দাইরেক্তর মনাগীদমক খল্লে।
ভারতকী সিনেমাগী তোঙান-তোঙানবা অমসুং চাওখৎপগী শক্তম অদুবু তাক্লদুনা, অতোপ্পা ফিল্ম অমসুং আর্তিস্ত কয়া অমসু তোঙান-তোঙানবা কাঙলুপশিংগী মখাদা মনা ফংগনি।
কাল্কি ২৮৯৮ এ.দি., অমরন, পুস্পা: দি রুল পার্ত-০২, ভুল ভুলৈয়া ৩ অমসুং স্ত্রী ২ য়াওনা ফিল্ম কয়া অমসু তোঙান-তোঙানবা কাঙলুপশিংদা মনাশিং ফংলগনি।
মনা ফংলবশিং অমসুং জুরীশিংগী মপুংফাবা লিস্ত অসি য়েংবীয়ু
ভারত শিনবা থুংনা চৎকদবা পালন অমা
৭২শুবা নেস্নেল ফিল্ম এৱার্দ্স অসিনা ভারতকী সিনেমা পালন তৌবগী অতোপ্পা পন্দুপ অমসু ওইরি। নেস্নেল ফিল্ম এৱার্দ্সপু লৈবাক্কী কোনুংগী ৱাংমদা পুথোক্তুনা, থৌরম অসি গুজরাতকী এক্তা নগরদা পাঙথোক্কদৌরি।
ইনফোর্মেসন এন্দ ব্রোদকাস্তিং মন্ত্রালয়না লাক্কদৌরিবা চহিশিংদা নেস্নেল ফিল্ম এৱার্দ্স পালন তৌবগী থৌরম অসি লৈবাক্কী তোঙান-তোঙানবা মফমশিংদা পাঙথোক্নবা ফিরেপ লৌখ্রে। খোঙথাং অসিনা ভারতকী সিনেমা পালন তৌবা অসিবু তোঙান-তোঙানবা লমদমশিংদা পুদুনা লাক্কনি অমসুং লৈবাক অসিগী চাউরবা নাৎ অমসুং সিনেমাগী তোঙান-তোঙানবা মশকশিংবু ফোঙদোক্কনি।
শেম-শাবা লোইশিল্লকপা অমসুং ফম্পাক শেম-শাদুনা লৈবগা লোয়ননা, ভারতকী ফিল্ম কাঙলুপকী ফিল্মমেকরশিং, এক্তরশিং, তেক্নিসিয়ানশিং অমসুং অতোপ্পা মীওইশিংনা ৭২শুবা নেস্নেল ফিল্ম এৱার্দ্সকীদমক এক্তা নগরদা পুনল্লগদৌরিবা সেপ্তেম্বর ২২, ২০২৬ তা হৌজিক পুম্নমক্কী মীৎয়েং থম্লি।
ফম্পাক শেম-শারে। স্তারশিং শেম-শাদুনা লৈরে। ভারতকী সিনেমাসু পালন তৌনবা শেম-শারে।
******
(রিলিজ আই.দি.: 2313389)
ভিজিতর কাউন্তর : 4
রিলিজ অসি মসিদা পাবীয়ু:
Tamil
,
English
,
Urdu
,
हिन्दी
,
Marathi
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Telugu
,
Kannada
,
Malayalam