প্রধান মন্ত্রী শ্রী নরেন্দ্র মোদীনা ঙসিগী অঙনবদা সেবা তিরথতা মকোক থোংবা সি.ই.ও.শিংগা লোইননা পাংথোকপা সেমিকন্দক্তর রাউন্দ তেবলগী মীফম লুচিংখ্রে।

মীফম অদুগী মনুংদা, প্রধান মন্ত্রীনা ভারতকী তেক্নোলোজীগী তুংলমচৎ শেমগৎপদা সরকার অমসুং সেমিকন্দক্তর ইন্দস্ত্রীগী মরক্তা নক্না তেংবাং পীনবগী মরুওইবা অদু ফোংদোকখি। মহাক্না ভারতকী তেলেন্ত, তেক্নোলোজী শিজিন্নবা অমসুং ইনফ্রাস্ত্রকচরগী মপাঙ্গল কনবা ফাউন্দেসন অদু পনখি অমসুং স্কিলিং, ইন্নোবেসন অমসুং এ.আই. অমসুং ক্বান্তম কম্প্যুতিংগুম্বা অনৌবা তেক্নোলোজীশিংদা ইন্দস্ত্রীনা শরুক য়াবা হেনগৎহন্নবা হায়খি। মীওই করোর অমা এ.আই.দা ত্রেনিং পীনবগী পান্দম অদু পল্লদুনা মহাক্না হায়খি মদুদি ভারতকী তেলেন্ত পুল, মালেমগী ইন্দস্ত্রীগী লুচিংবশিংগী এক্সপরিয়েন্স অমসুং কেপাবিলিতীশিংগা পুনশিন্দুনা, মশক থোকপা খুদোংচাবশিং শেম্বা ঙমগনি।

প্রধান মন্ত্রীনা হায়খি মদুদি ভারতনা হৌগৎলক্লিবা তেক্নোলোজীশিংদা অঙনবা মতমগী লুচিংবশিংগী মরক্তা অমা ওইনবা হোৎনগদবনি। সেমিকন্দক্তর সেক্তরদা চাউনা খুমাং চাওশিল্লকপগী ৱাফম মহাক্না পনখি। মহাক্না হায়খি মদুদি ইকোসিস্তেম অসি হৌজিক তঙাই ফদবা থবকশিংদগী হেন্না চাউবা থাক অমসুং খুদোংচাবা ফংবা ফীজ অমদা চংশিল্লি।

প্রধান মন্ত্রীনা মাংজৌননা উবা ঙম্বা অমসুং পাউখুম পীবা ঙম্বা পোলিসী এনভাইরনমেন্ত অমগীদমক সরকারগী অচেৎপা ফিরেপ অদু অমুক হন্না ফোংদোকখি। তেক্নোলোজীগী খুমাং চাওশিল্লকপা অমসুং ইন্দস্ত্রীগী মথৌ তাবশিংগা লোয়ননা পোলিসীশিং অসি শেমগৎকদবনি হায়না মহাক্না অকনবা ৱাফম থমখি। মহাক্না ইন্দস্ত্রীগী লুচিংবশিংবু পোলিসী অমসুং এদমিনিস্ত্রেতিব মেজরশিংগী মতাংদা মখোয়গী ৱাখল্লোনশিং পীনবা কৌখি অমসুং সেক্তর অসিবু মখা তানা মপাঙ্গল কনখৎহন্নবগীদমক মখোয়গী ইনপুৎশিং অদু য়েংশিনগনি হায়না থাজবা পীখি। মহাক্না ইন্দস্ত্রীগী লুচিংবশিংবু ভারতকী সেমিকন্দক্তর গ্রোথকী মথংগী ফেজদা এক্তিব ওইনা শরুক য়ানবা পুক্নিং থৌগৎখি।

সি.ই.ও.শিংনা ভারতকী সেমিকন্দক্তর কেপাসিতীশিং চাউখৎহন্নবা সরকারনা লেপ্পা লৈতনা হোৎনরিবশিংবু থাগৎপা ফোংদোকখি। মখোয়না মেন্যুফেকচরিং, দিজাইন, ইনফ্রাস্ত্রকচর অমসুং তেলেন্ত দিবেলপমেন্ততা খুমাং চাওশিল্লকপা উখি। মখোয়না আই.এস.এম. ২.০গী মখাদা ফংলিবা খুদোংচাবশিং অমসুং মেন্যুফেকচরিং, আর.এন্দ.দি., এদভান্স তেক্নোলোজীশিং অমসুং সপ্পোর্তিং ইন্দস্ত্রীশিং য়াওনা সেমিকন্দক্তর ভেল্যু চেন পুম্নমক্তা কেপাসিতীশিং শেমগৎনবা ভারতকী ওইথোকপা য়াবশিংদা থাজবা থমখি।

প্রধান মন্ত্রীগী লুচিংবা অমসুং তেংবাংবু থাগৎপা ফোংদোক্লদুনা মখোয়না হায়খি মদুদি হৌখিবা চহিশিংদা ফংখিবা খুমাং চাউশিল্লকপনা ইন্দস্ত্রীদা মখা তানা শরুক য়াবগীদমক্তা অচেৎপা য়ুম্ফম অমা শেমগৎলে। ভারত অসি মালেমগী থাক্তা কম্পিতিতিব সেমিকন্দক্তর অমসুং তেক্নোলোজী হব অমা ওইনা থোরকপদা মতেং পাংনবা মখোয়না অচেৎপা ৱাফম থমখি।

মীফম অসিদা সি.ই.ই.ও.শিং, মিক্রোন, ইনফাইনন, এপ্লাইদ মেতরিএলস, এ.এস.এম.এল., মেরক, তোকিও ইলেক্ত্রোন লিমিতেদ, ফুজিফিল্ম, এ.এম.দি., ইন্তেল, টাটা ইলেক্ত্রোনিক্স, লাম রিসর্স, রেপিদস, এন.এক্স.পি., ফোক্সকোন, সেমি কন্দক্তর দিভাইস, এদভান্তেস্ত, সেলেস্তা কেপিতেল, সি.জি.পাৱর, আই.বি.এম. রিসর্চ য়াওনা তোঙান তোঙানবা ওর্গানাইজেসনশিংগী মীহুৎশিং শরুক য়াখি।

***