કેન્દ્રીય શિક્ષણ મંત્રાલય, વિદેશ મંત્રાલયના સહયોગથી ભારતની અધ્યક્ષતા હેઠળ 12 અને 13 સપ્ટેમ્બર 2026ના રોજ યોજાનારા 18મા બ્રિક્સ (BRICS) શિખર સંમેલન 2026ના આગોતરા કાર્યક્રમ તરીકે અને તેની સાથે સાથે ભારતની ડીપ-ટેક નવીનતાઓને પ્રદર્શિત કરવા માટે 11-12 સપ્ટેમ્બર 2026 દરમિયાન ભારત મંડપમ, નવી દિલ્હી ખાતે 'ભારત ઇનોવેટ્સ એક્સ્પોઝિશન' નું આયોજન કરી રહ્યું છે.

‘ભારત ઇનોવેટ્સ’ કેન્દ્રીય શિક્ષણ મંત્રાલયનો રાષ્ટ્રીય કાર્યક્રમ છે. તેને ભારતીય ઉચ્ચ શિક્ષણ વ્યવસ્થામાંથી ઉદ્ભવતી નવીનતાઓ માટે વૈશ્વિક એક્સિલરેટર તરીકે તૈયાર કરવામાં આવ્યો છે. તેનો ઉદ્દેશ ભારતના ઇનોવેશન ઇકોસિસ્ટમ (સ્ટાર્ટઅપ્સ, ઉચ્ચ શિક્ષણ સંસ્થાઓ (HEIs), લેબોરેટરીઝ અને રિસર્ચ પાર્ક્સ) અને વૈશ્વિક હિતધારકો (કોર્પોરેટ્સ, રોકાણકારો, ઇન્ક્યુબેટર્સ/એક્સિલરેટર્સ, યુનિવર્સિટીઓ, સંશોધન સંસ્થાઓ, સરકારો અને વિદેશમાં વસતા ભૂતપૂર્વ વિદ્યાર્થીઓ) વચ્ચે લાંબા ગાળાનો સહયોગ સ્થાપિત કરવાનો છે.

ભારત મંડપમ ખાતે યોજાયેલ BRICS ભારત ઇનોવેટ્સ (BBI) એક્સ્પોઝિશન 2026માં ભારતના ડીપ-ટેક સ્ટાર્ટઅપ્સનું બીજું મોટું પ્રદર્શન છે. આ પહેલાં ભારત ઇનોવેટ્સની પ્રથમ આવૃત્તિ 14થી 16 જૂન, 2026 દરમિયાન ફ્રાન્સના નાઇસ શહેરમાં યોજાઈ હતી.

BBIમાં ભારતના 37 ડીપ-ટેક સ્ટાર્ટઅપ્સ/સાહસોને પ્રદર્શિત કરવામાં આવી રહ્યા છે. આ 37 સ્ટાર્ટઅપ્સ/સાહસ BI2026, નાઇસમાં ભાગ લેનારા મૂળ 120 સ્ટાર્ટઅપ્સ/સાહસમાંથી છે. આ પ્રદર્શન ભારતના BRICS અધ્યક્ષપદની થીમ “બિલ્ડિંગ ફોર રેઝિલિયન્સ, ઇનોવેશન, કોઓપરેશન એન્ડ સસ્ટેનેબિલિટી” સાથે સુસંગત છે.

આ એક્સ્પોઝિશન 11 સપ્ટેમ્બર 2026ના રોજ બ્રિક્સ બિઝનેસ ફોરમની સાથે યોજાઈ રહ્યું છે, જે ભાગ લેનારા ઇનોવેટર્સને બ્રિક્સ સભ્ય દેશોના CEOs, રોકાણકારો, બિઝનેસ લીડર્સ અને ઉદ્યોગના પ્રતિનિધિઓ સાથે નેટવર્કિંગ કરવાની તક પૂરી પાડે છે. આ B2B જોડાણો, ટેકનોલોજી ભાગીદારી, રોકાણ ચર્ચાઓ, વ્યાપારી જોડાણો અને આંતરરાષ્ટ્રીય બજાર સુધી પહોંચ માટેની તકોને સુગમ બનાવશે. આ એક્સ્પોઝિશન ભારતની બ્રિક્સ અધ્યક્ષતા 2026 હેઠળ ઓળખવામાં આવેલા પાંચ પ્રાથમિકતા ક્ષેત્રોમાંથી એક, "સંશોધન, નવીનતા અને સ્ટાર્ટ-અપ ઇકોસિસ્ટમને વધારવી" ની બ્રિક્સ એજ્યુકેશન ટ્રેક પ્રાથમિકતાને પણ આગળ ધપાવે છે.

ભારતના પ્રધાનમંત્રી શ્રી નરેન્દ્ર મોદી, કેન્દ્રીય શિક્ષણ મંત્રી શ્રી પ્રહ્લાદ જોશી અને બ્રિક્સ નેતાઓ BBI એક્સ્પોઝિશનની મુલાકાત લે તેવી શક્યતા છે. બ્રિક્સ નેતાઓના જોડાણો સાથે સંકળાયેલા વરિષ્ઠ ભારતીય અને આંતરરાષ્ટ્રીય પ્રતિનિધિઓ તેમજ બ્રિક્સ સભ્ય દેશોના CEOs, રોકાણકારો અને વરિષ્ઠ વ્યવસાયિક નેતાઓ પણ 11-12 સપ્ટેમ્બર 2026ના રોજ BBI એક્સ્પોઝિશનની મુલાકાત લે તેવી શક્યતા છે.

ભાગ લેનારા સ્ટાર્ટઅપ્સ/ઇનોવેટર્સ માટે, BBI એક્સ્પોઝિશન સ્થાનિક નવીનતાને આંતરરાષ્ટ્રીય વ્યાપારી અને રાજદ્વારી પરિણામોમાં રૂપાંતરિત કરવા માટે એક હાઇ-પ્રોફાઇલ પ્લેટફોર્મ પૂરું પાડે છે, જેમાં બ્રિક્સ CEOs અને રોકાણકારો સુધી સીધી પહોંચ, રાષ્ટ્રાધ્યક્ષો/સરકારના વડાઓની દ્રષ્ટિ, FICCI, CII અને ASSOCHAMના સહયોગથી સુગમ બનેલી B2B બેઠકો અને સંરચિત મેચમેકિંગ, અને બ્રાન્ડ તથા રાજદ્વારી વિશ્વસનીયતાનો સમાવેશ થાય છે.

ભારત ઇનોવેટ્સ 2026ની પ્રથમ આવૃત્તિ, ભારત-ફ્રાન્સ ઇનોવેશન વર્ષ 2026 હેઠળ યોજાઈ હતી અને તેનું સંયુક્ત રીતે ઉદ્ઘાટન પ્રધાનમંત્રી શ્રી નરેન્દ્ર મોદી અને ફ્રેન્ચ રિપબ્લિકના રાષ્ટ્રપતિ મહામહિમ ઇમેન્યુઅલ મેક્રોન દ્વારા કરવામાં આવ્યું હતું. આ ત્રણ દિવસીય ઇવેન્ટમાં 13 થીમ આધારિત ક્ષેત્રો અને 15 સંસ્થાઓ (IITs, IISc, BIRAC અને iDex) માં ભારતના ટોચના 120 ડીપ-ટેક સ્ટાર્ટઅપ્સ/સાહસોને દર્શાવવામાં આવ્યા હતા. તેમાં 29 દેશોના 2000 થી વધુ સહભાગીઓ જોવા મળ્યા હતા. 1,350 B2B બેઠકોના પરિણામ સ્વરૂપે 30 થી વધુ સહયોગ MoU અને ભાગીદારીઓ થઈ હતી અને ભારતીય સ્ટાર્ટઅપ્સ/સાહસોએ US $ 254.5 મિલિયનનું ફંડિંગ પ્રતિબદ્ધતા પ્રાપ્ત કરી હતી.

બ્રિક્સ ભારત ઇનોવેટ્સ એક્સ્પોઝિશન ભારતની બ્રિક્સ અધ્યક્ષતા 2026 હેઠળ શિક્ષણ મંત્રાલયના જોડાણો પર આધારિત છે. મંત્રાલયે 7 ઓગસ્ટ 2026ના રોજ 13મી બ્રિક્સ શિક્ષણ મંત્રીઓની બેઠક અને 5 ઓગસ્ટ 2026ના રોજ ભુવનેશ્વર, ઓડિશા ખાતે શિક્ષણ પર 3જી બ્રિક્સ વરિષ્ઠ અધિકારીઓની બેઠકનું આયોજન કર્યું હતું. શિક્ષણ મંત્રીઓની બેઠક 13મા બ્રિક્સ શિક્ષણ મંત્રીઓના ઘોષણાપત્રને અપનાવવા સાથે પૂર્ણ થઈ હતી, જેમાં પાંચ પ્રાથમિકતા ક્ષેત્રોમાં સહયોગની રૂપરેખા આપવામાં આવી હતી, જેમાં પ્રારંભિક બાળપણની સંભાળ અને શિક્ષણ તથા મૂળભૂત સાક્ષરતા અને સંખ્યા જ્ઞાનને મજબૂત બનાવવું; કૌશલ્ય વિકાસ અને TVET; સંશોધન, નવીનતા અને સ્ટાર્ટ-અપ ઇકોસિસ્ટમ્સ; લાયકાતોની પરસ્પર માન્યતા; અને શૈક્ષણિક નેતૃત્વ અને સંસ્થાકીય વિકાસ માટે ક્ષમતા નિર્માણનો સમાવેશ થાય છે.

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad