প্রধান মন্ত্রী, শ্রী নরেন্দ্র মোদীনা ময়াই তাংবল লৌবা কেবিনেত কম্মিতী ওন ইকোনোমিক এফিয়র্সনা ঙসি রেলৱে মন্ত্রালয়গী প্রোজেক্ত ৩ অয়াবা পীখ্রে, মসিগী অপুনবা চাদিং লুপা করোর ১০,৭৮৩ নি। প্রোজেক্তশিং অসিদা য়াওরিবা:

1. খরগপুর – ঝারসুগুদা (বগদেহি) ৪শুবা লাইন
2. কাতনি – পেন্দ্রা রোদ ৪শুবা লাইন
3. বিলাসপুর (উসলাপুর) – পেন্দ্রা রোদ ৩শুবা লাইন

লাইনগী কেপাসিতী হেনগৎলকপা অসিনা চত্থোক-চৎশিন তৌবদা য়াম্না লাইহল্লগনি, মরম অদুনা ইন্দিয়ন রেলৱেজকী ওপরেস্নেল ইফিসিয়েন্সী অমসুং সর্ভিসকী থাজবা হেনগৎহনগনি। মল্তি-ত্রেকিংগী প্রপোজলশিং অসিনা ওপরেসনশিং লাইহনগনি অমসুং লম্বী চিনবা হন্থহনগনি। প্রোজেক্তশিং অসি প্রধান মন্ত্রী, শ্রী নরেন্দ্র মোদীগী অনৌবা ইন্দিয়া অমা শেম্বগী বিজনগা চুশিন্নৈ, মদুনা লমদম অসিগী মীয়াম্বু পাক-চাউনা চাউখৎ-থৌরাংগী খুত্থাংদা "আত্মনির্ভর" ওইহনগনি, মদুনা মখোয়গী থবক/মশানা মশাশাবু থবক পীজবগী খুদোংচাবশিং হেনগৎহনগনি।

প্রোজেক্তশিং অসি পি.এম.-গতি শক্তি নেস্নেল মাস্তর প্লানগী মখাদা থৌরাং তৌবনি অমসুং মল্তি-মোদেল কনেক্তিভিতী অমসুং লোজিস্তিক্কী ইফিসিয়েন্সী হেনগৎহন্নবা মীৎয়েং চংলি। প্রোজেক্তশিং অসিনা মীয়াম, পোৎলম অমসুং সর্ভিসশিং চত্থোক-চৎশিন তৌবদা অপনবা লৈতবা কনেক্তিভিতী পীরগনি।

ৱেস্ত বেঙ্গল, ঝারখন্দ, ওরিশা, মধ্য প্রদেশ অমসুং ছত্তিসগর রাজ্যশিংগী দিস্ত্রিক্ত ১৪দা য়ৌবা প্রোজেক্ত ৩ অসিনা ইন্দিয়ন রেলৱেজকী হৌজিক লৈরিবা নেতৱার্ক অসি কিলোমিতর ৬৫৬ রোম শাংদোক্লগনি। প্রপোজ তৌরিবা মল্তি-ত্রেকিং প্রোজেক্তশিং অসিনা চাউরাক্না মীওই লাখ ৫৬ লৈবা খুঙ্গং ৪,৭৯০ রোমদা কনেক্তিভিতী হেনগৎহনগনি।

প্রপোজ তৌরিবা কেপাসিতী হেনগৎহনবগী থবক অসিনা লৈবাক অসিগী মশক নাইবা তুরিস্ত দেস্তিনেসন কয়াগী রেল কনেক্তিভিতী ফগৎহনগনি, মসিদা য়াওরিবা মফমশিং অদুদি তারাতারিনি লাইশঙ, শ্রী ক্সেত্র জগন্নাথ লাইশঙ (ঝারসুগুদা ময়াক্তা লৈবা অরিবা লাইশঙ), বান্ধবগর তাইগর রিজর্ব, বীরাতেশ্বর লাইশঙ, অমরকন্তক লাইশঙ, জ্বলেশ্বর ধাম, অচানকমার তাইগর রিজর্ব, খুতাঘাত ডাম, মলহার আর্কোলজিকেল সাইত, রতনপুর মহামায়া লাইশঙনচিংবসিনি।

প্রপোজ তৌরিবা প্রোজেক্তশিং অসি কোইল, সিমেন্ত, য়োৎ অমসুং স্তিলনচিংবা পোৎলমশিং পুথোক-পুশিন তৌনবা য়াম্না মরুওইবা লম্বীনি। কেপাসিতী হেনগৎলকপনা মরম ওইরগা অহেনবা মাল পুবা চহিগী মিলিয়ন তন ২৭ (MTPA) হেনগৎলকখিগনি। রেলৱেজ অসি অকোয়বগী ফিভমদা শোকহন্দবা অমসুং ইনর্জী য়াম্না চংদবা পুথোক-পুশিনগী পাম্বৈ অমা ওইবনা, মসিনা ক্লাইমেত গোলশিং ফংবা অমসুং লৈবাক্কী লোজিস্তিক্সকী চাদিং হন্থহনবদা মতেং পাংগনি, থাও ইম্পোর্ত তৌবা (চাউরাক্না লিতর করোর ১২) হন্থহনগনি অমসুং CO2 থাদোকপা (চাউরাক্না কেজি করোর ৬২) হন্থহনগনি মসি উ-পাম্বী করোর ২.৪৮ রোম থাবগা মান্নৈ।

****