صدر جمہوریۂ ہند 22 ستمبر 2026 کو گجرات کے ایکتا نگر (کیواڑیا) میں 72 ویں نیشنل فلم ایوارڈز عطا کریں گی۔ ملک بھر سے فلم ساز، اداکار، تکنیکی ماہرین اور دیگر فنکار سال 2024 کے لیے بھارتی سنیما میں شاندار خدمات کا جشن منانے کے لیے شرکت کریں گے۔

سال 1954ء میں قائم کیے جانے والے نیشنل فلم ایوارڈز، سنیما میں بہترین کارکردگی کے لیے ملک کے سب سے معتبر اعزاز ہیں۔ سات دہائیوں کے دوران، فیچر فلموں، غیر فیچر فلموں اور سنیما سے متعلق تحریروں کے سلسلے میں شاندار تخلیقی و تکنیکی کامیابیوں کے اعتراف میں دیے گئے ہیں ساتھ ہی ان سے بھارتی فلم سازی کے مالامال لسانی، ثقافتی اور علاقائی تنوع کی عکاسی بھی ہوتی ہے۔

ایک اہم پالیسی اقدام کے تحت، وزارتِ اطلاعات و نشریات کی جانب سے یہ فیصلہ کیا گیا ہے کہ نیشنل فلم ایوارڈز کا انعقاد قومی دارالحکومت سے باہر ملک کے مختلف حصوں میں کیا جائے۔ اس سال ایکتا نگر میں ہونے والی تقریب میں پورے بھارت سے فلمی ماہرین شرکت کریں گے اور ’ایک بھارت، شریشٹھ بھارت‘ کے جذبے کو پیش کریں گے۔

بہتّر ویں نیشنل فلم ایوارڈز مختلف زبانوں، اصناف اور سنیما کی اقسام میں اس تنوع کو نمایاں کرتے ہیں۔ ’آرٹیکل 370‘ کو بہترین فیچر فلم کے طور پر اعزاز سے نوازا جائے گا۔ جیوری نے ’بھنگار‘ کو بہترین غیر فیچر فلم اور ’رام نامی‘ کو بہترین دستاویزی فلم کے طور پر منتخب کیا ہے۔ ’بھرما یوگم‘ کے لیے مموٹی اور ’چندو چیمپئن‘ کے لیے کارتک آرین کو بہترین مرکزی اداکار کے ایوارڈ کا اعلان کیا گیا ہے، جبکہ یمی گوتم کو ’آرٹیکل 370‘ کے لیے بہترین مرکزی اداکار کا اعزاز دیا جائے گا۔ رندیپ ہوڈا کو ’سوتنتریہ ویر ساورکر‘ کے لیے بہترین ڈیبیو ڈائریکٹر کا ایوارڈ ملے گا۔

یہ ایوارڈز مختلف زبانوں اور شعبوں میں فلمی بہترین کارکردگی کے اعتراف میں دیے جاتے ہیں، جن میں مراٹھی، سنتھالی، تمل، ملیالم، تیلگو، کنڑ، ٹلو اور گڑھوالی، دیگر زبانیں شامل ہیں۔ متعدد فلموں، جن میں ’کلکی 2898 اے ڈی‘، ’امارن‘، ’پشپا: دی رول پارٹ-02‘، ’بھول بھلیاں 3‘ اور ’استری 2‘ شامل ہیں، کو بھی مختلف زمروں میں ایوارڈز عطا کیے جائیں گے۔ پہلی بار، نیشنل فلم ایوارڈز کے غیر فیچر فلم سیکشن میں کسی سنتھالی فلم کو اعزاز سے نوازا جائے گا۔

سینما پر بہترین تحریر کے زمرے میں، سنجیو شریواستو کو بہترین فلمی نقاد کے ایوارڈ کے لیے نامزد کیا گیا ہے۔ سینما پر بہترین کتاب کا ایوارڈ ڈاکٹر پردیپ کنچنورو کی لکھی ہوئی اور ’مرر پستکا‘ کی شائع کردہ کتاب ’نانئرووڈے نِماگاگی نادئرووڈے نَناگاگی: کنڑ سنیما دا تتوا متھو راجکیا‘ (میں آپ کے لیے ہوں، ریاست ہمارے لیے ہے: کنڑ سینما کے سیاسی اور فلسفیانہ ابعاد) کو دیا جائے گا۔

******

ش ح۔ک ح۔ا ک م

U. No. 3151