প্রধানমন্ত্রীগী লোইশঙ
প্রধান মন্ত্রীনা নেস্নেল তিচর্স এৱার্দ ফংলবশিংগা ৱারী শানখ্রে
নেস্নেল তিচর্স এৱার্দকীদমক ওজা অমসুং এজুকেতর ৮২ খনগৎখি
নহা ওইরিবা মহৈরোয়শিংদা দ্রগ এদিক্সনগী খুদোংচাদবা অসি থেংননবা অমসুং মখোয়বু মদু থাদোক্নবা হোৎনবদা মতেং পাংনবা পি.এম.না ওজাশিংদা হায়খ্রে
স্পোর্তস, ফিজিকেল গেমশিং অমসুং ক্রিএতিব এক্তিবিতীশিংগী খুত্থাংদা অঙাংশিংদা কা হেনবা স্ক্রীন তাইম অসি হন্থহন্নবা প্রধান মন্ত্রীনা হায়খ্রে
পি.এম. মোদীনা ওজাশিংদা অঙাং ওইরিঙৈগী মতম ঙাক্তুনা থম্নবা অমসুং অঙাংশিংগী মহৌশাগী ওইবা হৈ-শিংবা হেনগৎহন্নবা হায়খ্রে
ওজাশিংনা ক্লাসরুমদা তম্ববু হেন্না পুক্নিং চিংশিনবা অমসুং ইফেক্তিব ওইহন্নবা মখোয়না শীজিন্নরিবা ক্রিএতিব এপ্রোচশিং শেয়র তৌরি
থাগৎখিবা:
05 SEP 2026 10:39AM by PIB Imphal
প্রধান মন্ত্রী শ্রী নরেন্দ্র মোদীনা ঙরাং লোক কল্যান মার্গতা লৈবা মহাক্কী য়ুমদা নেস্নেল তিচর্স এৱার্দ ফংলবশিংগা ৱারী শাখ্রে।
চহি অসিদা দিপার্তমেন্ত অহুমদগী ওজা অমসুং এদুকেতর ৮২বু নেস্নেল তিচর্স এৱার্দকীদমক খনগৎখ্রে। মসিগী মনুংদা স্কুল এজুকেসন অমসুং লিতরেসী দিপার্তমেন্তকী ওজা ৪৮, হায়র এজুকেসন ইন্সতিত্যুসনশিং অমসুং পোলিতেক্নিকশিংগী ওজা ২১ অমসুং স্কিল দিবেলপমেন্ত অমসুং ওন্ত্রপ্রিন্যুওরশিপ মন্ত্রালয়গী স্কিল ত্রেনর ১৩ য়াওরি। এৱার্দ ফংলবশিংনা মখোয়গী ত্রেনিংগী খোঙচৎ শেমগৎলকখিবা এক্সপরিয়েন্স অমসুং ইন্নোবেসনশিং অদু পাউদমখি। মখোয়না ক্লাসরুমদা তম্ববু হেন্না পুক্নিং চিংশিনগদবা অমসুং ইফেক্তিব ওইহন্নবা মখোয়না শীজিন্নবা ক্রিএতিব এপ্রোচ কয়া অমা শেয়র তৌখি।
প্রধান মন্ত্রীনা অকনবা ৱাফম থমখি মদুদি ওজাশিংনা অঙাংশিংগী একাদেমিক পর্ফোমেন্সকী ৱাংমদা য়েংদুনা মখোয়গী লমচৎ-শাজৎ অমসুং নুমিৎ খুদিংগী পুন্সিদা পুক্নিং চংবা মথৌ তাই। ত্রেদিস্নেল জোইন্ত ফেমিলী সেৎ-অপকী হন্থরকপগী মতাংদা পল্লদুনা মহাক্না হায়খি মদুদি ওজাশিংনা অঙাংশিংগী পুন্সিদা য়াম্না মরু ওইবা থৌদাং অমা লৌরি। দ্রগকী মতাংদা পল্লদুনা, প্রধান মন্ত্রীনা ওজাশিংদা অঙাংশিংদা অহোংবা লাকপদা মূকুপ নাহুমশিংনা লৈনবা, মরমশিং খঙদোক্নবা অমসুং অঙাংশিং মসিদগী নান্থোকপদা মতেং পাংনবা হায়খি।
প্রধান মন্ত্রীনা হায়খি মদুদি অঙাং ওইরিঙৈগী নিংতম্বা ঙাক্তুনা থম্বা অসি ওজা অমনা লৌবা য়াবা মরুওইবা থৌদাং অমনি। মহাক্না হায়খি মদুদি অঙাংশিংদা চপ মান্নবা মহৌশা অমসুং খঙনীংবগী ইথিল লৈ অমসুং করিগুম্বা ওজাশিংনা খঙনীংবগী ইথিল অসিবু মওং চুম্না খুমাং চাউশিলহল্লবদি, মখোয়না মখোয়গী দিবেলপমেন্তদা চাউনা তেংবাং পীবা ঙমগনি।
স্ক্রীন তাইমগী ইসু অদু পল্লদুনা মহাক্না হায়খি মদুদি মসি মরুওইবা ৱাফম অমা ওইরক্লি। মহাক্না ওজাশিংদা মমা-মপাশিংগা মখোয়গী অঙাংশিংনা স্ক্রীন্দা মতম কয়া লেনবগে অমসুং নুমিদাং অথেংবা ফাওবদা মোবাইল ফোন শীজিন্নব্রা হায়বগী মতাংদা ৱারী শাননবা হায়খি। মহাক্না হায়খি মদুদি অঙাংশিংনা শান্ন-খোৎনবা, ফিজিকেল গেমশিং অমসুং ক্রিএতিব এক্তিবিতীশিংদা পুক্নিং চিংশিন্দুনা স্ক্রীন শীজিন্নবা অসিদগী তপ্না তপ্না লাপথোকপা য়াই।
প্রধান মন্ত্রীনা নেস্নেল এজুকেসন পোলিসীগী মতাংদা পনখি অমসুং অঙাংশিংবু ক্লাস রুমগী মপান্দা পুথোকপা অমসুং মখোয়বু অশেংবা মালেমগী স্কিল অমসুং থবকশিংগী মওংগা শম্নহনবগী মরুওইবা অদু পনখি। মহাক্না ওজাশিংদা সেলেবসকী মতাংদা লৌশিং পীবতা নত্তনা অঙাংশিংগী মরক্তা থবক শুবা অসিবু ইকাই খুম্নবা উৎপা অসিগুম্বা মগুনশিং পীবদা মতেং পাংনবা হায়খি।
******
(রিলিজ আই.দি.: 2306996)
ভিজিতর কাউন্তর : 4
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam