একজামিনেসনগী প্রোসেস অসি নিয়ম চুম্বা, সেক্যুর ওইবা অমসুং অপনবা লৈহন্দনবা কমপ্রিহেন্সিব লোজিস্তিক, তেক্নোলোজিকেল, সেক্যুরিতী অমসুং মেনপাৱরগী থৌরাংশিং পায়খৎপগা লোয়ননা নেস্নেল বোর্দ ওফ একজামিনেসন ইন মেদিকেল সাইন্সেস (এন.বি.ই.এম.এস.) না লৈবাক শিনবা থুংনা ২০২৬কী ওগস্ত ৩০দা নীত-পি.জি. ২০২৬কী একজামিনেসন মায় পাক্না পাঙথোকখ্রে।

রাজ্য অমসুং য়ুনিয়ন তেরিতোরী ৩৬ শিনবা থুংনা লৈবা সহর ৩৩৯দা লৈরিবা একজামিনেসন সেন্তর ১,১১১দা একজামিনেসন অসি কেন্দিদেৎ ২,৭৩,০৯৬কীদমক্তা পাংথোকখি। অপুনবা কেন্দিদেৎ ২,৬৫,৯৮০না একজামিনেসন অদুদা শরুক য়াখি অমসুং চাউরাক্না কেন্দিদেৎ ২,৬৩,৫৩৫গীদমক একজামিনেসন অদু মায় পাক্না লোইশিনখি।

লৈবাক শিনবা থুংনা পাংথোকখিবা একজামিনেসন অসি পাক-শন্না রিএল-তাইম মোনিতরিং অমসুং অকনবা সেক্যুরিতীগী খোঙথাংশিংনা মতেং পাংখি। একজামিনেসন অসি পাংথোক্নবা য়েংশিন্নবা অপুনবা ফেকল্তী মেম্বর ২৫২৭বু ইন্দিপেন্দেন্ত এপ্রেসরশিং ওইনা খনখি। মসিগী মথক্তা, দীনশিং, দাইরেক্তরশিং, মেদিকেল সুপরিন্তেন্দেন্তশিং অমসুং সেনিয়র প্রোফেসরশিং য়াওনা সেনিয়র ফেকল্তী মেম্বর ৭০০ হেনববু ফ্লাইয়িং স্ক্বাদ মেম্বরশিং ওইনা দিপ্লোই তৌখি।

কোওর্দিনেসন অমসুং মোনিতরিং মপাঙ্গল কনখৎহন্নবা, লৈবাক শিনবা থুংনা এন.বি.ই.এম.এস. রিজনেল কমান্দ সেন্তর ১৬ মথৌ তৌহনখ্রে।

একজামিনেসন সেন্তরশিং অসি লাইব সি.সি.তি.ভি. সর্ভিলেন্সকী মখাদা থমখি, মসিগী য়েংশিনবা অসি দ্বারকাদা লৈবা এন.বি.ই.এম.এস.কী হেদক্বার্তরদা লৈবা কমান্দ সেন্তরদগী লেপ্পা লৈতনা মোনিতর তৌখি। এন.বি.ই.এম.এস. অমসুং তি.সি.এস.তগী পর্সোনেল ১৯০গী ওইবা অখন্নবা তীম অমা রিএল-তাইম সর্ভিলেন্স অমসুং মোনিতরিংগীদমক দিপ্লোই তৌখি।

এন.বি.ই.এম.এস.গী হেদক্বাতরদা লৈবা কমান্দ সেন্তরদা এন.বি.ই.এম.এস., হকশেল অমসুং য়াইফ-য়ুম্বাল মন্ত্রালয়, বি.ই.এল., ই.সি.আই.এল. অমসুং তি.সি.এস.কী ওফিসিএলশিংনা নুমিৎ চুপ্পা একজামিনেসনগী থৌওং অদু কুপ্না য়েংশিনখি।

একজামিনেসন সেক্যুরিতী হেন্না মপাঙ্গল কনখৎহন্নবা অমসুং ইম্পর্সনেসন থীংনবা খোঙথাংশিংগী শরুক অমা ওইনা, একজামিনেসন সেন্তরশিংদা আধারদা য়ুম্ফম ওইবা কেন্দিদেৎশিংগী ওথেন্তিকেসন মায় পাক্না পাংথোকখি। সরকারগী এজেন্সীশিংনা একজামিনেসন অসি শাফনা অমসুং কাংলোন চুম্না পাংথোকপদা মপুং ফানা মতেং পাংখি।

লৈবাক শিনবা থুংনা কেন্দিদেৎ অয়াম্বনা একজামিনেসন অসি মায় পাক্না পাংথোক্লবসু, রাজস্থানগী জয়পুরদা লৈবা আই.ও.এন. দিজিতেল জোন আই.দি.জেৎ সীতাপুরা সেন্তরদা (তি.সি. নম্বর ৪১৬৮২ অমসুং ৪১৬৮৩) খঙহৌদনা তেক্নিকেলগী অশোইবা অমা থোকখি। মসিদা একজামিনেসন পাংথোক্লিবা এজেন্সী এম/এস. তি.সি.এস. লিমিতেদকী অশোইবনা তেস্ত সেন্তরদা ইন্তর্নেল পাৱর সপ্লাই ইসু্শিংনা মরম ওইদুনা কেন্দিদেৎ ২,৪৪৫না একজামিনেসন অদু মপুং ফানা শরুক য়াবা ঙমখিদে।

এন.বি.ই.এম.এস.না শোকহল্লবা কেন্দিদেৎশিংদা থোকহনখিবা খুদোংচাদবশিংগীদমক নুংঙাইতবা ফোংদোকখ্রে। শোকহল্লবা কেন্দিদেৎ খুদিংমকপু নীত-পি.জি. ২০২৬তা য়াওনবগী অচুম্বা অমসুং চপ মান্নবা খুদোংচাবা ফংহন্নবা, হায়রিবা কেন্দিদেৎ ২,৪৪৫ অসিগী একজামিনেস অসি ২০২৬কী সেপ্তেম্বর ৫ (থাংজ)দা পুং ৩.০০ তাবদা রাজস্থানগী জয়পুরদা পাংথোক্কনি।

সহর ৩৩৯দা লৈরিবা সেন্তর ১,১১১দা একজামিনেসন অসি মায় পাক্না পাংথোকপা অসিনা লৈবাক শিনবা থুংনা পাংথোক্লিবা থবক অসিদা য়াওরিবা একজামিনেসন ওথোরিতীশিং, মেদিকেল ইন্সতিত্যুসনশিং, ফেকল্তীশিং, সেক্যুরিতী এজেন্সীশিং, তেক্নোলোজী তীমশিং অমসুং অতোপ্পা স্তেকহোল্দরশিংগী মরক্তা পাক শন্না চৎমিন্নবগী মওং উৎলি।

এন.বি.ই.এম.এস.না কেন্দিদেৎশিংগী তেংবাং, পেসেন্স অমসুং থাজবা অদুগীদমক থাগৎপা ফোংদোক্লি অমসুং নীত-পি.জি. ২০২৬ পাংথোকপগা মরী লৈনবা পর্সনেল অমসুং ইন্সতিত্যুসন পুম্নমক্না হোৎনরিবা অদুগীদমক থাগৎপা ফোংদোক্লি।

***