નેશનલ પેમેન્ટ્સ કોર્પોરેશન ઓફ ઇન્ડિયા (NPCI)ની આંતરરાષ્ટ્રીય શાખા NPCI ઇન્ટરનેશનલ પેમેન્ટ્સ લિમિટેડ (NIPL)એ 30 ઓગસ્ટ 2026ના રોજ ઉઝબેકિસ્તાનની રાષ્ટ્રીય પેમેન્ટ સિસ્ટમ HUMOના સંચાલક નેશનલ ઇન્ટરબેન્ક પ્રોસેસિંગ સેન્ટર JSC (NIPC) સાથે વ્યાવસાયિક કરાર કર્યો છે. આ ભાગીદારીથી ભારતીય પ્રવાસીઓ તેમની પરિચિત UPI-સક્ષમ એપ્લિકેશનોનો ઉપયોગ કરીને ઉઝબેકિસ્તાનના રાષ્ટ્રીય ઇન્ટરઓપરેબલ QR કોડ UZQRને સ્કેન કરી શકશે અને સમગ્ર દેશમાં વેપારીઓને તાત્કાલિક ચુકવણી કરી શકશે.

આ જાહેરાત ભારતના પ્રધાનમંત્રીની ઉઝબેકિસ્તાનની દ્વિપક્ષીય મુલાકાત દરમિયાન કરવામાં આવી હતી. આ કરારનું અમલીકરણ રિઝર્વ બેંક ઓફ ઈન્ડિયા (RBI) અને સેન્ટ્રલ બેંક ઓફ ઉઝબેકિસ્તાન (CBU) સહિતના નાણાકીય નિયમનકારોની ઔપચારિક મંજૂરીઓને અનુસરે છે, જેમણે HUMO ને સરહદ પારની વેપારી સ્વીકૃતિ માટે NIPLના અધિકૃત ભાગીદાર તરીકે નિયુક્ત કર્યા છે.

કરારની મુખ્ય વિશેષતાઓ

સર્વવ્યાપક વેપારી સ્વીકાર્યતા: CBU દ્વારા નિર્ધારિત યુનિફાઇડ નેશનલ QR ઇન્ફ્રાસ્ટ્રક્ચર (UZQR) સાથે એકીકરણ થવાથી UPI વપરાશકર્તાઓને ઉઝબેકિસ્તાનમાં રિટેલ, હોસ્પિટાલિટી અને સેવા ક્ષેત્રના વેપારીઓ પાસે લગભગ સર્વવ્યાપક સ્વીકાર્યતા મળશે.

સુગમ પ્રવાસ અનુભવ: ભારતીય પ્રવાસીઓ, બિઝનેસ પ્રવાસીઓ અને વિદ્યાર્થીઓ પોતાના ભારતીય બેંક ખાતામાંથી સીધી વ્યક્તિથી વેપારી (P2M) ચુકવણી કરી શકશે. તેનાથી વિદેશી ચલણના વધારાના ચાર્જની મુશ્કેલી દૂર થશે અને આંતરરાષ્ટ્રીય કાર્ડ અથવા રોકડ પરની નિર્ભરતા ઘટશે.

દ્વિપક્ષીય સંબંધો વધુ મજબૂત: આ પહેલ ડિજિટલ પબ્લિક ઇન્ફ્રાસ્ટ્રક્ચરમાં સહયોગને આગળ વધારે છે અને બંને દેશોના વ્યાપક વ્યૂહાત્મક તથા આર્થિક લક્ષ્યો સાથે સુસંગત છે.

UPI દસ દેશોમાં સ્વીકાર્ય

 સિંગાપોર, સંયુક્ત આરબ અમીરાત, ફ્રાન્સ, મોરેશિયસ, નેપાળ, ભૂતાન, કતાર, શ્રીલંકા, કેમ્બોડિયા અને ગ્રીસ, ભારતીય પ્રવાસીઓને UPI દ્વારા વિદેશમાં સીમલેસ ચુકવણીઓ કરવા માટે સક્ષમ બનાવે છે.

SM/BS/JD