প্রধানমন্ত্রীগী লোইশঙ
উজবেকিস্তানগী রাস্ত্রপতিগা লোয়ননা পাংথোকপা জোইন্ত প্রেস স্তেৎমেন্ত মনুংদা থমখিবা প্রধান মন্ত্রীগী ৱারোল
থাগৎখিবা:
30 AUG 2026 4:41PM by PIB Imphal
য়োর এক্সিলেন্সী, ঐগী মরুপ, রাস্ত্রপতি,
লৈবাক অনিমককী দেলিগেৎশিং,
মীদিয়াগী মরুপশিং,
খুরুমজরি!
তাশকেন্তদা ঐহাক অমসুং ঐহাক্কী দেলিগেসনবু তরাম্না ওকপীবগীদমক ঐহাক্না উজবেকিস্তানগী রাস্ত্রপতি অমসুং মীয়ামদা থম্মোয় শেংনা তৌবীমল খঙবা ফোংদোকচরি।
মসি ঐহাক্কী উজবেকিস্তানদা লাকপা মরিশুবা খোঙচৎনি। মসিনা ঐখোয়গী অনকপা মরী, ঐখোয়গী মক্না তেংবাং পীনবা অমসুং ঐখোয়গী অচেৎপা মরুপ-মপাং ওইবগী মরী অদু উৎলি।
ঐহাক্না চহী তরাগী খুজিং অমগী ময়া রাস্ত্রপতিগা লোয়ননা থবক তৌমিন্নবগী খুদোংচাবা ফংখি। মতম অসিগী মনুংদা ঐহাক্না থৌরম তরা হেনবা মহাক্কা উনবগী খুদোংচাবা ফংজখি।
মহাক্কী পোজিতিব ওইবা অমসুং মীৎয়েং শানবা ৱাখল্লোন, লোয়ননা লেপ্পা লৈতনা তমনীংবগী মহাক্কী থৌনা অসি তশেংনা ইথিল পীনীংঙাই ওইরি। ভারতকা লৈনরিবা মহাক্কী মরুপ ওইবগী মরী অমসুং হনবা লৈত্রবা ফিরেপ অসিগীদমক ঐহাক্না মহাক্কী মফমদা থম্মোয় শেংনা থাগৎপা ফোংদোকচরি।
মরুপশিং,
উজবেকিস্তান অসি সেন্ত্রেল এসিয়াগী ময়োল লম ওইরি অমসুং লমদম অসিগা লোয়ননা ভারতকী এঙ্গেজমেন্তগী ময়াইদা লৈ।
ভারত অমসুং উজবেকিস্তানগী ভিজনশিং অমসুং এস্পিরেসনশিংগী মরক্তা মান্নবা য়াম্না লৈ। নহারোল, ইন্নোভেসন, ইনক্লুসিব গ্রোথ অমসুং মোদর্ন তেক্নোলোজী অসি “য়াঙ্গি উজবেকিস্তান” অমসুং “ভিক্সিৎ ভারত ২০৪৭”গী মরু ওইবা ওইরি। মান্নবা ভিজননা লমজিংদুনা ঐখোয়না লৈবাক অনিমক্কী মীয়ামগী য়াইফনবা থবক তৌরি।
চহি অসিদা ঐখোয়গী স্ত্রেতেজিক পার্তনরশিপ চহি ১৫ মপুং ফারি। মসিগী অখন্নবা থৌরম অসিদা ঐখোয়গী মরী অসিবু কম্প্রিহেন্সিব স্ত্রেতেজিক পার্তনরশিপ অমগী থাক্তা পুখৎনবা ৱারেপ লৌরে। ঙসি ঐহাক্না ঐখোয়গী পার্তনরশিপকী অনৌবা ফ্রেমৱার্ক অসিগী মনুংদা খোঙজেল অমসুং কনক্রিৎ রিজলশিং পীনবা মাংলোমদা চংশিন্নবা অচৌবা এজেন্দা অমা থমখ্রে।
ঐখোয়গী বাইলেতরেল ত্রেদ অসি বিলিয়ন দোলর অমগী মশীং হেনখ্রে। ঐখোয়না হৌজিক ২০৩০ ফাওবদা বিলিয়ন দোলর মঙাগী পান্দম অমা থমখ্রে। মসি ফংনবগীদমক ঐখোয়না মার্কেৎ এক্সেস, কন্নেক্তিবিতী, বেঙ্কিং অমসুং পেমেন্তশিংগা মরী লৈনবা সমস্যাশিংদা সিস্তেমেতিক ওইনা মাংদা চংশিল্লগনি।
ঐখোয়না ইনফ্রাস্ত্রকচর দিবেলপমেন্তদা নাকল অনিমক্কী কান্নগদবা তেংবাং পীনবা হেনগৎহন্নবা পুন্না থবক তৌরগনি। দিজিতেল পব্লিক ইনফ্রাস্ত্রকচর, এ.আই., ক্রিতিকেল মিনরেলশিং, ক্লীন ইনর্জী, স্পেস, অমসুং ন্যুক্লিয়র ইনর্জীগুম্বা লমশিংদা চুংশিন্নবা অসিনা ঐখোয়গী পার্তনরশিপ অসিবু ফ্যুচর-রেদী ওইহল্লগনি।
মরুপশিং,
লৌউ-শিংউ অমসুং হকশেলগী লমদা লৈরিবা ঐখোয়গী পাঙ্গলশিং অসিনা অমনা অমগী মতেং ওইরি। উজবেকিস্তানগী হোরতিকলচরদা লৈরিবা এক্সপরিয়েন্সকা ভারতকী মোদর্ন এগ্রিকলচরেল প্রেক্তিসশিং পুনশিন্নদুনা ঐখোয়না লৈবাক অনিমক্কী ফুদ সেক্যুরিতীদা শরুক তম্বা ঙম্লগনি।
উজবেকিস্তানগী হীদাক কান্নরবা পাম্বীশিং অমসুং আয়ুর্বেদতা লৈরিবা ভারতকী এক্সপর্তিজ অসিনা মহৌশাগী ওইবা অপুনবা অমা ওইরে। ত্রেদিস্নেল মেদিসিনদা ঙসি খুৎয়েক পীনখিবা য়ান্ন-ৱারোল অসিনা ঐখোয়গী অপুনবা খোঙথাংশিং হেন্না মপাঙ্গল কনখৎহল্লগনি।
ঐখোয়না ঐখোয়গী পার্তনরশিপ অসি কোনুং অনিদা খক্তা অকক্নবা ওইহন্দনবা পান্দম থম্মি। মরম অদুনা ঐখোয়না ঐখোয়গী সহরশিং অমসুং রাজ্যশিংগী মরক্তা পার্তনরশিপশিং তৌরি। মসিগী পার্তনরশিপশিং অসিনা অর্বান মেনেজমেন্ত, ইন্দস্ত্রী, এজুকেসন, তুরিজম অমসুং কলচরগুম্বা লমশিংদা লেপ্পা লৈতবা অমসুং হকথেংননা কন্নেক্সন লৈহনবা ঙম্লগনি।
ঐখোয়গী লৈবাক অনিগী মরক্তা দিফেন্স অমসুং সেক্যুরিতীগী তেংবাং অসিনা ঐখোয়গী অচেৎপা থাজবা অদু উৎলি। মাংদা চংশিনবা ওইনা ঐখোয়না লৈবাক অনিমক্কী দিফেন্স ইন্দস্ত্রীশিংগী মরক্তা দাইরেক্ত লিঙ্কেজশিং, কো-প্রদক্সন, অমসুং কো-দিবেলপমেন্তসু থৌগৎকনি।
ঐখোয়না থাজৈ মদুদি তেরিরিজম, এক্সত্রিমিজম অমসুং সেপরেতিজমনা অপুনবা লমদমদা অচৌবা শীংনবা অমা ওইরি। মখোয় অসিদা জিরো তোলরেন্স লৈদুনা লাক্লি অমসুং মখা তানা লৈখিগনি, মসি ঐখোয়গী মান্নবা ফিরেপ অমনি।
মরুপশিং,
ঐখোয়গী মরীশিংগী অচেৎপা য়ুম্ফমশিং অসি ঐখোয়গী মান্নবা হেরিতেজনি। ঙসি ঐখোয়না মসিগী মরীশিং অসি হেন্না মপাঙ্গল কনখৎহন্নবা অখন্নবা মীৎয়েং থম্মি।
ঐখোয়না উজবেকিস্তানগী বুদ্ধিস্ত হেরিতেজ সাইৎশিং ঙাকশেন্নবা পুন্না থবক তৌমিন্নরি। লৈবাক অনিমক্কী নহারিলশিংগী মরক্তা – অখন্ননা মহৈরোইশিং অমসুং প্রোফেস্নেলশিং – এক্সচেঞ্জশিং তৌবা অসি ঐখোয়গীদমক খ্বাইদগী মরু ওইবনি। ‘প্রোগ্রাম ওফ কোওপরেসন’ অমদা য়ান্ন-ৱারোল অমা ঙসি পীনখিবাঅসিনা লৈবাক অনিগী মরক্তা তুরিজম থৌগৎলগনি। ঐহাক্না উজবেকিস্তানদা হিন্দী লোল থৌগৎনবা ঙসি স্কোলরশিপশিং লাউথোকখিবদা নুংঙাইবা ফাওই।
স্পোর্তস অসি ঐখোয়গী তেংবাং পীনবগী মরু ওইবা লম অমসু ওইরে। মমাং চহিদা চহি কুন শুরবা উজবেক গ্রান্দমাস্তর সিন্দারোবনা গোৱাদা পাংথোকপা এফ.আই.দি.ই. ৱর্ল্দ কপ লৌখি। হৌজিক নবেম্বরদা মহাক্না ভারতকী চহি কুন শুরবা চেস চেম্পিয়ন গুকেশকা থেংনগনি। নহা ওইরিবা স্তার অনি অসিনা চেসবোর্দতা থেংনবা মতমদা মালেম পুম্বনা মেৎচ অসিদা শোইদনা মীৎয়েং থম্নরক্কনি। ঐহাক্না সমরকন্দদা মথং থংদা পাংথোক্কদৌরিবা চেস ওলিম্পিয়দকীদমক য়াইফ মঙ্গোল পীজরি। তুংলমচৎতা কুরশ অমসুং কাবাদ্দিগুম্বা ত্রেদিস্নেল গেমশিংনা ঐখোয়গী স্পোর্তস পার্তনরশিপতা অনৌবা ইনর্জী অমসু হাপলগনি।
ঙসিগী খন্ন-নৈনবা অসিনা ঐখোয়গী মরীশিংগী তুংলমচৎকীদমক ময়েক শেংবা মায়োল অমা পীরগনি। সেন্ত্রেল এসিয়াদা শান্তি, চাউখৎপা অমসুং নুংঙাই য়াইফনবগীদমক মপাঙ্গল কনবা ইন্দিয়া-উজবেকিস্তান পার্তনরশিপ অসিনা শক্তি লৈরবা ফোর্স অমা ওইরগনি।
এক্সিলেন্সী,
অদোমগী মরুপ-মপাং ওইবগী মরী অমসুং ঙসিগী মহৈ য়াল্লবা খন্ন-নৈনবা অসিগীদমক অমুক হন্না থাগৎপা ফোংদোকচরি।
নুমিৎ নিনিগী মতুংদা উজবেকিস্তাননা মাগী নীংতম্বা ফংখিবগী ৩৫শুবা কুমওন পালন তৌরগনি। ভারত মচা বিলিয়ন ১.৪গী মহুৎ শিন্দুনা ঐহাক্না অদোম অমসুং প্রজা পুম্নমক্তা থম্মোয় শেংনা নুংঙাইবা ফোংদোকচরি অমসুং য়াইফ-পাউজেল পীজরি।
হন্না-হন্না থাগৎচরি।
*****
(রিলিজ আই.দি.: 2304722)
ভিজিতর কাউন্তর : 5