আধাৰ এপে ৫০ নিযুত  (৫ কোটি) ডাউনলোডৰ উল্লেখযোগ্য মাইলৰ খুঁটি অতিক্ৰম কৰিছে, যিয়ে মানুহৰ মাজত সুবিধাজনক আৰু ডিজিটেল-প্ৰথম আধাৰ সেৱাৰ ক্ৰমাৎ গ্ৰহণযোগ্যতাকে প্ৰতিফলিত কৰিছে।

এই মাইলৰ খুঁটিটোৱে আবাসী আৰু ইউআইডিএআইৰ মাজত ডিজিটেল আন্তঃপৃষ্ঠ হিচাপে আধাৰ এপৰ উল্লেখযোগ্য সম্প্ৰসাৰণ ঘটাইছে, যাৰ ফলত আধাৰ নম্বৰধাৰীসকলে তেওঁলোকৰ স্মাৰ্টফোনৰ পৰা মোবাইল নম্বৰ আপডেট, ঠিকনা আপডেট, ইমেইল আপডেট, বায়’মেট্ৰিক লক/আনলক আৰু ই-আধাৰ ডাউনলোডকে ধৰি ক্ৰমাৎ বৃদ্ধি পোৱা পৰিসৰৰ সেৱাসমূহ লাভ কৰিবলৈ সক্ষম হৈছে। এই এপ মুকলি হোৱাৰ  পিছৰে পৰা ইয়াৰ  শক্তিশালী আৰু স্থায়ী ব্যৱহাৰ দেখা গৈছে। আধাৰ এপ ব্যৱহাৰ কৰি ৬০ লাখৰো অধিক লোকে নিজৰ মোবাইল নম্বৰ আপডেট কৰাৰ বিপৰীতে আধাৰ এপ ব্যৱহাৰ কৰি ১৫ লাখৰো অধিক ঠিকনা আপডেট তথা  ২৩ লাখতকৈ অধিক ইমেইল আপডেট কৰা হৈছে। এই সেৱাসমূহৰ ক্ৰমবৰ্ধমান গ্ৰহণযোগ্যতাই  আধাৰ কেন্দ্ৰলৈ যোৱাৰ প্ৰয়োজনীয়া  নোহোৱা কৰিছে, আধাৰ সম্পৰ্কীয় সেৱাসমূহ ডিজিটেলভাৱে লাভ কৰাৰ বাবে মানুহৰ  মাজত ক্ৰমাৎ ই  পছন্দৰ  এপ হৈ পৰিছে।

আধাৰ এপটো “দেখাওক, শ্বেয়াৰ কৰক আৰু পৰীক্ষা কৰক” নীতিক কেন্দ্ৰ কৰি ডিজাইন কৰা হৈছে, যাৰ ফলত আধাৰ নম্বৰধাৰীসকলে তেওঁলোকৰ আধাৰ তথ্য কেনেকৈ ব্যৱহাৰ কৰা হয়  সেই বিষয়ত অধিক নিয়ন্ত্ৰণ লাভ কৰাৰ লগতে সুবিধাজনক পৰিচয় পৰীক্ষণ সম্ভৱপৰ হৈছে।

আধাৰ এপৰ বৃদ্ধিৰ সমান্তৰালভাৱে ইউআইডিএআইয়ে সুৰক্ষিত আৰু সুবিধাজনক অফলাইন পৰীক্ষণৰ বাবে পৰিৱেশতন্ত্ৰৰ সম্প্ৰসাৰণ অব্যাহত ৰাখিছে। জানুৱাৰী মাহত আৰম্ভ হোৱাৰ পিছৰে পৰা ইউআইডিএআইয়ে এতিয়া ২০০ৰো অধিক সত্তাক অফলাইন ভেৰিফিকেচন ছিকিং এণ্টিটিজ (অ’ভিএছই) হিচাপে অন্তৰ্ভুক্ত  কৰিছে।

এই মাইলৰ খুঁটিটোৱে আধাৰ অফলাইন ব্যৱস্থাৰ জৰিয়তে সুৰক্ষিত, সন্মতি-ভিত্তিক আৰু কাগজবিহীন পৰীক্ষণ সক্ষম কৰি তোলাৰ ক্ষেত্ৰত এক ডাঙৰ অগ্ৰগতিক চিহ্নিত কৰিছে -- সেৱা প্ৰদানকাৰী আৰু মানুহ উভয়কে একেদৰেই শক্তিশালী কৰি তুলিছে।

এই অ’ভিএছই অংশীদাৰসকলৰ অনবৰ্ডিঙে আধাৰ-সক্ষম, গোপনীয়তা-প্ৰথম ডিজিটেল পৰীক্ষণ কাঠামোৰ ক্ষেত্ৰত  বৃদ্ধি পোৱা আস্থাকেই  প্ৰতিফলিত কৰিছে,  যিয়ে ব্যৱহাৰকাৰী নিয়ন্ত্ৰণক অগ্ৰাধিকাৰ দিয়ে আৰু  সহজ প্ৰৱেশ নিশ্চিত কৰে।

আধাৰ অফলাইন পৰীক্ষণ পদ্ধতি যেনে কিউআৰ ক’ড-ভিত্তিক পৰীক্ষণ আৰু সুৰক্ষিত ডিজিটেলভাৱে স্বাক্ষৰিত নথিপত্ৰৰ সহায় লৈ এই সত্তাসমূহে এতিয়া ইউআইডিএআইৰ কেন্দ্ৰীয় ডাটাবেছৰ সৈতে বাস্তৱ সময়ৰ সংযোগৰ প্ৰয়োজন নোহোৱাকৈ পৰিচয়  সম্পৰ্কীয় তথ্য পৰীক্ষা কৰিব পাৰিব। এই পদ্ধতিয়ে  মানুহৰ শক্তিশালী মনোযোগ আকৰ্ষণ কৰিছে, যাতে আধাৰ নম্বৰধাৰীসকলে কেৱল নূন্যতম প্ৰয়োজনীয় তথ্যহে ভাগ-বাটোৱাৰা  কৰিব পাৰে, যাৰ ফলত গোপনীয়তা বৃদ্ধি পাইছে। এই সৰলীকৃত পৰীক্ষণ যাত্ৰাই স্বচ্ছ তথা সন্মতি-চালিত পাৰস্পৰিক ক্ৰিয়াৰ জৰিয়তে বিশ্বাসৰ পৰিৱেশ  গঢ়ি তুলিছে।

এই পদক্ষেপসমূহ চৰকাৰৰ ডিজিটেল ইণ্ডিয়া দৃষ্টিভংগী আৰু সুৰক্ষিত, সুলভ তথা  প্ৰযুক্তি-সক্ষম ৰাজহুৱা সেৱাৰ জৰিয়তে জীৱন-যাপনৰ সহজতা বৃদ্ধিৰ উদ্দেশ্যক প্ৰতিফলিত কৰি আহিছে। 

****

Vinod Kumar / Kanishk Sharma/DM