আধার এপ দাউনলোদ তৌবগী মশিং মিলিয়ন ৫০ (করোর ৫) লান্থোক্তুনা মীয়ামগী খুদোংচাগদবা অমসুং দিজিতেল-ফর্স্ত আধার সর্ভিস শীজিন্নবা হেনগৎলকপগী মমি তারি।

পন্দোল অসিনা আধার এপকী শক্লোন মীয়াম অমসুং য়ু.আই.দি.এ.আই.গী মরক্তা লৈবা দিজিতেল সর্ভিস অমা ওইনা পাকথোক চাউথোরক্তুনা আধার নম্বর পায়বা মীওইশিংবু মোবাইল নম্বর অপদেত তৌবা, লৈফম অপদেত তৌবা, ইমেল অপদেত তৌবা, বাইওমেত্রিক লোক/অনলোক অমসুং ই-আধার দাউনলোদ য়াওনা সর্ভিস মখল কয়া মখোয়গী স্মার্তফোন্দগী ফংবা ঙমহনবগী ফীভম উৎলি।

এপ অসি হেক হৌদোকখিবদগী পাম্না অমদি লেপ্পা লৈতনা শীজিন্নবা উবা ফংলি। আধার এপ শীজিন্নদুনা মীওই লাখ ৬০ হেনবনা মখোয়গী মোবাইল নম্বর অপদেত তৌখ্রে, এদ্রেস লাখ ১৫ হেনবা অপদেত তৌখ্রে অমসুং ইমেল লাখ ২৩ হেন্না অপদেত তৌখ্রে।

সর্ভিসশিং অসি শীজিন্নবগী চাং হেনগৎলক্লিবা অসিদা মীয়ামগী মরক্তা আধারগা মরী লৈনবা সর্ভিসশিং আধার সেন্তরদা চৎনদনা শীজিন্নবা পাম্নবা হেনগৎলকপগী মমি তারি।

আধার এপ অসি “শো, শেয়র এন্দ ভেরিফাই” হায়বা পরমদা শেমগত্তুনা আধার নম্বর পায়রিবা মীওইশিংদা খুদোংচাবা মওংদা আইদেন্তিতী ভেরিফিকেসন য়াহনবগা লোয়ননা মখোয়গী আধার ইনফোর্মেসন মতৌ করম্না শীজিন্নহনগদগে হায়বগী কন্ত্রোল হেন্না পী।

আধার এপ শীজিন্নবা হেনগৎলকপগা লোয়ননা, য়ু.আই.দি.এ.আই.না অশোয় অঙাম য়াওদবা অমদি খুদোংচাগদবা ওফলাইন ভেরিফিকেসনগী ইকোসিস্তেমসু লেপ্পা লৈতনা পাকথোক চাউথোকহল্লি। য়ু.আই.দি.এ.আই.না এন্তিতী ২০০ ওফলাইন ভেরিফিকেসন সীকিং এন্তিতিজ (ও.ভি.এস.ই.) ওইনা, মসি জনুৱারী থাদা লোঞ্চ তৌখিবদগী হৌরগা ওনবোর্দ তৌখ্রে।

পন্দোল অসিনা আধার ওফলাইন মেকানিজমগী খুত্থাঙদা সিক্যুর, কন্সেন্ত-বেজ, অমদি পেপরলেস ভেরিফিকেসন য়াহন্দুনা সর্ভিস ফংহল্লিবা অমদি মীয়াম অনিমক্কী মপাঙ্গল হাপ্পগী অচৌবা খুমাঙ চাওশিনবা অমা ওইরি।

হায়রিবা ও.ভি.এস.ই. পার্ত্নরশিং অসি ওনবোর্দ তৌখিবা অসিদা ইজ ওফ এক্সেস ফংহনবগা লোয়ননা য়ুজর কন্ত্রোলদা প্রাইওরিতী পীবা আধার-ইনেবল্দ, প্রাইভেসী-ফর্স্ত দিজিতেল ভেরিফিকেসন্দা মীয়াম্না থম্লিবা থাজবা হেনগৎলকপগী মমি উবা ফংলি।

ক্যু.আর. কোদ-বেজ ভেরিফিকেসন অমসুং সিক্যুর দিজিতেল্লী সাইন্দ দোকুমেন্তকুম্বা আধার ওফলাইন ভেরিফিকেসন পাম্বৈ শীজিন্নদুনা এন্তিতীশিং অসিনা হৌজিক্তি য়ু.আই.দি.এ.আই.গী সেন্ত্রেল দেতাবেজকা রিএল তাইম কন্নেক্তিবিতী মথৌ তাদনা আইদেন্তিতী ইনফোর্মেসন ভেরিফাই তৌবা য়াহল্লে।

থৌওং অসিনা মীয়ামদা মীৎয়েঙ থম্বা ফীভম অমা পুরক্তুনা, আধার নম্বর পায়বা মীওইশিংনা তঙায় ফদবা মথৌ তাবা দেতা খক্তমক শেয়র তৌবা য়াহন্দুনা প্রাইভেসী হেনগৎহল্লি। লায়থোকহল্লবা ভেরিফিকেসনগী খোঙচৎ অসি ত্রান্সপেরেন্ত অমসুং কন্সেন্ত-দ্রিভন ইন্তরেক্সনগী খুত্থাঙদা থাজবা হেনগৎহল্লি।

থৌশিলশিং অসি ভারত লৈঙাক্কী দিজিতেল ইন্দিয়া ভিজন অমসুং সিক্যুর, এসেসিবল অমদি তেক্নোলোজী-ইনেবল্দ পব্লিক সর্ভিসশিংগী খুত্থাঙদা ইজ ওফ লিভিং হেনগৎহন্নবগী পান্দমগী পরিংগা চুননা চৎলি।

****