ভারতনা মহাক্কী ব্রীক্স চেয়রশিপকি মখাদা ওগস্ত ২১, ২০২৬তা ব্রীক্স কম্যুনিকেসন মন্ত্রীশিংগী ১২সুবা মীফম পাঙথোক্লগনি। মীফম অসিদা ব্রীক্স মেম্বর লৈবাকশিংগী কম্যুনিকেসন মন্ত্রীশিং অমসুং মকোক থোঙবা মিহুৎশিং পুনশিন্দুনা ইনফোরমেশন অমসুং কম্যুনিকেসন তেক্নোলোজিশিং (আই.সি.তি.শিং), দিজিতেল ত্রান্শফোরমেশন, ইনোবেশন অমসুং রেজিয়েন্ত দিজিতেল ইনফ্রাস্ত্রকচরদা তেংবাং পিনবা মপাঙ্গল কনখৎহনবগী মতাংদা খন্নগনি।

ভারত সরকারগী কেন্দ্রগী কম্যুনিকেসন মন্ত্রী শ্রী জ্যোতিরাদিত্য এম. শিন্দিযানা ১২সুবা ব্রীক্স কম্যুনিকেসন মন্ত্রীশিংগী মীফমদা থৌরম মপু ওইগনি৷

মীফম অসি ভারতকি অপুনবা ব্রীক্স চেয়রশিপকি থিম্, “বিল্দিং ফোর রেজিয়েন্স, ইনোবেসন, কোওপরেসন অমসুং সস্তেনেবিলিতি”, অমসুং আই.সি.তি. হায়রিবা মরু ওইবশিং অসিনা ব্রীক্স লৈবাকশিংগী মরক্তা ইনক্লুসিব,  সেক্যুর অমসুং সস্তেনেবল দিজিতেল দিবেলপমেন্ত য়োকখৎনবা অমসুং তেক্নোলোজি কোওপরেসন মপাঙ্গল কনখৎহন্নবা ভারতকি ৱাশক্ অদু ফোঙদোক্লি।

১২সুবা ব্রীক্স কম্যুনিকেসন মন্ত্রীশিংগী মীফম অসিনা মেম্বর ওইরিবা লৈবাকশিংদা থোরক্লিবা তেক্নোলোজিশিং, দিজিতেল পব্লিক ইনফ্রাস্ত্রকচর, তুংগী নেতৱার্কশিং, সাইবরসেক্যুরিতি, কেপাসিতি বিল্দিং অমসুং ইনক্লুসিব দিজিতেল কনেক্তিবিতিগী মতাংদা ৱাখল্লোনশিং পীথোক-পীশিন তৌনবগী মরুওইবা প্লেৎফোর্ম্ অমা পিরগনি। খন্ন-নৈনবশিং অসিনা ব্রীক্স লৈবাকশিং অমসুং পাক-চাওরবা গ্লোবেল সাওথতা দিজিতেল ত্রান্সফোর্মেসন্দা মতেং পাংনবা প্রেক্তিকেল কোওপরেসন অসি মাংলোমদা পুখত্‍‌পা অমসুং খ্বাইদগী ফবা প্রেক্তিশশিং সেয়র তৌবদসু মিত্‍‌য়েং থমগনি।

ভারতনা মসিগী ব্রীক্স চেয়রশিপকি মনুংদা, রেজিয়েন্ত দিজিতেল ইনফ্রাস্ত্রকচর, তুংগী নেতৱর্ক্, সাইবরসেক্যুরিতি, দিজিতেল পব্লিক ইনফ্রাস্ত্রকচর (দি.পি.আই.), ইনোবেসন অমসুং কেপাসিতি বিল্দিংদা মিত্‍‌য়েং থম্বা ইনিসিয়েতিবশিংগী খু্থাংদা আই.সি.তি. তেলিকম্যুনিকেসন দিপার্তমেন্তনা আই.সি.তি.শিংদা কোওপরেসন তৌনবা ব্রীক্স ৱার্কিং গ্রুপকি মখাদা খন্ন-নৈনবদসু মাংজিল থাদুনা লাক্লি, মসিদা প্রপোজ তৌরিবা ব্রীক্স কেপাসিতি বিল্দিং সেন্তরশিং অমসুং থোরক্লিবা তেক্নোলোজিশিংদা মতেং পিনবা হেনগৎহনবগী মতাংদা খন্ন-নৈনবশিংসু য়াওরি।

মীফম অসিনা ২০২৫দা ব্রাজিলগী ব্রীক্স চেয়রশিপকি মখাদা পাংথোকখিবা ১১সুবা ব্রীক্স কম্যুনিকেসন মন্ত্রীশিংগী মীফমদা মশক খঙদোক্লবা ফলশিং অমসুং তেংবাং পিনবগী লমশিংসু শেমগৎকনি, মমাঙগী মীফম অদুদা আই.সি.তি.শিং, দিজিতেল পব্লিক ইনফ্রাস্ত্রকচর অমসুং মালেমগী দিজিতেল গবরনান্সতা ব্রীক্স মেম্বরশিংগী মরক্তা মখা তানা তেংবাং পিনবগী মরুওইবা অদু অমুক হন্না ফোঙদোকখি।

থৌরম অসিগী শরুক অমা ওইনা শ্রী জ্যোতিরাদিত্য এম.শিন্দিয়ানা মিদিয়া ব্রীফিং অমসু পাঙথোক্কনি, মসিদা ১২সুবা ব্রীক্স কম্যুনিকেসন মন্ত্রীশিংগী মীফমদা খন্ন-নৈনবশিং অমসুং মরুওইবা ফলশিংগী মতাংদা ৱারোল অমা পিগনি।

কেন্দ্রগী মন্ত্রীনা মখা তানা দিজিতেল ব্রীক্স ফোরম্ এক্শপোদা চৎকনি, মসিদাা ব্রীক্স ইকোসিস্তেমগা মরি লৈনবা দিজিতেল তেক্নোলোজিশিং, ইনোবেশনশিং অমসুং সোলুসনশিং উৎকনি। এক্সপো অসিনা ভারতকি তেক্নোলোজিগী তৌবা ঙম্বশিং অদু ফোঙদোক্নবগী খুদোংচাবা অমা পিরগনি অমসুং শরুক য়ারিবা লৈবাকশিং অমসুং স্তেকহোলদরশিংগী মরক্তা হেন্না ইন্তরেক্সন অমসুং লৌশিং পীথোক-পীশিন তৌনবগী খুদোংচাবা অমা পিরগনি।

ব্রীক্স কম্যুনিকেসন মন্ত্রীশিংগী ১২সুবা মীফম অসিনা ভারতকি ব্রীক্স চেয়রশিপতা অতোপ্পা মরুওইবা মায়লস্তোন অমা ওইরি অমসুং দিজিতেল দোমেন্দা হেন্না মপাঙ্গল কনবা পার্ত্নরশিপ্ শেমগৎনবা ভারতনা লৌরিবা ৱাশক্ অদু উৎলি। আই.সি.তি.শিংদা হেন্না তেংবাং পিনবগী খুত্থাংদা ব্রীক্স লৈবাকশিংনা হেন্না রেজিয়েন্ত, ইনক্লুশিব, সেক্যুর অমসুং সস্তেনেবল দিজিতেল অসি তুংলমচৎকি মায়কৈদা মতেং পাংবা ঙমগনি।

অহেনবা ৱারোলশিংগীদমক্তা দি.ও.তি.  হেন্দলশিং ফোলো তৌবিয়: -

X - https://x.com/DoT_India

ইন্সতা-  https://www.instagram.com/department_of_telecom?igsh=MXUxbHFjd3llZTU0YQ==

এফ.বি. - https://www.facebook.com/DoTIndia

Youtube: https://youtube.com/@departmentoftelecom?si=DALnhYkt89U5jAaa

***