প্রধান মন্ত্রী, শ্রী নরেন্দ্র মোদীনা ময়াই তাংবল লৌবা কেবিনেত কম্মিতি ওন ইকোনোমিক এফিয়র্সনা ঙসি বিহারগী এন.এইচ.-২২ (NH-22) গী মুজাফ্ফরপুর-সীতামারহি-সোনবরসা সেকসনবু ফোর-লেন (four-Lane) স্তেন্দর্দতা অপগ্রেদ তৌবদা অয়াবা পীখ্রে। প্রোজেক্ত অসি অপুনবা লুপা করোর ৩,৫৯০.৭৩ গী শেন্থংগা লোইননা হাইব্রিদ এন্যুইতি মোদ (HAM) দা অপুনবা অশাংবা কি.মি. ৮২.৫৭৮ শেমগৎকনি।

বিহারগী পাকথোক-চাউথোক্লিবা নেস্নেল হাইৱে নেতৱর্ক্কা শম্নবনা মরম ওইরগা প্রপোজ তৌরিবা প্রোজেক্ত অসিগী চাউরবা স্ত্রেতেজিক অমসুং ইকোনোমিক্কী ওইবা মরুওইবা লৈ। মসিনা সোনবরসাদা লৈবা ভারত-নেপাল ঙমখৈবু এন.এইচ.-২৭ (নোংপোক-নোংচুপ কোরিদোর)দা লৈবা মুজাফ্ফরপুরগুম্বা ইকোনোমিক সেন্তরশিংগা শম্নহনবা মরুওইবা ফীদর কোরিদোর অমা ওইনা থবক তৌরি। প্রোজেক্ত অসিনা মুজাফ্ফরপুর, মুকসুদপুর, রুন্নি সাইদপুর, থুম্মা, দুম্রা, ভুতাহি অমসুং সোনবরসাগী মী য়াম্না তাংবা মফমশিংদা লম্বী চিনবা য়াম্না হন্থহনগনি।

প্রোজেক্ত অসিনা পেসেঞ্জরশিং অমসুং পোৎ-চৈশিং য়াংনা অমসুং শাফনা চত্থোক-চৎশিন তৌবা ঙমহনগনি, চত্থোক-চৎশিনগী থৌওং ফগৎহনগনি অমসুং লমদম অসিগী কনেক্তিভিতি মপাঙ্গল কনখৎহনগনি হায়না পানরি। মসি পুংদা কি.মি. ১০০ গী খোঙজেলদা চৎনবা দিজাইন তৌখ্রে, চাংচত্তা পুংদা কি.মি. ৮০গী খোঙজেল চেল্লগনি, লম্বী ময়াইদা হাংবা মফম (at-grade median openings) য়াওদনা, থুনা অমসুং শাফনা চত্থোক-চৎশিন তৌবা ঙমহনগনি।

পি.এম. গতিশক্তি নেস্নেল মাস্তর প্লানগী কাংলোনশিংগা চুননা থৌরাং তৌবা, প্রোজেক্ত অসিনা ইন্দস্ত্রিয়েল এরিয়াশিং অমসুং মরুওইবা রেলৱে স্তেসনশিং য়াওনা মরুওইবা ইকোনোমিক, সোসিয়েল অমসুং লোজিস্তিক্স নোদশিংগা কনেক্তিভিতি ফগৎহন্দুনা মলতিমোদেল ইন্তিগ্রেসন হেনগৎহনগনি। ফগৎলবা কনেক্তিভিতিনা পোৎ-চৈশিং অমসুং লৌউ-শিংউগী সপ্লাই চেনশিং থুনা চত্থোক-চৎশিন তৌবা ঙমহনগনি, লমদম অসিগী ইকোনোমিক্কী চাউখৎ-থৌরাংদা মতেং পাংগনি, অমসুং বুদ্ধিস্ত সর্কিৎ অমসুং সীতামারহিগী পুৱারী ওইরবা জানকী পুনৌরা ধাম লাইশংগুম্বা মরুওইবা কলচরেল অমসুং রিলিজিয়স মফমশিংদা লাইনা চৎপা ঙমহনগনি।

এন.এইচ.-২২ গী মুজাফ্ফরপুর-সীতামারহি-সোনবরসা শরুক অসিগী চাউরবা স্ত্রেতেজিক অমসুং ইকোনোমিক্কী মরুওইবা লৈ, মসিনা নেস্নেল ফ্রেত গ্রিদতা অয়েৎ-অপন য়াওদনা শম্নহনবা ঙমহল্লি। মসি এন.এইচ.-৩১ অমসুং এন.এইচ.-১২২ গুম্বা লৈরিবা কোরিদোরশিংগা চুশিন্ননা বারাউনীগুম্বা ইন্দস্ত্রিয়েল জোনশিং অমসুং গঙ্গাগী তোর্বান্দা লৈবা রিভরাইন লোজিস্তিক্স হবশিংদা কনেক্তিভিতি হেনগৎহল্লি। মসিনা নক্নবা ভিতাথোর (Bhithamore) দা লৈবা লেন্দ পোর্তকী খুত্থাংদা ঙমখৈ লান্না পেসেঞ্জর চত্থোক-চৎশিন তৌবা অমসুং পোৎ-চৈ পুথোক-পুশিন তৌবসু হেনগৎহল্লি।

মসিগী মথক্তা, প্রোজেক্ত অসিদা চত্থোক-চৎশিনগী ত্রাফিক মতিক চানা থম্নবা অমসুং শাফবা, হাই-স্পিদকী খোঙচৎ ঙমহন্নবা মেজর ব্রিজ তরেৎ (মতম পুম্নমক্তা ঈশিং চেল্লিবা বাগমতি তুরেল মথক্তা শাবা মিতর ৩৪০ শাংবা মেজর ব্রিজ অমা য়াওনা), রেলৱে ওভর ব্রিজ (ROBs) অহুম, অমসুং ফ্লাইওভর অনি (মিতর ১১৭০ অমসুং ২৭০) শেম্বগী থৌরাং য়াওরি।

প্রোজেক্ত অসিনা চাংচত্তা চত্থোক-চৎশিনগী খোঙজেল হেনগৎহনগনি, মতম হন্থহনগনি, অমসুং অপুনবা রোদ সেফতি, ফ্যুয়েল ইফিসিয়েন্সি, অমসুং গারী চলায়বগী চাদিং হন্থহনগনি, মদুনা লমদম অসিগী চত্থোক-চৎশিন অমসুং সোসিও-ইকোনোমিক্কী চাউখৎ-থৌরাং হেনগৎহনগনি।

প্রোজেক্ত অসিনা বিহার শিনবা থুংনা মরুওইবা ইকোনোমিক, সোসিয়েল, অমসুং লোজিস্তিক্স নোদশিংদা অয়েৎ-অপন য়াওদবা কনেক্তিভিতি পীরি। মসিগী মথক্তা, অপগ্রেদ তৌরবা কোরিদোর অসিনা পি.এম. গতি-শক্তি ইকোনোমিক নোদ মঙা (ইন্দস্ত্রিয়েল ইস্তেত মরি অমসুং মেগা ফুদ পার্ক অমা), সোসিয়েল নোদ মরি (বাবা গরিবনাথ লাইশঙ, মাতা জানকী লাইশঙ, পুনৌরা ধাম, মুজাফ্ফরপুর অমসুং সীতামারহি এসপিরেস্নেল দিস্ত্রিক্তশিং), অমসুং লোজিস্তিক নোদ অনি (মুজাফ্ফরপুর অমসুং সীতামারহি রেলৱে স্তেসন) দা কনেক্তিভিতি হেনগৎহনগনি, মদুনা লমদম অসিদা পোৎ-চৈ অমসুং পেসেঞ্জরশিং য়াংনা চত্থোক-চৎশিন তৌবা ঙমহনগনি।

***